د افغانستان د خلکو د ترقی ملی متحد ګوند د دارالانشا د داډګیرنی پیغام

Abdullah Bakhtani Khedmatgar (2)په ډیره خواشینی سره مو خبر ترلاسه کړچی دپښتو ژبې تکړه او ستر لیکوال، محقق، شاعر او ملی شخصیت ارواښاد عبدالله بختاني – خدمتګار  په ۹۳ کلڼی عمر د ورپیښی ناروغی له کبله  وفات شوی او  له دی  نړی ئی سترګی پټی کړی.

انالله وانا الیه راجعون

ارواښاد سر محقق عبدالله بختاني – خدمتګار تکړه لیکوال، قلموال او قدرمن مشر و چې تل يې د پښتو ادب او کلتور د پياوړتیا او غنامندۍ لپاره، او د افغان ولس د بیدارۍ لپاره نه ستړي کیدونکي هڅي کړي دي او د پښتو ادب دیو ځلانده ستوري په توګه تل دخپلو خلکو په چوپړ کې پاتې شوای دی اوله  هغي څخه  د۱۱۰ په حدود کی ستر او ارزښتمن آثار په میراث پاتی ده.

دافغانستان د خلکو دترقی ملی متحد ګوند دارالانشا د ښاغلي ارواښاد سرمحقق بختاني – خدمتګار مړینه د افغان ولس او په خاص دول دهیواد ادبی تولنی لپاره یوه ستره تشه او ضایع ګڼي، ارواښاد ته دالله (ج ) له درباره ورته د فردوس د جنت غوښتنه او استدعا کوي، کورنۍ او دوستانو ته يې د زړه صبر او عظيم اجرغواړي. دغه ستر غم کې ځان شریک ګڼي.

په درنښت

پوهاند داکترمحمد داوود راوش

د افغانستان د خلکو د ترقی ملی متحد ګوند رئیس

Comments are closed.