کابل – افغانستان
۱۳۹۸/۱/۲۶
د مشورتې لوي جرګې د جوړیدو په باب د لېدلورو په هکله !
د افغانستان ملي ترقی ګوند د هېواد د سولي بهیر د پيل کېدو راهیسې ، د سولي د وړاندیزونو ، د سولي بهیر د سالمي سمت نیونې اړوند د اعلامیو په شمول زیات اسناد تصویب او خپاره کړي او په دې هکله یې زیاتو تبلیغاتي او سیاسي کارونو ته سازمان ورکړی .
له نیکه مرغه د هېواد دننه او بهر زموږ د سولي له وړاندیزونو او نورو اسنادو ډير ملاتړ شوی دی .
افغان ولس اوزمونږ ګوند په دی تمه وه ، چې د سولي د روان بهیر په اړه به مشورتي لویه جرګه کابل کې جوړه شي او د خلکو استازي به د هېواد له هري برخې ، د بهیر د وړاندي تګ او موجودوهغه ستونزو چی دسولی اوسنی جاری بهیر ټکنی کړی اویولړ انګیرنی رامنځ ته کړی دی ،د لیري کولو په خاطر ارزښناکه مشوري او پيشنهادونه وړاندي کړي . لوي جرګې ته به د استازو په نوماند کېدو او غوراوي کې به سیاسي او مدني بنسټونه سالمه سیالي وکړي .
له بده مرغه مالومیږي چې په واک قبضه کوونکې کړۍ او سیاسي نهادونه ، ځانګړي اشخاص او حلقې نه غواړي ، په قدرت او تصمیم نیولو کې شریک پېدا کړي . له دې کبله د شرطونو اوبهانوپه وړاندي کولو د دی ملي بهیر د بشپړتیا اوپرمختګ مخه نیسې .
د افغانستان ملي ترقی ګوند ، د مشورتې لوي جرګې د جوړیدو په وړاندي دجمهوری ریاست په راتلونکو ټاکنو کی دثبات اوهم پالنی ټیم مشراونوماند ، په څیر نور هم رنګه ټیمونواوکسانو وروستۍ پریکړی چې ګویا د یو لړ مسألود نه خبریدلواویاهم د قناعت نه لرلو له امله د لوي مشورتې جرګې د جوړیدلو په کار کې اشتراک نه کوي ،اونوموړی ملی پروسه د ټاکنیز کمپاین د هڅو سره غوټه کوي ، خواشینونکې بولي . زمونږګوند په داسې حالاتو کې چې په ټول وطن کې جګړه روانه ده ، طالبان د الفتح په نامه پسرلني عملیات مخته وړي ، د مشورتې لوي جرګې د کارپروړاندی دخنډونو اوتشویشونورامنځ ته کول او یا هم په هغه کې ګډون نه کول ، د سولي پيل شوي بهیر ته ګزار ورکول او دسولۍ مخالفینوته ، مورال او جواز ورکول بولي .
د ګوند دارالانشأ باور لري هغه سیاسي ګوندونه ، نهادونه ، کړۍ او اشخاص چې په واک او امتیازاتو کې یو ډول ځانونه شریک ګڼې او په کوچنیو بهانو ، د مشورتې لوي جرګې يا د طالبانو سره د مرکچې پلاوي د غوره کولو ملي تصمیمونه په خطرکی اچوی نودا ،ددی معنی لری چی د افغانستان د خلکو سره په مهارت دوښمنې پالې او د مغرضو همسایه ګانو او نړیوالو مافیایې کړیو په ژرنده اوبه تویوی .
د افغانستان د ملي ترقی ګوند عقیده لري چې د افغانستان خلک ، وطنپالونکې ،روڼ اندي په تیره ځوانان او ښځې د سولي بهیر د سالمي سمت نیوني ، د سولي په کار کې د اوسیدونکو ، هېوادنیو سیاسي مدني ټولنو د استازو د فعال ګډون غوښتونکې دي او هغوي هیڅکله هغو پریکړو ، پلي کولو ته ځانونه پابند نه بولي چې د افغانانو په پته ، په واک او امتیازاتو کې د ښکیل سیاسي نهادونو ، کړیو او اشخاصو له خوا نیول کیږي .
د ګوند دالانشأ د ګوند له شوراګانو او غړو ، د وطنپالونکو ګوندونو ، سازمانونو ، ګروپونو او مستقلو شخصیتونو او په ټوله کې د هېواد له وګړو غواړي ، اړین فشار واچوي چې د حکومت دننه کړۍ او اشخاص د خپلو ګټو د خوندي کولو په پلمه ملي بهیرونه سبوتاژ نه کړي .
مخ پروړاندی دیوی عادلانه اوتل پاتی سولی په لور
مونږداسی سوله غواړوچی په هغه کی ټول ملی اومترقی ارزښتونه وساتل شی
په درناو ی
عبدالحی مالک د افغانستان د ملي ترقی ګوند رئیس