دوه مختوب او ټرمپ د يوې پديدې دوه نومونه دی

حکيم روان

څه موده د مخه د امريکا د متحده ايالاتو ولسمشر دونالد ټرمپ د لومړی ځل له پاره د ټولې نړئ د عامه ذهنيت او ټولو بين المللی معيارونو پر خلاف بيت المقدس د اسرائيلو د مرکز په توګه په رسميت وپيژاند او په اسرائيلو کې يې د امريکا د متحده ايالاتو سفارت ته لارښوونه وکړه چې خپل سفارت بيت المقدس ته انتقال کړي .

اوس يې بيا ويلی دی چې امريکا د اسرائيلو له خوا اشغال شوی د سوريې د ګولان لوړې د اسرائيلو د خاورې د جز په توګه په رسميت پيژني. دوه مخي ټرمپ د روسې له خوا د کريميا نيولو او انيکشن ته تېرۍ وايي او له دې امله په روسيه بنديزونه لګوي  خو د ګولان نيولو ته بيا تيرۍ او انيکشن نه وايي . په داسې حال کې چې کريميا يو وخت د روسيې د خاورې برخه وه ، خو د ګولان لوړې د سوريې د ځمکنۍ بشپړتيا جز وو او دی . له بی شرمه ټرمپ څخه د شرم او حيا توقع نه شته ، له احتماله ليرې نه ده چې سبا له خوبه را پاڅي ، ماليخوليايي ترمپ دمشق هم د اسرائيلو د خاورې جز اعلان کړي .

د نورمال انسانانو له نظره د کريميا تصاحب د ګولان له تصاحب سره هيڅ توپير نه لري . د اسرائيلو له خوا د فلسطين د نيول شوو او غصب شوو سيمو اشغال د ټول بشريت د کرکې او مخالفت سره مخامخ دی . د امريکا او اسرائيلو پر ضد د اسلامی نړئ کرکه د اسرائيلو له خوا د بربنډو او ښکاره تيريو او د امريکا د متحده ايالاتو له خوا د اسرائيلی تجاوز او په اسلامی هيوادو کې د ديکتاتورانو د بی شرمانه ملاتړ محصول ده او پر همدې بنسټ د اسلامی تروريستی ډلو تشکيل ددې پليد او انسانی ضد ککړ چاپيريال زيږنده ده .

همدارنګه د دوه مخي ټرمپ دوه مخې ادارې د ايران د سپاه پاسدارانو سازمان د تروريسم ليست ته شامل کړ ، خو د آی-اس-آی علنی ، په زرګونو شواهدو او اثباتيه دلائلو فعال تروريستی سازمان د تروريسم ليست ته نه شاملوي !  د تروريستی فعاليتونو داسې شواهد او نښانی کمې نه دی چې د سپاه پاسدارانو پر تروريستی ماهيت دلالت وکړي ، خو د پاکستان آی-اس-آی خو د القاعدې ، داعش ، لشکر طيبه ، لشکر جنګوي ، جيش محمد ، سپاه صحابه ، لبيک يا محمد ، جماعت الدعوه ، جماعت اسلامی ، جماعت الاحرار ، احرارالهند ، طالب پاکستانی او طالب افغانی ، اوه ګونی پ خپل منځ کې دښمنې جهادی ډلې……..او په  لسګونو نورو وسله والو تروريستی ډلو مور ده . پاکستان خو د تروريسم د توليد او صدور نړيوال مرکز دی . په دې جقيقت له هر چا زيات امريکائيان ښه پوهيږي ، ځکه په پاکستان کې د تروريستانو د روزنو مرکزونه د امريکائيانو په مرسته جوړشوی او تر ننه فعاليت کوي ، خو منافق ټرمپ آی-اس-آی د تروريسم ليست ته نه شاملوي . ولې ؟

زما په ګومان ټرمپ د راتلونکی له پاره او د هر احتمال له پاره د آی-اس-آی تروريستی سازمان د امريکايي موخو له پاره ساتي.

د ټرمپ دوه مختوب او منافقت د شيطان په وجود کې هم بی سابقې دی .

زه د يوه انسان او افغان په توګه پر ټولو افغانانو غږ کوم چې د خپلو مليونونو شهيدانو د وينو د غچ اخيستلو په خاطر يو عظیم مطبوعاتی او فسبوکی کمپائن ددې د پاره پيل کړې چې ملګري ملتونه د پاکستان آی-اس-آی د نړيوال تروريستی سازمان په توګه وپيژني ، پر هغه بنديزونه ولګوي او د بشر ضد جناياتو په تور يې د نړيوالې محاکمې ميز ته د يوه خونړي جانی په توګه را کش کړي . پای

 

د افغان حکومت مخالفين او دښمنان

حکيم روان

د افغان حکومت مخالفين له خپل طبيعی حق اختلاف څخه برخمن دی . دوی نه يواځې د افغان حکومت دښمنان نه دي ، بلکې د افغان حکومت مرستندوی او په ټاکلو شرايطو کې د افغان حکومت ملاتړي او متحدين دي . اختلاف په مستبدو او توتاليتارو رژيمونو کې د دښمنۍ په مانا وي او مخالفين په وحشيانه توګه د مستبدو رژيمونو له خوا د ويروونکی تعقيب ، زندان ، شکنجو او بې رحمانه وژنو سره مخامخ کيږی . خو په دموکراتيکو نظامونو کې اختلاف ته د ټولنې د تشکيلوونکی او جوړوونکي عنصر په سترګه کتل کيږي ، کوم چې د نظام او ټولنې د سالمې ودې سره مرسته کوي .

له نېکه مرغه افغانستان د خپلسرو ، ديکتاتورو او توتالیتارو رژيمونو سره خدای پامانی کړي ده او په زړورتيا سره ويلای شو چې افغانستان په سيمه کې د تر ټولو دموکراتيک اساسی قانون خاوند دی په کوم کې چې د هيواد د اوسيدونکو ټول فردی ، سياسی او ټولنيز حقوق بيله توپیره خوندی او تضمين دي . زمونږ خلک په خپل هيواد کې د بيان د آزادۍ ، مطبوعاتو او سياسی آزاديو له لحاظه پر خپل نظام وياړ کولای شی . افغان زړه ور ملت چې تر ننه د داخلی او خارجی دښمنانو له خوا لکه زمرئ په مختلفو پلمو، فريب او تذوير په بند او قفس کې ساتل شوی وو او له هر ډول حقوقو او آزاديو محروم وو ، تر دې هم د زياتو حقوقو او آزاديو مستحق دی . لاس ته راغلی آزادی او نورې لاس ته راوړنې د افغان ولس د بيسارو قربانيو محصول دی . دا ملت څلوېښت کلنو خونړيو جګړو په ګونډو نه کړ او په جګه غاړه د کښلی تورې سره په لاس د هر مستبد او فرعون مخې ته راوتلی دی . زه د خپل په وينو لړلی آزادي غوښتونکی ولس په پښو کې د احترام او درناوی سجده ږدم .

د نوی اساسی قانون له مخې به راتلونکی ټول حکومتونه د خلکو د آزادو، مستقيمو او سری رايو له لارې غوره کيږی او د حکومت مشروعيت به د ملت د ارادې او خلکو د رضايت له مخې ټاکل کيږي .

 مخالفين حکومت ته د ستونزو د حل مختلف بديلونه وړاندې کوي او په دې توګه د حکومت د ليد لورو د پراختيا سره مرسته کوي . د افغان حکومت د مخالفينو تر ټولو ستره برخه هغه څوک دي چې د حکومت د اوسنی ۵۰٪ ويش مخالف وو . دوی باور لري چې د جهادی چورګرو له مشارکت پرته به د سترو ملی دندو د اجراء له پاره د حکومت وړتيا د نن په پرتله څو چنده وای . په دې کې شک نه شته ، خو له بده مرغه دوی د افغان حکومت محدوديتونه او مجبوريتونه هيروي . دوی دا هيروي چې افغان حکومت د خپل وسله وال پوځ د څو مياشتو مالی تأمين توان نه لري . نو ځکه حکومت د جهادی چورګرو فشار او د امريکا ظاهرا پخلاکوونکی نقش ومانه . ظاهرا پخلا کوونکی نقش ددې له پاره چې امريکا له دوهمې کلا څخه د افغان کړکېچ د حل له پاره استفاده و نه کړه . دوی د ۵۰٪ غلو او چورګرو برخه په حکومت کې ومنله او افغان حکومت مجبور شو چې د دوو لاسو پر ځای په يوه لاس کار وکړی . که څه هم له « يوه لاسه ټک نه ځيژي » خو د ولسمشر اشرف غنی وړتياؤ د محدوديتونو او چلنجونو باوجود ناممکن ممکن کړه . افغان حکومت د هغو مخالفينو قدر کوي کوم چې د اساسی قانون د تطبيق ، د مرکزی واکمني د اقتدار ، د پردو د جاسوسانو ، مفسدينو او چورګرو د آنی محاکمې غوښتنه کوي . شک نه شته چې دا غوښتنې په حقه دی ، خو حکومت د خپلو امکاناتو په محدوده کې کار کولای شی. د حکومت مخالفين په دې اړه حکومت په کم کاری او محافظه کاری تورنوي . حکومت د خپلو دلايلو سره سره د مخالفينو د مخالفت حق محفوظ ساتي .

 د حکومت سره مخالفت د قانون څخه د سرغړاوي ، خپلسرۍ ، موانعو د ايجاد او ټولنيز نظم و نسق د ګډوډ کولو په مانا نه دی . له بده مرغه په افغانستان کې دښمنان د مخالفت په نوم د اساسی قانون له مزاياؤ څخه په سوء استفاده سره د حکومت په وړاندې خپله دښمنی پټوي . دوی د حکومت په وړاندې وسله وال مقاومت ، قانون شکنۍ ، په خلکو چپاوونو ، وسله والو غلاؤ ، اختطاف د حکومت په وړاندې د مختلفو موانعو ايجاد ، د لارو او برقی لينونو قطع کولو ، د حکومت د اوامرو نه منلو ،  خرابکاری او قطاع الطريقی ته د حکومت سره د مخالفت نوم ورکوي . دا مخالفت نه بلکې د حکومت او په مجموع کې د نظام سره دښمنی ده . د وسلو د لرلو او استعمال حق د حکومت انحصاری حق دی . د حکومت له جوازه پرته هره بله ډله په هر نوم او عنوان وسلې ته د لاس تېرولو په لومړی شيبه کې بايد سمدلاسه بې وسلې او د مقاومت په صورت کې سرکوب شی . دا شمېر ډلې او بانډونه د خارجی دښمنو شبکو لاسپوڅي او د جهاد ، قوم او مذهب په نوم زمونږ د ولس د ويشلو او سياسی نظام د نسکورولو هڅه کوي . دښمنان  د مخدره موادو په قاچاقو د وسلو په تجارت، د ګمرکونو د عايداتو په چور، د خلکو په شوکو ، چور او چپاول ، د شخصی او دولتی ملکيتونو په غصب، اختطاف او ټولنيز امن په ويجاړولو بوخت دی او غواړي د خپلو جناياتو د مسؤليت څخه د خلاصون له پاره  د مخالف د قانونی مصؤنيت څخه ناوړه ګټه پورته کړي .

رښتينی سياسی مخالفين د ملی لوړو مصالحو ساتندوی او په دې لور کې د حکومت له پاره د حساب وړ متحدين وي . د هيواد له پاره په برخليک ټاکونکو شيبو کې اختلافات او سليقوی رنګارنګی يوې خواته پريږدی او د حکومت سره يو ځای ستونزو ته اوږه ورکوي .

نن چې په ټوله نړئ کې د افغانستان د سولې د مذاکراتو خبرې د ژبو په سر دی . هر څوک پوهيږي چې افغان جګړه دوې خواوې لری : افغان دولت او نړيواله ټولنه په سر کې امريکا له يوې خوا ، طالبان ، پاکستان ، ايران ، قطر او روس له بلې خوا .

طالبان ، پاکستان ، روس او ايران غواړي چې د سولې په مذاکراتو کې د مذاکراتو اصلی خوا افغان حکومت په کامله توګه له پامه وغورځوي او د مذاکراتو له پروسې د باندې پاتې شی او دوی په خالی ميدان کې خپل آسونه وځغلوي . که په کامله توګه افغان حکومت ايګنور نه کړای شی ، نو حد اقل نقش يې د چورګرو د يوې جهادي ډلې تر کچې راټيټ کړي . په دې کار کې د طالبانو تر څنګ نور داخلی لاسپوڅي هم د پاکستان ، ايران او روس سره يو ځای د افغان حکومت د رول له پامه غورځول يا د خپلو نوکرو ډلو تر کچې را ټيټول غواړي . ځکه دا ډلې د لسګونو کالونو زور زياتی ، چور او چپاؤل او د بشری ضد جناياتو له محاسبې وېره لري .

دوی وليدل چې حکومت په کابل او يو شمېر سيمو کې د دينی او قومی معامله ګرانو په مفسدو او خونړيو وسله والو ډلو بريدونه وکړل ، د کومو سره چې د دوی ملاتړ ورسره وو او دوی پوهيږي چې نننۍ حکومت د قانون حاکميت ته ژمن دی او د دې  حکومت ادامه به د حکومت بريدونه د دوی تر لمنو هم ورسوي . نو ځکه يې په ډاګه او بی شرمانه توګه د طالب ، پاکستان ، ايران او روس خوا نيولی ده او د خپل حکومت د پرزيدو هلی ځلی کوي . افغان حکومت په دوو جبهو کې جنګيږي . يوه يې خارجی جبهه ده چې تر ټولو خونړۍ کړۍ يې پاکستان+ طالب + آی-اس-آی ده ، بله داخلی جبهه ده چې د چورګرو مجاهدينو څخه جوړه ده او په سر کې يې عطا چور ، کرزی ، اتمر ، محقق….. او نور دی .

افغان حکومت د عمران خان څرګندونی افغانی ضد بولی او پر هغه احتجاج کوي ، خو هماغه د عمران خان افغانی ضد څرګندونی اتمر ، کرزی ، محقق….. او نور د حکومت د ږيرې لاندې کوي .

وطنوالو ! دښمن له بهر او داخل نه لاس په کار دی . د خارجی او داخلی دښمنانو مشترکه هڅه داده چې افغانستان له نړيوال حمايت څخه محروم کړی او د سولی په نوم د خپلو شومو موخو له پاره پر افغان ولس يو کمزوری نوکر دولت تحميل کړي

د افغان وطن پالونکو ملی دنده او وجيبه ده چې په دې برخليک ټاکونکو شيبو کې د پردو او د هغو د نوکرانو په وړاندې د خپل حکومت تر شا ودريږي او د يوې سالمې افغانمحوره رښتيني سولې د تأمين په لاره کې خپل خپل ملی او وطنی فرض اداء کړي .

د افغان نظام د بقاء او رښتينی سولې د ټينګښت په هيله !

 

 

 

 

 

دافغانستان دملی ترقۍ ګونددریس او درهبری شورا دغړو خوست اوپکتیا ولایتونو ته دکاری سفررپورت :

 

دحمل دمیاشتی په ۱۵نیټه کال ١٣٩٨ دپنجشنبی ورځ دافغانستان دملی ترقۍ ګوند ریس عبدالحی مالک او ددارلانشأ غړو هریو ملګری میرزمان وفاداراوداود ځدران ګوندی چارو دارزونی په پارخوست اودحمل دمیاشتی په ١۶نیټه دجمعی په ورځی دپکتیا ولایت ته کاری سفروکړو او د ګوندی سازمانونونه څخه یی له نږدی نه لېدنه اوپه یادو ولایاتونو کې دګوندی غړو اوصفوفو سره لېدنۍ اوکتني ترسره کړی اودملګروسره یی دګوندی لېکودپیاوړتیا اوچارو دلاسمون په پار دنظرونه تبادله وکړی .

دګوند مشر او ورسره هیت دپکتیا ولایت دګوند پخوانی مسؤل مرحوم فدادمحمد فدا روح ته دوعا وکړه اوهلته میشتو کادرونو اوملګروته یی دهیواد ، منطقه اونړیوال سیاسی حالات تشریح کړل ، دګوندی چارو دلاغښتلتیا او منظموالی ، ګوندی لېکو ته دجلب اوجذب ، دګوند دمالی بنیه دتقویی په پاردحق العضویت دراټولو باندی تاکید وکړو اوهمدارنګه دیادو ولایتونو په ولسوالیو کې دګوندی هستواومحلی سازمانونو دایجاد او دملګرو ترمینځ دفکری یووالی دتامین اړوندخبری وبحثونه وشول همدارنګه دګوند دریس ملګری عبدالحی مالک لخواپه هیوادکې دسولۍ دروانې پروسی په هکله ملګروته معلومات وړاندی کړل شول اودګوند سیاسی موقف اونظریی هغوی ته څرګندکړو او دسولۍ پروسی اړوندی یی دملګرو نظرونه واوریدل اوغونډه دګوند دریس عبدالحی مالک اوورسره محترم هیت لخوا مثبت وارزوله شوه خاصتأ دخوست اوپکتیا دملګرو غونډه کې فعال ګډون اوګوند سره مینه اوسیاسی مبارزه ته لیوالتیا وستایله اوددوی دفعال خضور قدردانی یی وکړه اودوی یی ګوندی مبارزی اودګوندی چارولاسمون ته وهڅول ۔ او په پای کی دغونډی ګډونوالوپوښتنوته ځوابونه وویل اودیادوولایتونوګوندی شوراګانود رهبریو اوغړو له خوادګوندریس اوورسره هیت ته اطمینان ورکړل شوچی ګوندی چاربه لاپیاوړی کئی اودی برخه کې به نه ستړی کېدونکې مبارزه ته دوام ورکوی همدارنګه دسولی دروانی پروسی اړوند دګوند داعلامیه اوموقف یی تایید کړو اوخپل ملاټړیی تری اعلان کړو یادی غونډی دملګرتوب اوصمیمیت په پوره فضا کې پای ته ورسیدلی۔

دتبلغ اوفرهنگ کمیسیون

Bilden kan innehålla: 10 personer, personer som står
Bilden kan innehålla: 2 personer, personer som sitter
Bilden kan innehålla: 4 personer, personer som sitter
Bilden kan innehålla: 1 person
Bilden kan innehålla: 15 personer, personer som står

د مؤقت حکومت ناپاکه هيله

حکيم روان 

ټول وطن پالونکی او د هيواد د ځمکنی بشپړتيا او ملی واکمنۍ پلويان په هيواد کې د يوه مرکزی ځواکمن حکومت هيله لری . په خواشينۍ سره بايد ووايو چې دا هيله د نړيوالو د ملاتړ سره سره تر اوسه سرته نه ده رسيدلی . ځکه له لومړی سره ځان غوښتونکو جهادی فرعونيانو پر واکمنۍ پنجې ښخې کړې او تر ننه يې په غاښونو او پنجو د ليونيو سپو په شان يوې او بلی خوا ته کشوي . نړيوالې مرستې يې چور او چپاول کړې ، وسله والی جنايتکارې ډلې او د وسلو ګدامونه يې وساتل .

جهادی غيرمسؤلې وسله والې ډلې تر ننه د خلکو سره زور زياتی کوي او مرکزی ويشلی واکمنی يې په وړاندې د عمل کولو توان نه لري . ولسمشر اشرف غنی د قانون واکمنی خپروي ، جهادی مافيا يې په وړاندې مقاومت کوي .  نيمه واکمنی د جهادی مافيا ده .  دا مافيا خدای ، اولی الامر او قانون نه منی . خلک دې وضعيت تر ستونی راوستی دی او باور يې پر حکومت له يوې ورځې تر بلې کمزوری کيږي .

همدا وطن پلوری جهادی مشران د ګاونډيانو مداخلې توجيه کوي . د خيانت د بيرغونو سره د خلکو او نړيوالو د سترګو په وړاندې د مرکزی واکمنی پر ضد وسله وال ګواښونه کوي . د جګړې ، د وينو د رودونو او نه بښونکو بشری ضد جناياتو مسؤلينو د حکومت مهم پوستونه قبضه کړی دی . د بلخ امپراطور په مياشتو مياشتو ولسمشر د چوکيو په ويش بوخت کړی وو او غواړي د خپلې مافيا ريښې نورې هم ژورې کړي .

د مخدره موادو مافيا د جهادی او طالبی مافيا سره په جوړ جاړي کې زمونږ د کمزوری او له پښو لويدلی هيواد تنه زبيښي . هيواد وال مو نه يواځې د توپک سالارانو په جهنم کې سوځي ، بلکې د مخدره موادو د ږيرورو قاچاقيانو دوزخ يې هم لولپه کوي.

آ خوا طالبان ورځ تر بلی خونړی کيږی . په پاکستان کې د ځان مرګو فابريکې په ټول توان او ظرفيت سره کار کوي . د طالبانو ليکې د پاکستانی زرګونو مدرسو په طالبانو ډکيږي . په بی وسو کليو او ولسواليو کې د طالبی زور زياتی تر څنګ له کچې لوړې غريبۍ ، رنګارنګ رنځونو اوبيکارۍ خلک له پښو غورځولی دي .

په داسې ويروونکو شرايطو کې عمران خان پاکستانيانو ته زيرئ ورکوي چې په افغانستان کې « يو ښه » حکومت رامنځته کيږي . عمران خان د کوم ښه حکومت زيرئ ورکوي ؟

دا به هغه حکومت وي چې مشاورين به يې د آی-اس-آی افسران وي او واليان به يې د آی-اس-آی غړي وي .

دا به هغه حکومت وي چې د افغانستان اردوبه دړې وړې کړي او د افغانستان د وسله وال ځواک وسلې به د پاکستان اردو ته وسپاري .

دا به هغه حکومت وي چې پاکستانی بی کيفيته توليداتو ته به د هيواد دروازې بيله کنتروله ، بيله ګمرکه او بی له ماليې خلاصې وي او پاکستان به په کال کې له دې درکه پنځه مليارده ډالره  د نيم ژوانده افغانستان څخه کش کوي .

دا به داسې حکومت وي چې پاکستانيان به پاکستانی مالونه د افغانستان له لارې بيله ترانزيتی محصوله منځنی آسيا او د منځڼۍ آسيا محصولات به د همدې لارې بی محصوله او بی ګمرکه پاکستان ته وړي .

دا به داسی حکومت وی چې له افغانستان پاکستان او ايران ته د تلونکو مفتو اوبو په قصه کې به نه وی او د افغانستان ځمکه به د اوبو د نه رسيدو له امله سوځي .

دا به داسی حکومت وي چې د خپل افغانی تاريخ ريښې به باسی ، موزيمونه او تاريخی ارزښتونو به ( باميان ) په بمونو الوزوي.

دا به هغه حکومت وي چې د افغانيو پر ځای به کلدارې چلوي لکه چې طالبانو چلولې او تر ننه هماغه سيوره مونږ تعقيبوي .

دا به هغه حکومت وي چې د افغانستان شنه ځنګلونه به اره کوي او پاکستان ته به يې وړي او پاکستانيان به د افغانستان معدنيات رايګان پاکستان ته کش کوي .

دا به داسې حکومت وي چې په هغې کې به ولسمشر اشرف غنی نه وي ، کوم چې غواړي افغانستان د پاکستان له ترانزيتی انحصاره خلاص کړي . هغه چې د کراچی بندر پر ځای يې چابهار خلاص کړ او هغه چې له پاکستان نه يې مخ واړاوه او د افغانستان له پاره يې د لاجوردو لار خلاصه کړه او هوايي دهليزونه يې د افغانی مال التجاره د پاره پرانستل او پر پاکستانی مالونو يې منځنی آسيا ته شرایط وضع کړل . د عمران خان ، مانتيسکی ، اتمر او طالبانو په حکومت کې به هغه اشرف غنی نه وي کوم چې پاکستان ته پر تلونکو اوبو بندونه تړي . دوی غواړي له هغه اشرف غنی ځانونه خلاص کړی چې د دموکراسی ، ټولنيز عدالت ، قانون د واکمنۍ د پردو د مداخلو د مخنيوی او په خپل کور کې په خپلو امکاناتو د افغان د باعزته او وړ ژوند توغ يې په اوږه دی .

دا به داسی حکومت وي چې د پاکستان د خوشالی د پاره به د هند سره دښمنی کوي او د نړۍ دوه يا درې تروريست پلوه هيوادونه به يې په رسميت پيژنی او په نړيواله کچه به يو منزوی او د پاکستان مزدور او بنده حکومت وي . خارجی سفرونه به يې د پاکستان په واسطه تنظيميږي .

د روس سفير الکساندر مانتيسکی په سپين سترګی سره وايي چې ټول افغانان دې په سوله کې شريک وي ، خو افغان حکومت نه ؟  روس سفير د يوې بدنامی ديکتاتوری استازی دی ، فکر کوي چې هر چيرې حکومتونه د دوی د حکومت په څېر دی او هيروی چې افغان حکومت د خپلو خلکو استازيتوب کوي . دا بی شرمه د افغان حکومت سره سفير دی او ځان ديپلومات بولی ، افغان ولسمشر ته يې اعتبارنامه وړاندې کړی ، خو په بی شرمی سره زمونږ په چارو کې مداخله کوي او د ټولو نړيوالو معيارونو او ديپلوماتيک عرف خلاف د افغانانو په خپل منځی خبرو ورګډيږی او د حکومت ضد موقف اعلانوی. مانتيسکی فکر کوي چې د روس ک،ګ، ب به د پخوا په شان په افغانستان کې آسونه ځغلوي . خو افغانستان نور هغه افغانستان نه دی .

 افغان حکومت د خارجی دښمنانو سربېره د جهادی مافيا ، طالبی مافيا او د مخدره موادو د مافيا سره سخت بوخت دی ، کنه د روس سفير ددې څرګندونو سره په ۲۴ ساعتو کې د شړلو وړ وو . خو افغان حکومت يې په وړاندې چوپ پاتې شو ، ځکه د کور سپي نه پريږدي چې باندينی ليوان له خپل غولی وشړي .

بيا هم آزمايل شوي اته ( ۸ ) تنظيمونه د مکې قرآن خواره جمع احدی د مؤقت حکومت د طرحو سره مذاکراتو ته ځي . ولی مؤقت حکومت ؟ ولی عمران خان ، الکساندر مانتيسکی ، حنيف اتمر ، عطا نور ، اسماعيل خان او ….. پر مؤقت حکومت ټينګار لري ځکه چې :

–  دوی پوهيږی چې د دوی او د دوی د بادار د دښمن اشرف غنی په وړاندې ټاکنې بايلي او د ټاکنو له لارې د ځان او د بادار د پاره هيڅ نه شی کولای .

–  مؤقت حکومت به د دوی او طالبانو ګډ حکومت وي ، ځکه اشرف غنی او ټول وطن پالونکی هغه ردوي . هغه څه چې ايران ، روس او پاکستان يې غواړي .

 

 

 

نامه سرګشاده به رییس جمهور ایالات متحده امریکا آقای ترامپ !

ـ به کانګرس ایالات متحده آمریکا !

ـ به اتحادیه ای اروپا در بروکسل !

 از  ارتکاب سومین اشتباه ، اجتناب ورزید!

سومین اشتباه  بزرګ ایالات متحده  امریکا در افغانستان میتواند خطری  برای تمام جهان  باشد!

نخست، در ۱۹۹۲، امریکا با همکاري پاکستان ومتحدین،  دولت مترقي و مبتني برقانون (سکولار و لاییک) داکترنجیب الله را سرنګون ساخته،  بجایش دولت جهادي، رباني ـ مسعود را جابجا نمود که به  تشکيل ملوک الطوايفی و جنګ داخلی ويرانګر و تباهکن منجر ګرديد .

سپس آمریکاو انګلیس بمدیریت پاکستان،  تحریک طالبان را ایجاد نموده و در رسیدن به قدرت به ایشان مساعدت نمود، در حالیکه همه  میدانستند که  طالبان همانند جهادیان افراطی وبرضد ارزشهای دموکراتیک  اند.

در نتیجه جنګهای فی مابين مجاهدين و طالبان هزاران انسان کشته و زخمی و مليونهای ديګر مجبور به ترک خانه و کاشانه  و مهاجرت  شدند.

دومین اشتباه  بزرګ امریکایی ها  در ۲۰۰۱ متعاقب  فاجعه ۱۱ سپتمبر،  مداخله  نظامی در افغانستان، بمنظور انتقام از القاعده  بود.

قوای امریکا و متحدین آن رژیم  طالبان را، که بن لادن را پناه داده بود ،  واژګون ساختند، و جلو اداره افغانستان را به سران معلوم الحال جهادی سپردند ،  که اکثرأ مشهور به غارت و غصب  جایداد های شخصی افغانها  و ملکيت عامه بودند.  این جهادیان، که در نتیجه کنفرانس  بن بدون در نظر داشت عملکرد سابقه آنها  بقدرت رسیدند، فساد اداری  را در تمام سطوح رائج ساخته و همه کمک های مالی جهانيان ، باالخاصه ايالات متحده امريکا را به غارت بردند.

. قابل یاد آوریست که مردم حق شناس افغانستان ، فداکاريهای جهانيان، در رأس ايالات متحده امريکا را در زمينه دولت سازی و خصوصا در مورد تشکيل قوای مسلح افغانستان و ترويج ارزشهای دموکراتيک صميمانه ارج میګذارد .

دولت افغانستان درين اواخر بمنظور استفاده مؤثر از کمک های جامعه جهانی ، عرضه بهتر خدمات به لايه های مختلف مردم ، تطبيق يکسان قانون ، مبارزه با مواد مخدر، اقدام عليه فساد اداری ، جلوګيری از سوء استفاده های چهره های جهادیبرکناري آنها  ازمقامهای دولتي و آغازپروژه های زیربنايي ګامهای متين و استوار برداشته است.

اکنون که اعتبار زائل شده مردم بر حکومت  دو باره شکل ميګيرد و مردم به همکاری دولت ميشتابند، پیشبرد مذاکرات صلح با طالبان  بدون آګاهي دولت افغانستان  اشتباه جبران ناپذير خواهد بود.

 ايجاد شرايط  مساعد برای مانور سياسی برای ګروه های مخالف دولت افغانستان و سر و صدای دولت موقت( معجونی از طالب و مجاهد دو نيروی افراطی ) بمثابه بديل دولت انتخابی فعلی، منتج به  فاجعه جدید،  با ابعاد وسيع و زيانهای جبران ناپذير جانی و مالی برای مردم افغان و خطر جدی به صلح حهانی خواهد بود! از نظر ما هر ګونه سازش با طالبان در غياب دولت افغانستان سومین اشتباه بزرګ و تاريخی شما پنداشته خواهد شد!

وضعيت کنونی مذاکرات با طالبان در غياب دولت افغانستان ، پیروزی تروريسم و حامی آن  پاکستان و تکرار تراژيدی سال۱۹۹۲ را در اذهان .زنده میسازد. چون آشکار است، که صلح با طالبان در غياب دولت افغانستان زير هر نام و عنوانی که باشد ، بمعنای آغاز مرحله جديد جنګ، بهدر رفتن خون شهدا ، نفی دستآوردهای ۱۷ ساله ، براندازی نظام دموکراتيک و عقبګرد به ګذشته خوفناک طالبی و جهادی است .

آقای ترامپ ! شما بهتر ميدانيد که دولت پاکستان،  همیشه  بازي دوګانه را  انجام داده، از وجود افراطیون اسلامي در افغانستان بهره  برده، از کشورهای  جهان بنام مبارزه با تروریزم پول دریافت میکند، در عین زمان در قلمرو خود باند های رادیکال و انتحاری را  تربيه نموده ، جهت کشتن و ويرانی به افغانستان و هند میفرستد.

اګر میخواهید  جهان فارغ از تروریسم داشته باشید:

ـ  بردولت پاکستان بمثابه حامي تروریسم اعمال فشار نمایید،

ــ  از دولت کنوني  افغاني  منحیث متحد شما در مبارزه با تروریسم و مواد مخدر حمایت کنید،

ـ مذاکرات صلح با طالبان را با ملکيت دولت افغانستان انجام دهید!

‎. با عرض حرمت.  روشنفکران افغان.  ۹/۰۱/۱۳۹۸ (۲۹/۰۳/۲۰۱۹).