د افغانستان د ملي ترقۍ ګوند د دالانشأ اعلامیه

کابل – افغانستان

د ۱۳۹۸ م کال د زمري ۱ړۍ

د امریکا د متحده ایالاتو د ولسمشر دونالد ترمپ د ورستیو څرګندونو په هکله :

د ګوند دارالانشأ خبرتیا تر لاسه کړي چې د امریکا د متحده ایالاتو ولسمشر دونالد ترمپ د خپل پاکستاني سیال عمران خان سره د کتنې په وخت ، ویلي چې : که امریکا وغواړي چې د افغانستان جګړه وګټې ، په یوه اونۍ کې شونې ده ، خو زه نه غواړم چې لس میلیونه خلک ووژل شي ، زه د افغانستان له پاره پلانونه لرم ، که وغواړم دا جګړه وګټم افغانستان به د ځمکې له مخې پاک او محوه شي ، خو زه نه غواړم چې دا کار وکړم او په دې لاره لاړ شم .

د افغانستان د ملي ترقۍ ګوند د نړۍ د یوي سترې دموکراسۍ د مشر دا ډول څرګندونې له مسؤلیت پرته ځانګړی دریځ نیول بولې چې غواړي له هغو تعهداتو څخه چې امریکا زموږ د خلکو په وړاندي کړي او په هغې کې پاتې راغلې ، د نړیوالو پاملرنه بلې خوا ته وګرځوي . ولسمشر ترمپ باید په یاد ولري چې په افغانستان کې نښلول شوي جګړه د افغانانو غوښتنه نه وه . دوه نړیوالو سیاسي شیستمونو چې یو اړخ یې امریکا او د هغې غربې متحدین او سیمه ایز انډيوالان وه دا جګړه پيل کړه او د خپلو ګټو په پار یې هغې ته بیلا بیل ابعاد ورکړل او د مجاهد ، طالب ، داعش ، القاعدي او نورو مذهبې پروژو په را وړاندي کولو سره یې دا بې نومه جګړه تر دې دمه غزولي ده . د افغانانو پر مټ امریکا او د هغې غربې انډيوالانو او پاکستان له ډيرو ځواکمنو سیاسي نړیوال او سیمه ایز سیالانو څخه ځانونه خلاص کړل . له دې کبله امریکا او د هغې متحدین او انډيوالان د افغانانو پوروړي پاتې شوي دي . د بدمرغۍ ځاي دادی ، د دې پر ځاي چې د افغانانو د توي شوي او بهېدونکې وینې په بدل کې افغانانو ته سوله ارزانې شي ، د افغانستان په وړاندي د نا اعلان شوي جګړي عمال په سزا ورسول شي ، د بل د ډارولو په موخه د ځمکې له مخ د افغانستان د ورک کولو سپيره خبره د ترمپ له خولې اوریدل کیږي . اوس هغه شک چې ولي د دومره امکاناتو برسیره جګړه نه ودریږي ، ولي افغانستان ته ریښتونې سوله نه راستنول کیږي او د سولي په روان بهیر کې د حکومت په شمول هغه خلک ولي څنډي ته کیږي چې په روانه کرغیړنه جګړه کې یې خورا ډير زیانونه لېدلي دي ، په یقین بدلیږي .

له یوه ناڅرګند ادرس د طالبانو را ایستل ، د مسکو او قطر په څير غونډو کې هغوي ته کاذب شخصیت ورکول ، د هغوي په وجود کې د پاکستان ، روسیې او ایران ګټو خوندي کولو ته زمینه برابرول ، په یوه بهانه د پاکستاني پلاوي د خوشالولو له پاره د افغانانو غمجن مخ ته څپيړه ورکول هغه موارد دي چې زموږ خلک په تیره بیا روڼ اندی قشر یې نه شي هیرولی .

د افغانستان د ملي ترقۍ ګوند دارالانشأ د سولي د روان بهیر څخه چې زموږ ګوند ورڅخه ملاتړ اعلان کړی او د رسنیو له لارې یې د ریښتونې سولي د حصول په موخه د سولي د پيشنهادونو یوه ټولګه وړاندي کړي ، اندیښنه څرګندوي چې : د سولي بهیر د پيل کېدو سره جوخت – د تړلو دروازو تر شا خبري چې د ډموکراتیکو وطنپالونکو نهادونو استازې په کې حضور نه لري – د هېواد د سولي له بهیر څخه د نړۍ او سیمې د ځينو هېوادونو د ګټې پورته کوونې ناوړه سیالې پيلېدل – د حکومت د اپوزیشن هغو ډلو او ځانګړو اشخاصو ته د سولي په روانو منډو ترړو کې له استحقاق زیات رول ورکول کوم چې د جګړي په غزولو کې یو ډول لاس لري – د سولي په بهیر کې حکومت او د جګړي اصلي قربانیان او زیانمن کنج ته ټيله کول – په پاي کې د ترمپ هغه خبري چې افغانستان په یوه اونۍ کې محوه کولی او په زرهاؤ افغانان مړه کولی شي – او نور هغه موارد دي چې وخت نا وخت د رسنیو له لاري بحث ته وړاندي کیږي او زموږ د هېوادوالو د لا سربدالۍ او اندیښنې لامل جوړیږي .

د ګوند دارالانشأ د امریکا له متحده ایالاتو او د هغې له غربې او سیمه ایزي ټلوالي ، له نړیوالي ټولني ، ملګرو ملتونو او خیر خواه بشریت څخه غوښتنه کوي چې د افغانستان د روان ناورین پاي ته رسولو کې له افغانانو سره مرسته وکړي او د هغو څرګندونو څخه ډډه وشي چې زموږ  د لرغونې هېواد له تاریخ او واقعیتونو سره اړخ نه لګوي . د هېواد له ټولو ترقې غوښتونکو ، دموکراتیکو او وطنپالونکو نهادونو ، ډلو او ځانګړو اشخاصو څخه په درناوي غوښتل کیږي چې لمړی په خپلو کې یو ځاي شي او دهغې سره جوخت د ټولو هېوادوالو په یو موټې کولو کې عملا ګام واخلې او د نورو د احسان اچوونکو مرستو پر ځاي په خپلو امکاناتو تکیه زیاته کړي . د هېواد له نامه ، تاریخ او ملي مفاخرو کلکه دفاع وکړي . خپله سیاسي اقتصادي خپلواکې پياوړي کاندي او د خاوري بشپړتیا او ملي واکمنې وساتې .

د تل پاتې افغانستان په لور

عبدالحی مالک

 د افغانستان د ملي ترقۍ ګوند ریس

 

د افغانستان د ملي ترقۍ ګوند د دارالانشأ د خواشینۍ پيغام

 

کابل – افغانستان

د ۱۳۹۸ م د چنګاښ ۱۵ مه

په ډيره خواشینۍ مو خبرتیا تر لاسه کړه چې د افغانستان د وطنپالونکي او ډموکراټيک غورځنګ یوه وتلې څيره ارواښاد ډاکټر نور احمد تره کې د ورپيښې ناروغۍ له امله د چنګاښ په ۱۴ مه د جمعې ورځ د برتانیا مرکز لندن کې ، له دې نړۍ سترګې پټې کړي .
روح دې ښاد وي او جنت دې ځاي شي .

مرحوم نور احمد تره کی چې د افغانستان د خلک ډموکراټيک ګوند د موسس نورمحمد تره کې وراره ؤ ، د خپلې ویاړلې کورنۍ د نورو غړو په څير یې لوړي زده کړي درلودلي ، د زیار ایستونکو افغانانو په ګټه یې د سیاسي مبارزي بیرغ رپاند ساتلو او تل یې د روڼ اندو تر څنګ له عامو افغانانو سره ټينګه دوستې کوله . خداي بښلې د کډوالۍ په شرایطو کې د هېواد دننه او بهر په تیره له هغو وطنوالو سره چې کور او کلی یې پریښودلی او د نړۍ په نورو هېوادونو کې میشت شوي ، ټينګې اړیکې جوړولي او پاللي او د هغوي د ستونزو په رفع کولو یې هر راز هڅه او هاند کولو .
نور احمد تره کی زړه سواند افغان ؤ ، خوله یې تل له خندا ډکه ښکاریدله . هغه به تل په هېواد کې د سولي د راتلو له پاره دوعا کوله . د افغانستان د سولي روان بهیر ته یې د موفقیت تمه کوله او تل به یې د سولي له هري هڅې خپل ملاتړ اعلاناوه .
په داسې شرایطو کې چې ډيرې سختې ناروغۍ لاندي کړی ؤ ، خو چا تر پایه د کمزورتیا په بڼه هغه ونه لېدو .
شخصي ژوند کې د درانه او درناوي لرونکې شخصیت او خوي خاوند ؤ .
د هغه تشه په ټولو برخو په تیره بیا سیاسي ، فرهنګي او ټولنیزو برخو کې د ډکېدو نه ده .
د افغانستان د ملي ترقۍ ګوند دارالانشأ د ارواښاد ډاکټر نور احمد تره کې په مړینه شخته خواشینې څرګندوي او هغه د هېوادنې غورځنګ ، د ستر تره کې کورنۍ او وطن له پاره لویه ضایعه بولې .
لوي خداي ته د دوعا لاس پورته کوي چې مرحوم ته مغفرت وکړي .
د الله له درباره غواړي چې د تره کې دردمنې کورنۍ ته د زړه صبر او عاجل تسلیت ورکړي .

انا لله و انا الیه راجعون

عبدالحی مالک د افغانستان د ملي ترقۍ ګوند ریس

Bilden kan innehålla: 1 person, som ler, kostym och närbild

اعلاميه دارالانشأ حزب ملی ترقی افغانستان

در مورد انتخابات آينده رياست جمهوري

کابل – افغانستان مؤرخ …….

در لحظات دشوار و سرنوشت ساز کنونی که جنگ نيابتی عليه افغانستان با قساوت و بی رحمی بی نظير جريان دارد و قوای مسلح قهرمان کشور به قيمت خونها و جانهای شيرين شان از تماميت ارضی ، حاکميت ملی و امنيت شهروندان کشور دفاع ميکند مبرميت امر وحدت و همبستگی ملی تمام اقشار و اصناف جامعه نسبت به هر وقت ديگر بيشتر احساس ميگردد.

تصمیم ستره محکمه جمهوری اسلامی افغانستان مبنی برتمدید کارریس جمهور ازصلاحیت های فقی آن بوده که به منظوررفع خلای قدرت دولتی وجلوگیری ازتشدید بحران سیاسی، اجتماعی، وامنیتی کشور صادرگردیده است تا ملت افغانستان ازین ناحیه متضررنگردیده باشند۔ پروسه انتخابات مطابق قانون یک رقابت آزادوسالم کاندیدان پست منتخب دولتی است که براساس استعمال رای مردم شکل می گیرد وباکسب اکثریت اراء مشروعیت می یابد۔ هیچکدام کاندید حق ندارد درین پروسه نظم جامعه را برهم زده، ازطریق جبرواکراه ملت افغانستان را مورد آزارواذیت قرارداده ویا باسؤ استفاده ازصلاحیت های دولتی خویش به قدرت برسد۔ کمیسیون مستقل انتخابات قانونا“ مکلف است تاپروسه انتخابات رابطورشفاف وعادلانه مدیریت نماید وطبق تعامل قبلی انتخابات ریاست جمهوری وشوراهای ولایتی را همزمان اجراکند وبحران انتخاباتی را طولانی نسازد۔

دارالانشأ حزب  ملی ترقی افغانستان دراعتقاد به تامین صلح سراسری وحمایت ازپروسه انتخابات ،همه نيروهای سياسی افغان بالخاصه « شورای کانديدان انتخابات رياست جمهوري » را به رعایت ، ارزش های دموکراتیک ،مدنی وقانونی ، و انصراف از منافع شخصی و محدود گروهی در برابر منافع عليای کشور فرا ميخواند و تأکيد ميدارد که با در نظرداشت اوضاع سياسی –اجتماعی و امنیتی کشور منافع ملی افغانستان درنظرداشت ازبسترسازی جدید برای بروز خشونت هاجلوگیری نمایند ۔ ومن الله توفیق

عبدالحی مالک

رئيس حزب ملی ترقی افغانستان

 

د افغانستان د ملي ترقۍ ګوند د دارالانشأ اعلامیه

کابل – افغانستان

د غبرګولي ۵ مه ۱۳۹۸ م کال

په پې ټې ایم ، پښتون ژغورنې غورځنګ د پاکستان د پوځي کړیو د برید په هکله :

په ‌‌‌‌‌‌ډيره خواشینۍ ، د افغانستان د ملي ترقۍ ګوند د دارالانشأ خبرتیا تر لاسه کړي چې ، د سیمې په یوه لوي دموکراتیک غورځنګ ( پښتون ژغورنې غورځنګ ) مشرانو او ملاتړو په دې پوچه پلمه چې ګواکې د غورځنګ مینه والو د پاکستان په امنیتې پوسته برید کړی او د پوستې یو شمیر سرتیرو ته یې مرګ ژوبله اړولي ، په پوره وحشت حمله کړي او د پې ټې ام ۳ مینه وال یې شهېدان کړي او په لسګونو نور یې ټپيان کړي دي . له ټولو عجیبه دا چې له قبایایلي ساحې د پارلمان غړی علي وزیر ، ‌‌‌‌‌‌ډاکټر ګل علم او نور نیول شوي او د مالوماتو له مخې هغوي د پوښتنو او ګرویږنو په ترځ کې سخت شکنجه کیږي او ورسره بد سلوک کیږي .

په پې ټې ام حمله ثابتوي چې پاکستان له پنجابې بغیر د پښتنو ، بلوچانو ، سندیانو او نورو د حقوقو د ورکولو اراده نه لري ، ملکې حکومت او رسنۍ په نوم د دموکراسۍ اکټ کوي خو په حقیقت کې هر څه د پوځ او اې اس اې په لاس کې دي او هغوي تصمیم نیسې . که داسې نه وئ نو د پوځ ویاند به پې ټې ام ته اخطار نه ورکولی چې ستاسو وخت پوره شوی او له هغې وروسته به یې په یو سوله ایز کاروان د شا له خوا شرمه ونکی برید نه کولی .

دا یوازې پې ټې ایم نه دی ، په تیر کې هم پاکستانې پوځيانو او استخباراتو د پښتنو ، بلوچو او نورو قومونو په سوله ایزو لاریونونو او ناستو مرګونې ګزارونه کړیدي او د هغوي وینې یې بهولي دي .

د افغانستان د ملي ترقۍ ګوند دارالانشأ په پې ټې ام حمله یو انساني ضد او دموکراتیک ضد عمل بولي او هغه په غټو ټکو غندي او محکوموي .

د ګوند دارالانشأ کلکه عقېده لري که پاکستانی پوځ خپلو دغو وحشیانه کړنو ته ادامه ورکړي لیري نه ده چې د غیر تاریخې پاکستان په تابوت به ، دوي په خپله وروستی میخ ټک وهې او دا مصنوعې هېواد به د تل له پاره د نړۍ له سیاسي نقشي څخه ووځې .

د ګوند دارالانشأ له سوله خوښونکو نړیوالو ، ملګرو ملتونو ، د هېواد له سیاسي او مدني وطنپالونکو ټولنو غواړي چې په یوه اواز ، د پاکستان په پوځي مشرتابه او استخباراتو زور واچوي چې د علي وزیر په شمول ټول بندیان بې درنګه ازاد کړي او بیا په پې ټې ام او نورو دموکراتیکو غورځنګونو د برید اراده ونه کړي .

په درناوي

عبدالحی مالک

د افغانستان د ملي ترقۍ ګوند ریس

 

دافغانستان دملي ترقي گوند دارلانشا اعلاميه

 

بسم الله الرحمن الرحیم

کابل – أفغانستان

د ثور ١٣ مه ۱۳۹۸

 د سولې مشورتي لوې جرګې د سپارښتنو او د هغې پلي کېدو په هکله،

د سولې مشورتی لویه جرګه،  یوه ستر ه، سیاسي، تاریخي اهمیت لرونکې غونډه وه، چه  د افغانستان د ټولو قشرونو ، صنفونو ، قومونو ، سیاسي، مدني نهادونو، مستقلو ملی، سیاسي ټولنیزو شخصیتونو  د3200  ټاکل شوو غړو څخه،د ګران هیواد په پلازمیینې، کابل کې جوړه شوه، د ولس د ملي منافعو په اړه يې ګټورې پریکړې وکړې،دسولې ا وافغانستان په اړه یې نړیوال ذهنیت ته قوي مثبت بدلون ورکړ  او د افغانانو واقعي او رښتیانی انځور ښکاره  کړ.

د سولې مشورتی لویی جرګې د طالبانو سره د حکومت او نورو افغانانو د استازو مخامخ خبرو په باب، د نظام او وسله والو ځواکونو د ساتنې ،  د اوربند د ټینګښت ضرورت، د  خارجي لښکرو د وتلو د مهال ویش ، د بشر د حقونو ، د ښځو د حقونو ، مدني سیاسي ازادیو د خوندي کولو، د سیمې او نړۍ په تېره بیا د ګاونډي هېوادونو سره د اړیکو د څرنګوالي او یو شمیر نورو مهمو مسئلو په هکله رغونکې سپارښتنې وکړې.

که څه هم، یو شمیر نهادونو ، شخصیتونو او د ولسمشرۍ دراتلونکوټاکنونوماندانو د سولې مشورتي جرګه تحریم کړه ، خو د هېواد له ټولو ولایتونو او زیات شمیر ولسوالیو څخه د انتخابي استازو فعال ګډون، د هر ‌‌‌‌‌‌ډول سمتي ، محلي ، ژبني، دیني او مذهبي تاوتریخ والي پرته په عنعنوي او دیني معیارونو برابر، لوړ سیاسي شعور ، هېوادنې مینې، رښتنې او خود جوشه طبیعي یوالي فضا کې،  په ۵۱  کمیټو کې، د پنځو ورځو د تودو بحثونو په پایله کې د یو ۲۳ ماده یې پرېکړه لیک صادرولو سره، په ملي او نړیواله کچه د جرګې کار اوسپارښتنو لوړ سیاسی اعتبار پیداکړ.

د موقت حکومت د جوړولو نظریه  د سولې مشورتې لوې جرګې له خوا رد شوه.. په بحثونو کې، د خلکو استازو، د سولې د روان بهیر په وړاندې د یو شمیر کورنیو مخالفو نهادونو ، محافلو او ځينو هېوادونو د استازو په سبوتاژ، نیوکې وکړې او د موقت ادارې فکرونه يې غوره ونه بلل او د هغې پر ځای یې د افغانستان د حکومت په فعال شتون کې د یو بشپړ میکانیزم د را منځته کولو سپارښتنه وکړه .

د جرګې ګډون کونکو، په ډاګه کړه چه یوازې د یو شمیر جهادي کړیو او طالبانو تر منځ جوړ _ جاړی سوله نه ده.  سوله باید د افغانستان د ولس او وسله والو مخالفو ‌‌‌‌‌‌ډلو تر منځ وشي او دولت د ولس استازیتوب وکړي،  د افغانستان ځوان نسل او ښځينه استازو د بحثونو په ترڅ کې څرګنده کړه،  چه د ځينو زاړه پاله کړیو ، شخصیتونو له خوا د سیاست د انحصار او له خپله انده د ولس د استازولۍ په پلمه د سولې په بهیر کې د خپلو شخصي ګټو او هدفونو د لټولو په موخه هڅې، د ملي ګټو خلاف عمل دی.  دا د سترو قدرتونو او سیمه ایزو هیوادو خطا ده چه د افغانستان د سولې په بهیر کې غرضي کړۍ میدان  ته وړاندې کوي او د جنګي ‌‌‌‌‌‌ډلو د کنترول د ساحو په باب مبالغه کوي،

د جرګې استازو د اداري فساد، ناقانونه وسله والو ‌‌‌‌‌‌ډلو ، غاصبانو او جنګسالارانو په وړاندې چې د سولې د  چټک پلي کولو خنډونه دي، د حکومت او خلکو د مشترکو ټينګو ګامونو د پورته کولو غوښتنه وکړه .

د  سولې مشورتي لوي جرګې په پریکړه لیک  کې د افغانستان د سولي د مخته بیولو او سالمې سمت نیونې په هکله زیات  شمیر ارزښتناکه سپارښتنې شته، چه د ملي ترقي ګوند د سولې د وړاندیزونو سره،  چه لاپخوا نشر شوي دی، ډیرزیات مشترک ټکي لري.. له دې کبله،  دارالانشأ ، ددې اعلاميي  په موټه،  د ملي ترقي ګوند، غوڅ ملاتړ د سولې د لويې جرګې او د هغې د پریکړو په باب څرګندوي.

د ملي ترقي ګوند، د افغانستان  د رنځیدلي ولس د له مینځه را وتلی ګوند،

د حکومت  څخه غوښتنه کوي چه   د سولې بهیر د بریالي کولو لپاره د مشورتي جرګې  له وړاندې شوو سپارښتنو څخه اغیزناکه ګټه پورته کړي.  د مرکچي پلاوي په ټاکلو کې ، چې شمیر یې لږ او د غړو د اګاهۍ کچه یې لوړه اودکافی تجربی لرونکې وي، پکی د ځوانانو ، ښځو او وطنپالونکو دموکراتیکو ګوندونو نماینده ګانو ته  هم برخه ورکړي.

د ملي ترقي ګوند، د طالبانو د اسلامي تحریک او  د نظام په دننه کې  اپوزیسیون څخه هیله کوي  چه د  افغان ولس د لويې مشورتي اسلامي او افغاني جرګې  غږ واوري، ددوۍ سپارښتنه د افغان ولس سپارښتنه ده. د خلکو د استازو د سپارښتونو له مخې ، له انفرادي هغو هڅو څخه ‌‌‌‌‌‌ډ‌‌‌‌‌‌ډه وکړي چې د سولي بهیر وېشي اوددوی ځانګړي ګټې خوندي کوي.

د ملي ترقي ګوند،  نړیوالې ټولنې، په تیره بیا ګاونډي او  په کړکیچ کې شامل اودسولی په روانه پروسه کی اغیزلرونکوهیوادونو ته وړاندیز کوي چه د افغان ولس د استاذو ارادې ته درناوی وکړي،  د ناکاره  او ناکامه فورمولونو پرځای،، د مشورتي لوېې‎ جرګې  د سپارښتنو  په رڼا کې د عادلانه سولې د ټینګولو  د پاره هڅې وکړي.

د افغانستان  د سولې پرسر د  ناروا سیالۍ په لاره اچول او یو وارې بیا د موقتي میکانیزمونو په رامینځ ته کولو  سره به افغاني ملي دولتي جوړښت ویجاړ شي اوپه پایله کی به افغان ملت اوورسره  تاسو ته هم زیان ورسیږي. اوسنی نظام او دولت ته په کمه سترګه مه ګورۍ.  افغانستان کې عادلانه او ثابته سوله  هرو مرو ستاسو د هیوادونو د امن او آرامۍ په ګته ده

د ملي ترقي ګوند ، سولې ته د  بې سارې لیوالتیا سره،  د  ملي ګټو او ملي ارزښتونو ته په کلکه ژمنتیا،  د نوښتګر او زړه ورو، کره،  ملي شخصیتونو په شان، باور لري چه «د سولې جرګې په رښتیا،  نوی سیاسي ماحول او په رښتینی مانا آګاه ، بادرایته ، باکفایته ، ملي او وطنپال قشر، میدان ته کړ».  د د جرګې محترموګډونوالو ، د ملت پتمنو استازو!، په کومه مېړانه، صداقت، پوهه او مهارت چه وځلېدئ؛ د خپلو پرېکړو په تطبیق کې هم  په همدا شان پیاوړې، دوامداره مبارزه وکړۍ. د افغانستان ملي ترقي ګوند غړی، د وطن په هر ګوټ کې ستاسې تر څنګ ولاړ دی!

د افغانستان د  ملي ترقي ګوند رهبری د هېواد له ټولو وطنپالو، سیاسي ، مدني او فرهنګي نهادونو او خپلواکو ملي شخصیتونو څخه، هیله کوي ، او د ګوند ټولو ولایتې ، ښاري، ولسوالي او لمړنیو شوراګانو ته دنده سپاري چه  له ټولو امکاناتو څخه په ګټه اخستلوسره ،  دسولې جرګې سپارښتونو د پلي کولو په  لار کې زیار وباسي او دهغو ناوړه هلو ځلو مخه ونیسې چې یو شمیر هېوادونه، تش په نامه ملي کړۍ او شخصیتونه يې د سولې پرخلاف را مینځته کوي.

د تل پاتې او عادلانه سولې په هیله!

ژوندی او سرلوړی دې وي افغانستان!

عبدالحی مالک

د افغانستان د ملی ترقي ګوند رییس