درنو هیواد والو،ملی دموکراتیکو ، ترقی غوښتوونکو اودټولنیز عدالت پلوه شخصیتونو!

لکه څنګه چی خبریاست اوهر ورځ ئی پرخپلو سترګو وینی  زمونږ ګران هیواد افغانستان داور په لمبو کی سوزی ، ځوانان  اوسپین ږیړی ،واړه اوښځی وژل کیږی اوهدیروته ځی ، په مکتبونو، مسجدونو، مدرسو ، وړکتونونو، هوټلونو، لنډه داچی په ټولو ملکی اهدافو باندی بریدونه کیږی او زمونږ بیګناه هیواد وال شهیدانیږی، خاوروته لیږل کیږی،  داڅلوښت کاله کیږی چی زمونږ هیواد له بهرنه په راتپل شوی ناروا جنګ کی لولپه شو زمونږ دوطن دقسم خوړلودښمنانو تنده نه ماتیږی او دا ظالمانه جنګ ته لانورهم شدت ورکوی او لمبوته ئی پطرول ورشیندی ، څوک داسلام نه ددفاع په پلمه ، څوک دتروریزم دزپلوتر نامه لاندی ددی هیواد بچیان به  بیرحمی وژنی چی په دی تیره یوه میاشت کی هم  څلوروسوه هیوادوال وژل شوی اوشهیدان شوی اوپه لس ګونو نورتپیان شوی ، دپاکستان ظالم اوخدای ناترسه ملایان په افغانستان کی په پرله پسی توګه دجهاد فتوا وی صادره وی، انتحاری حملی روا ګڼي،  دهغه هیواد پوځیان په ځانګړی ډول څارګره جنایت کاره اداره ئی زمونږدګران هیواد دښمنان ، تربیت ، مسلح اوتمویلوی او دافغانستان دسوزولولپاره ئی دلته رالیږی،زمونږ هیوادئی په تنوربدل کړی ، ددی ظالمانه اوتپل شوی خونړی جګړی په پایله کی ددی ملک اقتصادی ښیرازه اوټولنیز جوړښت دنابودی کندی ته بیائي  دایران اخوندی رژیم هم ورته کړنی ترسره کوی، ملی  پانګوال وژنی ، تښته وی او ویره وی،  دادی لاامل شوی  چی ملی سوداګر اوملی پانګوال په هیواد کی له پانګی اچونی نه ډه ډه وکړی،بیکاری اوبی روزګاری ورځ تربلی ډيره شی ، دخلکو ژوند ترډیره بریده خراب شی او دملی وحدت حکومت هم په خپل منځي شخړوکی ښکیل ده اودهیوادوالو داقتصادی وضعیت دښه کیدو لپاره یا اراده نلری اویاهم ورته وزګارندی ، او لوټ شوی پيسی خپل بهرنی بانکی حسابونوته استوی، توپکسالاران  اومافیائی داړه ماران خواوسنی ، امنیتی ، اقتصادی اوسیاسی  ناورین دځان په ګنه بولی اودنورو مخالفیونوسره داوسینو بدو حالاتو دلاخرابیدو په لټه کی دی، اداری  فساد ، بډی اخیستل،کار اهل کارته نه سپارل، قانون شکنی ، ملی ګټوته  دډيری دولتی مشرانونه ژمن تیا او دظوابتو پرځای د راوبطو پالل دا ټول  هغه څه دی چی زمونږ دهیواد والو ژوند  ته ډیر جدی اوخطر ناکه ګواښونه دی ،اوپه دایویشتمی  سدی  کی زمونږ دګران هیواد ٪39 وګړی دفقر ترکرښی لاندی ژوند کوی یعنی پدی معنی  دورځي له دوه امریکائی دالره اویا 140 افغانیو کم عاید لری که چیری دیوی کورنی چی په منځنی کچه شپږ تنه  دکورنی غړی ولری په 24 ساعتونو کی د دری وخته ډوی خوړلو لپاره 18 قرصو وچی ډوډي ته اړتیا لری چی ټول قیمت ئی 180 افغانی کیږی او دوی  140 افغانی لری داپدی معنی چی دورځي په یوه وخت کی د نوموړی کورنی څلوروغړوته حتی وچه ډوډی هم نرسیږی ، داچی غوړی ، پیاز،کچالو ، بادنجان رومی ، دکور کرایه، دکالیو پیسی ، دبرق بیل اوداسی نورلګښتو نه به له کوم ځایه پوره کوی ، قضاوت دتاسو ګرانو هیوادوالوپه لاس ، اویا داچی زمونږ په ګران اوجنګ ځپلی هیواد کی هر شپه د15 زروپه شاوخوا کی وګړی په ولږه بیده ګیږی پداسی حال کی چی  دنیاوال  دمریخ دفتحه کولو په تکل کی دی د 3  ملیونو په شاوخواکی هیواد وال  په مخدره ټوکو روږدی دی اودی حالاتو دکورنیو بنیاد دنابودی له ګواښ سره مخ کړی دی.

لنده داچی زمونږ ګران هیواد له هره پلوه دنابودی له ګواښ سره مخ دی او پدی تاریخی شیبو کی چی وطن له ډیرو نازکو اوخطر ناکو پړاوونو څخه تیریږی ، ضرور ده چی دهیواد ټول سیاسی ، مترقی ، دموکراتیک ، عدالت غو ښتوونکی اووطن پال ګوندونه،سیاسی سازمانونه اوګروپونه ، ملی روڼ اڼدی  شخصیتونه په یوه واحد ، سراسری ملی دموکرات، مترقی او په سیاسی معادلوکی دموثر ګوند په چوکات کی سره یوشی اویا دخپل تشکیلاتی جورښتونوپه ساتلوسره دیوه لوی ائتلاف اویا جبهی په جورولوسره  دګران هیواد دخلاصون لپاره کوټلی ګامونه واخلی او خپل پلرنی هیواد له اوسنی ناورین څخه وژغوری او د یو آباد، ازاد اوخپلواک افغانستان دجوړیدوپه لور پرمخ ولاړشی ، جنګ پای ومومی او وطن داقتصادی اوټولنیزی پرختیا په لور رهنمون شی . روان بحران ته دپای ټکی کیږدی.

دافغانستان دخلکو دترقی ملی متحد ګوند خپلی کړن لاری پربنسټ هڅه کوی دهیواد ټول ملی دموکراتیک ،ترقی غوښتونکی ودټولنیز عدالت پلوه ځواکونه په یوځای کولو سره کوټلی ګامونه واخلی اودهیواد داوسنی ناورین په پای ته رسولو کی خپل ملی ،مترقی اوهیوادنی رسالت سرته ورسوی.

لا به یوګیږو یابه ورکیږو!