د مرحوم همزولي شعرونه

انسان

شي زرغون له خړو خاورو بيرته خاورو ته په تله شي

انسان هم عجيب موجود دى کله اور کله  اوبه  شي

کله تاج ورته په سر شي  دغرور  مثال يى  نه وي

کله ولويږي په  ځمکه  لکه خس د  تناره  شي

کله کله  دمهينو سپينو  حورو خيال کې  ډوب  شي

کله ناست  په  ميکده  کې ترخه ټول ورته خواږه شي

کله  لمر تودوخه  راوړي  کله  کنګل  د څيلې  شي

کله  ځاى ونيسي  زړه  کې کله زهر  شي ترخه شي

دهمزولي  داخبره  لکه  ده ، دکاڼي  کر ښه

سميدل يى  بيرته ګران  دي له فطرته چې کاږه شي

د مرحوم همزولي صاحب يوشعر

د شور په کوڅه تېر شوم د سکون تر دروازې

د مرګ سايه خوره وه شوم راستون تر دروازى

د  سرو  وينو   په  کرښه   په   ککړو   قدمو !!

د  پوهى  څراغ  وړمه  د  پښتون   تر   دروازى

په  شتون  کى د  ښامار لوى بغاوت دى اوجنون

سفر  بې تورې  ډاله  د  قارون   تر  دروازى !!!

د شور په کوڅه تېر شوم د سکون تر دروازې

د مرګ سايه خوره وه شوم راستون تر دروازى

د  سرو  وينو   په  کرښه   په   ککړو   قدمو !!

د  پوهى  څراغ  وړمه  د  پښتون   تر   دروازى

په  شتون  کى د  ښامار لوى بغاوت دى اوجنون

سفر  بې تورې  ډاله  د  قارون   تر  دروازى !!!

کېسې  دى  د  ريښې ريښې  ګرۥيوان د يبلو پښو

داهم  بيله  دنيا  ده  د  مجنون  تر  دروازى !!!

په  بېلو  بېلو  لارو  د يوى  مبدا  په  لور !!!!!

روان  د غچ  په  نيت  يو  د  ملعون  تر دروازى

د  يوې  چېنې اوبه  څکو  له يوى  خاورى يې خورو

خو سپين نه شو يوبل ته د مظنون  تر دروازى

کېسې  دى  د  ريښې ريښې  ګرۥيوان د يبلو پښو

داهم  بيله  دنيا  ده  د  مجنون  تر  دروازى !!!

په  بېلو  بېلو  لارو  د يوى  مبدا  په  لور !!!!!

روان  د غچ  په  نيت  يو  د  ملعون  تر دروازى

د  يوې  چېنې اوبه  څکو  له يوى  خاورى يې خورو

خو سپين نه شو يوبل ته د مظنون  تر دروازى

 

د خواشینی زړه ځورونکی پیغام :

بسم الله الرحمن  الرحیمghar mor chal

الله تعالی لایموت دی اوانسان یی همپیمانه ،د اروا حامل او درسالت  خاوند .

پدی مقدس او دمعنی نه ‌‌‌‌‌‌ډک طبعیت کی چه د خالق د قدرت او ښایست ایینه ده د اګاهی نه ‌‌‌‌‌‌ډک یو ژوندی جسم پیدا کیږی ، زرغونیږی او وده کوی، دپروردګارد قدرت سره سا باسی او دخپل خالق دتوحید په حصار کی لویږی ، عرفان ته ګوری ، حکمت ته رسیږی او بالاخره دا دنیا ورته

غربت معلومیږی او لدی غربت نه سترګی پټوی ، او دا ددي ټولنی طبعی تګ لاره ده. په همدی منطق نو ژوند دایمی ندی .

مګر د یوه پیاوړی خدمت ګار ،پوه انسان ، ژمن مبارزاو پر وطن مین شخصیت مړینه یوه  عادی سانحه نده ، بلکه یوه ټولنیزه ضایعه او تشه   حسابیږی .

پدی تړاو دوه ورځی مخکی د 2020 کال دجون په اتمه ورځ د سهار په شپږو بجو می ‌‌‌‌‌‌ډیر دروند او د غم نه ‌‌‌‌‌‌ډک خبرواوریده چه زما مشر ملګری ، ورور د یوه سنګر اندیوال ، رهنما، دیوی اندیښنی لاروی او د انسانی ، ملی داعیی اوچت سالار ، زړه او ژوند ته رانږدی دوست الحاج محمد غفار مورچل احمدزی د ورپیښی ناروغی له کبله په ٧٨ کلنی عمر کی اخرینی سلګی پوره کړی او ابدیت ته لاړ، او د ده مبارک جسد یی د سید نورمحمد شاه مینی [نوی کارتی ]د احمدزیو په هدیری کی تورو خاورو ته وسپاره،دا دالله تعالی حکم دی چه دا حقیقت به منو، تابعیت به تری کوو .

      انا لله وانا الیه راجعون

مرحوم الحاج مورچل احمدزی د افغانستان د ملی دیموکراتیکو او مترقی غورځنګ فعال او نه ستړی کیدونکی مبارز غړی وه .

اروا ښاد مورچل احمدزی دالیارخیلو دمخوری کورنی ، دیحیی خیلو د لوی ټبراو سرلوړی احمدزی قوم یو رسالت لرونکی ، سپیڅلی او سر لوړی بچی وه .

مرحوم ملګری مورچل دخپلو ابتدایی ، ثانوی او عالی زده کړو له بشپړ تیا نه ورسته دافغانستان په وسله والوقوتونو ، ملکی اداراتو او مقاماتو کی په صداقت او ژمنتیا دندی تر سره کړیدی، اود هر مقام په درشل کی یی د صداقت ، پیا وړتوب مدالونه ، نشانونه او ویاړ تر لاسه  کړیدی. او باوری یم چه دده اروا به په جنت المقام کی ښاده وی او دده یادونه به تل د خپلو ملګرو او وطندارنوپه یاد کی دزړورتیا او وطندوستی د سمبول په حیث شتون ولری .

مړشه داسی مړ شه چه وطن در پسی وژاړی

خپل خو هسی ژاړی چه دښمن درپسی وژاړی

مرحوم مورچل د پراخ اند او لید مالک وه ، په ټولنه کی د یوالی نمونه وه ،د لوړ منطق او استدلال، ملی دریز خاوند او وطن مین انسان وه .

زما مشر ملګری مرحوم مورچل د ټولنی د ودی او د خلکو دبسیا ژوند لپاره یی له ځوانی نه د ژوند تر اخرنیو سلګیو پوری نه ستړی کیدونکی مبارزه کړیده، تل به یی د خلکود چوپړ او د وطن د ترقی لپاره زیار باسه، د صداقت او ایمانداری اوچت مثال وه .

دمرحوم مورچل صاحب اند د وطن د نامی خدمت ګارانو سره برابر تړاو لری.

فقید الفت صاحب فرمایلی دي:

د وطن په محبت باندی قسم خورم

چه د ځان له غمه زیات د وطن غم خورم

د وطن دشرف  سپر یم نه ویریږم

که د تورو ګذارونه دم په دم خورم

جنت مقام مورچل صاحب ته ملی ګټی او مصالح تر هر څه لوړ ښکاریدل دداسی اندیښنی په لرلوسره د افغانستان د ملی اودیموکراتیکو غورځنګونو  نه هیڅ وخت لری پاتی نه شو، اوچت لیکوال او په وروستیو کلونو کی به یی دوطن لپاره اشعار لیکل چه د شعر یوه نمونه یی اوس راسره موجوده ده او دلته یی ذکر کول غواړم:

چه پیدا شوم ما ژړل خلکو خندل

داسی مرمه چه زه خاندم خلک ژاړی

څه به وایمه چه دا کوم یا دا

زه ستاسی خدمتګار شم په رښتیا

ترقی می د وطن کلکه ارزو ده

وروسته نه ځمه پدی کار کی له چا

که عمل کی می خدمت ستاسی ونه کړ

په هغه ساعت به ورکړم استعفی

خپل وطن می پر مخ تللی لیدل غواړم

دا می هیله او ارمان دی لا پخوا

هو ؛ بی له شکه مرحوم مورچل صاحب د څپانده فکری استعداد خاوند وه او د ټو لنی لپاره یی د اوچتو استعدادونوپه روزلو کی ‌‌‌‌‌‌ډیری هلی ځلی کړیدی او ټولنی ته یی رسالت لرونکی ، خدمت ګاره  ، متدین صادق او د ځان په شان ایمانداره بچیان روزلی دی.

ارواښاد احمدزی صاحب خپل پیاوړی زامن او اغلی لوڼی په عالی تحصیلی سویه په مختلفو مسلکونو کی د دوکتورا تر درجی رسولی او ټولنی ته یی د چوپړ لپاره استولی دی.

د مرحوم الحاج محمد غفار مورچل احمدزی مړینه نه یواځی  دده کورنی غمجنه کړیده بلکه یوه ملی ضایعه ده او دغه ضایعه به تل د افغانستان د مترقی غورځنګ د غړو په منځ کی لویه تشه وی.

زه د مرحوم د کوچنی ملګری او ورور په صفت او د پکتیاوال د کورنی په نمایندکی پدی لوی ماتم کی ځان شریک بولم.

الله تعالی د  ورته قبر د جنت عالی مقام او تر ټولو  ښایسته منزل وګرځوی  ، یا الله اروا یی ښاده ،او سوال او ّځواب یی اسانه کړی.

د مرحوم مورچل صاحب غمجنو بچیانو ، درنی کورنی، قدرمنواحمدزیو  او دلوی پکتیا سر لوړ وګړو ته صبر او حوصله هیله کوم  او همدا رنګه د ګوندټو لو ملګرو ته هم تسلیت وړاندی کوم .

په درناوی

 

د هېواد وضعیت کوم لوري بدلون کوي؟

norvhab
نوروهاب څپاند
له هغې ورځې چې انګریر ، پنجابي او مولا په شریکه د افغانستان پر خلاف تیری پيل کړ ، د اولي ورځې څخه یي د افغانستان د لاندې کولو له پاره د مختلفو روایتونو کار اخیستی. په ۱۸۵۷ کال کله چې په دیوبند کې د انګریزانو خلاف قیام وشو د شا ولي الله زوي شا عبدالعزیز د فتوا له مخې د انګریزانو په ټولو نیولې ځمکو کې دارالحرب اعلان شو . له دې فتوا بیا په افغانستان کې امریکا، پاکستان او انګریزانو په شریکه ډيره ګټه پورته کړه او د روسانو په راتګ افغانستان دارالحرب اعلان شو . تر نن پوري چې د افغانانو کومه وینه تویږي، مذهبي اساس یي هماغه فتوا ده چې د انګریز پر خلاف شوي وه او اوس په مهارت د پنجاب، انګریز او امریکا په توسط یو مسلمان د بل مسلمان وینه تویوي او نوم پرې جهاد ږدي. د انس حقاني خبره چې که سوله راشي بیا به هم جهاد جاري وي مانا دا چې که د بهرنیو ځواکونو محدود ټولګي په افغانستان کې موجود وي، یا ډموکراټ ملي ځواکونه او عناصر د دموکراسۍ له پاره په مبارزه بوخت وي، د هغوئ په وړاندې به هم د جهاد چغه ایستل کیږي او هغه افغانان به هدف نیول کیږي چې د پاکستان ایران او نورو بهرنیو هېوادونو له ناوړه نیتونو پرده پورته کوي. د امریکا طالب هوکړي د پلې کېدو له پاره په هڅو کې لیدل کیږي چې د واک د یوه داسې مثلث له پاره مبارزه روانه ده چې یوه ضلع یي طالب، بله یي جهادیان او بله یي تکنوکراتان او دموکراسې پلوه تشکیلوي. په دې مثلث کې هره شیبه د دې امکان شته چې طالب او جهادي د مذهبي سمت ګیرۍ له مخې د عمل د یووالې واحده کړنلاره غوره کړي، تکنوکراتان او دموکراسې پلوه له صحنې وباسې. د طالب او جهادیانو تر منځ اوسنی نږدیوالی چې د طالب غوښتنو منلو ته حکومت او افغاني ټولنه اړباسې یوه غوره بیلګه بللی شو . په واک کې د تکنوکراتانو او دموکراسۍ پلوه شخصیتونو او ځواکونو د پاتې کېدو سره پاکستان، ایران، روسییه او ځينې نور هېوادونه ځکه موافقت نه شي کولی، چې د دوي نسبتن مترقې پروګرامونه او پالیسۍ د ذکر شوي هېوادونو له ګټو سره ټکر کوي. له دې امله پياوړی او سوله ایز افغانستان د پورتنیو هېوادونو په ګټه نه دی. په دې موخه اوس د هېواد دننه دوه بلاکونو طالب جهادي او تکنوکرات دموکراسۍ پلوه تر مینځ سخته مبازره جریان لري. له وړاندې څخه د طالب جهادي بلاک ملاتړ ته په سیمه کې فعالیتونه هڅول کیږي، د لوبې د ادامې په خاطر طالبان د سولي پلوي او د سولي مخالف ( ولایت طالبان ) نوي نومونه او هویتونه غوره کوي . د داعش فعالیت له خټيځو سیمو د هېواد نورو برخو ته انتقالیږي. د طالب امریکا هوکړې ته په کتلو ویلی شو چې طالب یرغلونو ته ادامه ورکوي، هوکړه له نظر غورځوي، خو د افغان حکومت په زورولو سره د بهرنیانو له خوا هغوئ نازول کیږي. د تکړه او بیداره ساتونکو څخه نیولې بیا تر مهمو چارواکو، دینې وتلو عالمانو ، د قوم مشرانو ، د ژورنالیسم او رسنیو وتلې تخنیکرانو او کارکوونکو د وژلو او ټپې کولو روان بهیر ښيي چې د طالب تر راتګ پوري له ډيرو هغو هوښيارو څيرو چې طالب ننګوي ډګر خالې شي. ځکه د یاد شوي شخصیتونو په شتون کې طالب نه شي ځان برجسته کولی.له جوړیدونکو ذکر شوي بلاکونو څخه په کور دننه او بهر ملاتړي شته. امریکا، پاکستان، ایران روسییه او تر یوي پولې چین د طالب جهادي بلاک په ملاتړ کې دی. ځکه د دوحي خبرو کې طالبانو منلي چې د ایغور ، اوزبیک، چیچین اسلام پاله غورځنګونو او په ټوله کې د ترکستان د اسلامې جنبش څخه ملاتړ نه کوي او د داعش په ګډون به هغوي نه پریږدې چې چین، روسیي او منځنۍ اسیا ته امنیتې ستونزې پيدا کړي. په دغه کاذب تعهد اوس د سیمې او نړۍ یو شمیر هغه هېوادونه چې د لوبې فعال غړي دي، طالب جهادي بلاک ته د واک د احتمالې لیږدولو په موخه د افغانستان د اساسي قانون د تعدیل په ګډون له یو شمیر نورو لارو څخه د استفادي امکان تر کتنې لاندې دی.
د عبدالله عبدالله او ملګرو زور اچونې ته که وکتل شي، مالومیږي چې طالب جهادي ګټي په یوه لیکه واقع شوي او د بهرنې ملاتړ په مرسته غواړي په تکنوکراتانو او دموکراسۍ پلوه خوا فشار زیات او هغوئ څنډي ته کړي.
تکنوکراتان او دموکراسۍ پلوه خوا که څه هم له ورایه د چارو واګې په لاس کې لري، خو د امریکا طالب د هوکړي په تطبیق کې له قانوني حدودو څخه په سر غړولو مجبوریږي چې له یوي خوا په خپلو کې د ټاکلي برنامې د نه پلې کېدو اړوند په ناندریو اخته او له بلې خوا خلکو ته د ورکړي وعدو په تطبیق کې شاته پاتې کیږي. که څه هم چې تکنوکرتان او دموکراسې پلوي په نړیواله کچه د اروپا اتحادیي، هندوستان او ملګرو ملتونو سازمان له نسبې ملاتړ څخه برخه من دي، خو د مقابل لوري د تشدد او زور اچونې او د هغوئ د نړیوالو ملاتړو له اغیز ښيندنې څخه ښکارې چې روانه سیالې ډيره سخته ده او بریالیتوب یي پوره پوهه، مهارت او ګړندیتوب غواړي.
په داسې شرایطو کې تکنوکرات دموکراسۍ پلوه خوا هله ډاډمن او بریالي مخته تللی شي، چې په هېواد کې د شته ملي وطنپالونکو او ډموکراټيکو ګوندونو ، سازمانونو ، ډلو ، ګروپونو او شخصیتونو په راجلبولو او فعالولو سره خپل بلاک پياوړی کړي. د هغوئ له مینځه یو شمیر پاک لاسې کدرونه دولتي حساسو موقفونو ته ورسوي. په دې صورت کې به له یوي خوا په دموکراسۍ بلد او باورمن خلک د دموکراتیک نظام د پياوړتیا له پاره کار وکړي، پاک لاسی فرهنګ به په ادارو کې رواج شي او له بلې خوا به د چارو د پلانګزارۍ او پلې کېدو په برخه کې کوټلې ګامونه اوچت شي او د طالب جهادې پردې فرهنګ بدیل نمونې به ټولني ته په پرتله ایزه توګه وړاندې کړي.
که څه هم چې بهرنیان په ټوله کې له دموکراتیکو او وطنپالونکو څخه، دمدرحاله له دې امله چې د هغوئ هري غوښتنې منلو ته تیار نه دی، ښه زړه نه لري. خو په اوږده واټن کې طالب جهادې خوا د ایران ، ترکیي په څير بهرنۍ پالیسۍ غوره کولو له امله کولی شي نړیوالو ته زیاتې ستونزې راولاړي کړي، بنا پر دې چانس شته د یوه قوي دموکراسۍ پلوه بلاک په جوړولو سره د هدفمن رقابت له لارې د خلکو او نړیوالو زړه خپل کړل شي.

 

Formulärets överkant

 

د افغانستان د ملي ترقۍ ګوند دارالانشأ • د خواشینۍ څرګندونې پيغام.

 

کابل – افغانستان
20180612_155507د ۱۳۹۹ کال جوزا ۱۹ مه

د افغانستان د ملي ترقۍ ګوند دارالانشأ په ډيره خواشینۍ اعلانوي چې د ګوند د کابل ښار ګوندي شورا ریس مرحوم انجنیر عبدالغفار مورچل د ورپيښې ناروغۍ له امله له پاتیدونکې نړۍ څخه سترګې پټي کړي او زموږ څخه د تل له پاره جلا شو .
د ارواښاد مورچل روح دې ښاد او یاد دې تازه وي!
خداي بښلی عبدالغفار مورچل چې د بریښنا په برخه کې روزل شوی ؤ ، د خپل مسلک له مخې یي تل هڅه کوله د خلکو کورونو ته روښنایي ورسوي. په ځانګړي توګه هغو کلونو کې چې د خلکو دوښمنانو د بریښنا لوي پایي الوزولې او خلک به یي د روڼا له نعمت څخه محرومول، مرحوم مورچل به په میړانه او ډيرو سختو شرایطو کې د بریښنا په بیرته راوستلو کې مرکزي رول درلود. د جلال اباد خلک د ارواښاد د زړورو خدمتونو شاهدان دي.
د دې په څنګ کې چې خداي بښلی عبدالغفار مورچل یو مسلکې افغان انسان ؤ د افغانستان د خلکو د ګټو یو ستر مدافع هم ؤ . په تنکۍ ځوانۍ کې یي د افغانانو د خلاصون په نیت د زیارکښانو اواز اوچتاوه او په دې لاره کې یي زیاتې هڅې او سرښيندنې کړي دي. په ټولنه کې د شته ناخوالو ، بې عدالتیو پر خلاف یي فعاله مبارزه کوله. د کارګرانو ، ښځو ، ځوانانو د حقوقو غوښتلو په تیره بیا ښوونې او روزنې په برخه کې یي ګړندۍ هڅې کولې او دا ورته د یاد شوي قشرونو د بیدارۍ سمه لار مالومیدله.
ارواښاد په ګوندي او دولتي مهمو موقفونو کې کار وکړ او په بریالیتوب یي لوړو پوړیو ته د استحقاق له مخې ارتقا کړي ده. هغه ډيرئ کلونه د کابل ښار د ګوندي ښاري شورا ریاست په غاړه درلود چې د افغانستان د ملي ترقۍ ګوند په تشکیلاتو کې یوه مهمه او حساسه دنده وه. د هغه په مشرۍ یو شمیر هغه ګوندي ناحیوي شوراګانې چې له پخوا غیر فعالې وي، په کار پيل وکړ .
مرحوم تل هڅه کوله چې د کابل ښار د زیارکښانو، په تیره بیا د ځوانانو، ښځو، او نورو هغو قشرونو استازې د ګوند غړي کړي چې د کابل ښاري ټولنه د هغوي د خدمتونو پرته ژوند او فعالیت نه شي کولی.
ارواښاد مورچل د سولي او ثبات د تأمین کلک ملاتړ کاوه، هغه به ویل چې جګړي له افغانانو ټول هغه ارزښتونه واخیستل چې د پيړیو نوښتګر کار په پایله کې د هېوادوالو نصیب شوي وه. هغه ویل د نړۍ او سیمي د مغرضو کړیو له لاسه افغانان د ترهګرۍ قربانې شوي، هغه ترهګري د وطنوالو د کلتور د لوټونې پر خلاف یوه بربنډه توطيه بلله. مرحوم مورچل تل په خپلو ملګرو غږ کاوه چې هوښيار اوسې، د ریښتونې سولي او ثبات له پاره مبارزه وکړي. له دې کبله یي په هغه هوکړه کلکه نیوکه کوله چې امریکا طالب د افغانانو ریښتینې استازو او حکومت د نمایندګانو له ګډون پرته لاسلیک کړه او اوس یي پلې کول د هغوئ مکلفیت بولې.
ارواښاد مورچل ګوندي اتحادونو او یووالي ته ژمن ؤ، تل یي په ثبات لرونکو اتحادونو او یووالي ټينګار کاوه. هغه ویل د ګوندي اتحادونو له پاره د عمل د اشتراک پلې کېدونکې ټکې راټولول اړین دي او ګوندي يووالی یي د فکري، تشکیلاتې او تبلیغاتي واحدي سمتګیرۍ نیول بلل. د هغه په نظر تر څو د وحدت خواوي په پورتنیو برخو کې واحده موضع ونه لري، د پلې کېدو وړ برنامه، تشکیلات نه شي رامنځ ته کولی.
د افغانستان د ملي ترقۍ کوند دارالانشأ د مرحوم عبدالغفار مورچل په ناببره مړینه سخته خواشینې څرګندوي او د ارواښاد نه شتون د ګوندي کار او فعالیت او د هېواد ملي مسلکي کادرونو جبهو ته دروند ګزار بولې. له لوي خداي ج غواړي چې متوفا ته جنت ورکړي او د هغه دردمنې کورنۍ او عزیزانو ته د زړه صبر او عوضونه ورکړي.
د ګوند دارالانشأ د پيښ شوي لوي غم له امله ګوندي شوراګانو او د هغوئ غړو ته تسلیت وایي او په پيښ شوي غم کې ورسره ځان شریک ګڼي.

انا لله و انا الیه راجعون!

عبدالحی مالک
د افغانستان ملي ترقۍ ګوند ریس