از پوهندوی شیما غفوری
یارب دلم ترا به کجا جستجو کند
درخیمه یا به قصرکسان گفتگو کند
از آتش زمان وجهان چشمه در گرفت
با زهرآب حادثه هر یک وضو کند
امروز آنچه شیخ زمان عرضه میکند
کَی منکر خدای به خلقش چو او کند
Author Archives: editor
د خواخوږئ پيغام
د وطن د ترقئ ملی ګوندد اروپايی شورا
د خواخوږئ پيغام
په ډېره خواشينۍ سره مو د هېواد د بې ساری سياسی او انقلابی شخصيت ، د ويښ ځلميانو د غورځنګ د سرغندوی ،د افغانستان د خلق دموکراتيک ګوند او د افغانستان د موکراتيک جمهوريت د مؤسس او رهبر ، وتلی ژورناليست او په هېواد کې د ادبی رياليسم د بنسټ ايښودونکی ارواښاد نورمحمد ( تره کی ) د کشر ورور جان محمد ( تره کی ) د مړينې خبر تر لاسه کړ . انالله و انا اليه راجعون .
د وطن د ترقئ ملی ګوند اروپايی شورا په دې وسيله د ارواښاد جان محمد ( تره کی ) درنې کورنۍ ، خپلوانو او دوستانو ته ددې ضايعې له امله خپل د زړه له کومې تسليت مراتب وړاندې کوي او د مرحوم روح ته دعا کوي .
د وطن د ترقئ ملی ګوند اروپايی شورا
محمد آصف خواتی
محمدآصف خواتی
ښکلې ، عالمانه اوپه زړه پورې مشوره
دروان کال دوري په نولسمه نیټه دخدمتګارپه ویبپاڼه کې د «ولې وژل کیږو؟ »تر سرلیک لاندې سرمقاله خپره شوې چې هغه افغان کوم چې دخپل ولس ننی غم لړلي حال یې ځوروي اود هیواد د راتلونکې په اړه اندیښنې لري هرومرو دهغې په وړاندې غبرګون ښیي۰ سرمقاله داسې پیلیږي: « دې پوښتنې ته ساده ځواب دادۍ ځکه وژل کیږوچې نوروژنو ۰ همدغه ځواب کفایت کوي چې دراتلونکې په اړه تصمیم ونیسو یعني که نورونه وژنو موږهم نه وژل کیږو»۰خدمتګار چې ځان دافغان ولس درښتینوافکاروڅرګندویه ګڼي دناټويي لښکرو له لوري دکونړي معصومو ماشومانواو میرمنو جنایتکارانه Continue reading
شفاهی وينا په ليکنه کې
حکيم روان
د هېواد دملی او دموکراتيکو ځواکونو د پوهاوی
اتحاد او يووالی د کميسيون له خوا په جوړه شوی
غونډه کې د وطن د ترقی ملی ګوند دهيأت د نظر ټکی
دروان ۲۰۱۳کال د مارچ ۳۰
هالند
(شفاهی خبرې په ليکنه کې)
درنو حاضرينو ، قدرمنو وطنوالو ، اجازه راکړی ستاسوسره له انفرادی ستړی مه شی وروسته يو ځل بياټولو ته د زړه له کومی ستړی مه شی ووايم او له موکې نه په استفاده سره د هېواد دملی او دموکراتيکو ځواکونو د پوهاوی ، اتحاد او يووالی د کميسيون د مشرتابه درنو دوستانوته له دې امله د خپلې مننې مراتب وړاندې کړم چې ددې موکه يې برابره کړه چې ستاسو په شان دوستانو سره له نږدې آشنا اود زړه خواله وکړم .
ګرانو دوستانو ! ما بيانيه نه ده ليکلی او نيت مې نه درلود چې بيانيه ورکړم . خو د غونډې محترم رئيسه هيأت له ما وغوښتل ، تر څو د وطن د ترقی ملی ګوند په استازيتوب څه ووايم .
ما نه غوښتل چې تر ځانه د هوښيارو خلکو او درنو شخصيتونو مخ ته ودريږم او بيانيه ورکړم . خو د دوستانو په هيله به يو څو بربنډې او ترخې خبرې وکړم ، هيله ده چې څوک خفه نه شی ، ځکه دا هغه څه دی چې په مونږ ټولو پورې اړه لري . Continue reading
د تسليت پيغام
د وطن د ترقی ملی ګوند د اروپايي شورا
له خوا
د تسليت پيغام
د روان۲۰۱۳ کال د اپريل ۱۰ نيټه
په ډېره خواشينۍ سره مو د قدرمن او پياوړی ملګری ، پاخه او خواږه دوست نوروهاب « څپاند » دکشر ورور ، ځوان جميل « څپاند» د بې وخته او ناببره مړينې بوګنونکی خبر تر لاسه کړ . دا خواشينونکی خبر د څرک په څېر د محترم څپاند د دوستانو او ملګرو په منځ کې تاؤ او را تاؤ شو او د ټولو زړونه او فکرونه يې غمجن او د ږلۍ په شان وځپل .
د وطن د ترقی ملی ګوند اروپايي شورا د هېواد څخه د باندې ددې ګوند د ټولو سازمانونو د ټولو غړو په استازيتوب ددې نه هيريدونکی وير په ځوروونکو شيبو کې خپل بې ساری دوست او قدرمن ملګری نوروهاب «څپاند» ، د ده ځوانو وروڼو اصيل «څپاند» او نصير «څپاند»، همدارنګه د محترم « څپاند » صاحب د درنې کورنۍ ټولو غړو او دوستانو ته خپل د زړه له کومې تسليت مراتب وړاندې کوي او ځوانيمرګ جميل «څپاند» ته د لوی خدای له درباره د برين جنت غوښتنه کوي . انالله و انا اليه راجعون .
د وطن د ترقی ملی ګوند اروپايي شورا