د روژی میاشت چی په ځانګړی توګه د طاعتونو او عبادتونو میاشت ده مسلمانان اوله هغی جملی نه زمونږ دګران هیواد افغانستان مسلمان او خدای پرسته خلک دی مبارکی میاشتی ته په درنه سترګه ګوری اوپدی میاشت کی روژه نیسی،تراویح او ختمونه کوی همدارنګه زمونږ ګران او مسلمان هیواد وال سره له ټولو مشکلاتو اوکړاوونو خپل فرایض سرته رسوی. مګر دوطن اودین ددښمنانو سږ کال بیادتیر په څیر د روژی په مبارکه میاشت کی زمونږ په مسلمانو خلکو زړه ونه سوزلو او پدی مبارکه میاشت  کی یوځل بیا به لس ګونه هیوادوال په شهادت ورسول اوسلګونوکورنی ئې په ویر اوما تم کښینو لی خو زمونږ مسلمانو هیواد والو دتیر په څیر سره لدی چی په هیواد کی دفقر،بی وزلی اوبیکاری کچه دیرلوړ ده او زمونږ زیار ایستونکو مسلمانو هیوادوالو حتی په یوه وچه ډوډی باند قناعت وکړ او  خپل اسلامی فرایض ئی په ډیره ښه توګه سرته ورسول او دادی اوس دکوچنی اختر رارسیدوته انتظار باسی. دافغانستان دخلکو دترقی ملی  متحد ګوند دارالانشا، دکوچنی اختر د رارسیدو په مناسبت ټولو وطنوالوته د زړه له کومی مبارکی وائی اوهیله لری چی کوچنی اختر دسولی دپیلامی زیری راوړی اوزمونږ په ګران هیواد کی سوله اوسوکالی منځ راشی  او نورنو زمونږ ګران هیواد وال دخپلو عزیزانو په غم  غمجن نشی او راتلونکی  اخترونه په خوښی اوخوشالی سره ونمانځی.

یوځل بیاوایوچی اختر په مبارک شه

 پوهاند دکتورمحمد داود راوش

دافغانستان دخلکودترقی ملی متحد ګوند رئیس