د پروان په ولايت کې د يوې ځوانې افغانې ميرمنې د بې رحمانه وژنې په هکله
د افغانستان ملی ګوند د اروپايي شورا
اعلاميه
نيټه : د جولای لسمه ۲۰۱۲ کال

بنسټ پالونکو جنايتکارانو د يوې بلې ځوانې افغانې مېرمنې په وينو لاسونه سره کړل . د پروان ولايت د شينوارو په ولسوالۍ کې د يوې مېرمنې د وحشيانه وژنې وروسته ، دا د افغان ښځو پر ضد دوهم بګنوونکی بريد دی چې افغاني ټولنه او نړيوال يې هېښ کړي د ي .
په داسې حال کې چې دافغانستان ملی ګوند اروپايي شورا د بنيادګرو وحشيانو دا بريد په سختو ټکو محکوموی ، باور لری چې په افغاني ټولنه کې د ښځو د نهضت د پياوړتيا او پراختيا مخنيوۍ ددې ډول انساني ضد بريدونو اصلی موخه ده . . د ښځو سره کينه او دښمني د بنسټ پالو افراطيونو ټاکوونکي ځانګړتيا تشکيلوي . زمونږ ټولنه بنسټ پالنې ، ترور او جګړې يرغمل کړی ده . امنيت او قانونی مصؤنيت د انسان د لومړنيو او بنسټيزو حقوقو په توګه د وسله والو بنيادګرو له خوا د پرلپسې ګواښ سره مخ دي . قانونی ارزښتونه ، انسانی او مدنی حقوق ، د افغاني ټولنې غوره او منل شوي دودونه د نننۍ واکمنۍ د ننه او د هغه څخه د باندې بنسټ پالو له خوا په پوره بې شرمۍ سره غوبل کيږي .
په داسې حال کې چې نړيوال د افغانستان د اوضاعو د رښتيني بدلون سره خپل ملاتړ او ننګه په اوسنۍ واکمنۍ کې د بدلونونو سره تړي او بدلونونه د رښتينو وطن پالونکو له فعالې ونډې پرته ممکن نه دی، د افغانستان ملی ګوند د خپلې ځنډ نه منونکی دندې په توګه ، زمونږ د هيواد لپاره په دې ټاکوونکو او تاريخي شيبو کې پر ټولو سياسي ګوندونو ، سازمانونو ، مدني ټولنو ، سياسی او ټولنيزو شخصيتونو د يوه سراسري ملي ډيالوګ د بې درنګه پيل کولو او نه
ماتيدونکي ملي يووالي لپاره غږ کوی . افغان وطن پالونکی دنده لری چې د لا نورو مناسبو موکو او فرصتونو د ضايع کيدو مخه ډب کړي . د افغانانو ملی يووالۍ او پيوستون د افغاني ټولنې د ودې او بقاء ضامن دی .
وياړ دې وي پر افغان مېرمنو !

د افغانستان ملي ګوند اروپايي شورا

حکيم روان

سومين کنگره حزب ملی افغانستان
کنگره نوآوری وتغير است

سومين کنگره سازندگی ، وحدت و همبستگی ، علنيت وشفافيت ، نوآوری و تغير ، تحقق ارزشهای دموکراتيک در پراتيک و زندگی عملی حزب ملی افغانستان تدوير يافت . حزب ملی افغانستان طی هشت سال زندگی پربار خويش اينک سومين کنگره خويش را بتاريخ ۱۰ قوس سال پار مطابق اول دسامبر ۲۰۱۱ در شهر زيبا و تاريخی کابل داير نمود . کنگره حزب ملی افغانستان در شرايطی تدوير يافت ، که آتش جنگ های خونين و هستی برانداز در سراسر کشور شعله ور بوده ، و هر روز از ميان اقشار مختلف کشور اعم از زن و مرد، کودک پير وجوان قربانی ميگيرد . کتله های مليونی مردم رنجديده ما از اثر جنگهای خانمانسوز در داخل و خارج از کشور در مهاجرت و آواره گی با تحمل هزار رنج و عذاب بسر ميبرند. بيشتر از سه دهه است که مردم افغانستان به خاطر امر بزرگ صلح قربانی ميدهند، ولی صلح تا هنوز Continue reading →

د افغانستان ملي ګوند د اروپايي شورا
اعلاميه
د جولای دوهمه ۲۰۱۲ کال

له څه مودې را په دې خوا د پاکستان نظاميګران زمونږ د لرغوني او وياړلي هيواد په مختلفو سيمو کې ملکي هدفونه د خپلو راکټي بريدونو له پاره په نښه کوي او زمونږ پر سپيڅلې خاورې او بيګناه خلکو د ګاونډيتوب ، اسلاميت او انسانيت د ټولو اصولو او نړيوالو منل شوو نورمونو پر خلاف په پرلپسې توګه تيری کوي . همدارنګه د پاکستان د نظامي استخباراتو دوزخي سازمان آی-اس-آی چې د خپلو تالي څټو په ناولو لاسونو د دريو لسيزو را په دېخوا ، د افغان ولس وينې تويوي ، د تل په څېر خپلې ګمارلی ډلې ټپلې زمونږ د هيواد پر ضد خونړيو بريدونو ته لمسوي .
اوس چې د ترور او وحشت ، بنسټ پالنې او شرارت د صدور د مرکز په توګه د پاکستان رښتينې خېره ټولې نړۍ ته څرګنده او پيژندل شوی ده او د پنجابی واکمنانو دوه مخي بربنډ شوې ده ، بيا هم په سپين سترګۍ سره په مختلفو پلمو زمونږ د سوله دوست هيواد پر ضد له پټو او ښکاره توطيو او تېريو لاس نه آخلي .
د افغانستان ملي ګوند اروپايي شورا په داسې حال کې چې د کنړ ولايت د دانګام او اسمارو پر ولسواليو ، د نورستان د کامديش پر ولسوالۍ او خوست باندې د پاکستانی يرغلګرو بې شرمه افغان ضد لمسوونکی بريدونه په کلکه سره غندي ، د ګران هيواد د سپيڅلې لمنې او خپل بيګناه ولس څخه د دفاع په موخه پر ټولو سياسي ګوندونو ، سازمانونو ، مدني ټولنو او افغان ولس باندې د نه ماتيدونکي ملي يووالي او پيوستون لپاره غږ کوي .
همدارنګه له افغان دولت او په افغانستان کې له ميشتو نړيوالو ځواکونو څخه په ټينګه سره غوښتنه کوي تر څو د پاکستاني تيري کوونکو په وړاندې زمونږ د بې دفاع او مظلومو هيوادوالو ننګه وکړي .
ژوندی دې وي افغانستان !

د افغانستان ملي ګوند اروپايي شورا