:

جنرال دوستم يو مخکني د شبرغان د نفتو او گازو د پروژی کار گر د روسانو د راتگ نه وروسته د مليشو قومندان اود وخت په تيريدو سره لوړه نظامي ردبی خاوند شو  ،جنرال عبدالرشيد دوستم  په ۱۹۹۲ز کال د شمال کابل ته دداخلي توطيه گرانو سره يو چای د خپلو مليشي ځواک  سره راداخل شو ددی د مليشو بدی کار نامې د هر کابلي په ياد دي له ده نه نور د جهاد په نوم مشرانو اوددوی  مليشو او تنظيمو هم د کابل د خلکو په وژنه او چور تالان ، ورانې کې کم نه وه .

جنرال دوستم په هر وخت زمان کې د مختلفو واکمنو سره ملتېا کړی اول د روسانو ملگرتوب اود هغه وخت واکمن مرحوم ببرک کار مل، بيا د مرحوم داکتر نجيب الله  اود هغه د واکمنې سرنگونې کې پوره ونډه درلوده. د مجاهيدينو د واک پر زمانه کي د حضرت مجددي لخوا ورته د  خالد بن وليد لقب اود لوی مجاهد لقب ور کول شو  اود جنرالي په ردبه ونازول شو ،د مرحوم رباني او مرحوم احمد شاه  مسعود سره کله جوړ کله ناجوړ وو، د محترم  حکمتېار سره هم مرسته او ملگرتوب سرته رسولی  د امريکايانو ښه ملگرتوب اود طالب بنديانو بی شميره وژنه د محترم حامد کرزي ښه مرستندويه اود ښو پيسو خاوند شو  د مليشو پنځونه او نور دداکتر محمد اشرف غني ملگرتوب اود لومړې مرستېالي څوکې ورکول .د وخت په تيريدو  د مزار د زورمند والي عطا محمد نور  او محقيق سره يوه جبهه پرانستل د ترکې په هيواد کې د ايشچي سره د ناوړه چلند له امله يو کال پاته شو  او لا ملونه  خورا زيات دي؟

په همدې نژدی اونيو  کې ضيا مسعود په يوه معتبره تلويزون کې داسی وويل چی په  د فاراياب ولايت کې د جميعت او جنبش گوندونو وسلوال داوږدی مودی را ديخوا په جنگ اخته دي د ضېا مسعود وينا په هکله  سياسون او چار واکې پر دی انديښمن شول چی دقانون له مخې سياسي گوندونه بايد وسله او غېری قانوني وسلوال ونه لري د خلکو د وړانديزونو له مخې د جنرال دوستم وحشي صفته قومندان  قيصاري چی ولسونو دده له کړنو نور په تنگ وو او هم د جنبش او جميعت جنگونو زور اخستی وو حکومت مجبور شو  دا سړی ونيولو ولی په تاسف چی خاموش ملت اود قوم گيرايي په روحيه د يو شمېر خلکو مظاهری کول دولتي چاری په ټپه ودرول شوی د ترکي هيواد چارواکو په مينځگړيتوب دوستم بيا هيواد ته راستنيږي؟

 که دوستم دخلکو او ولس د مشر توب دعوا کوي بيا دی ددی هيواد ټولو وگړو سره سم چلند وکړي غېری قانوني ولسوال بايد وسله حکومت ته ور کړي سم سياسيت ته دی ملا وتړي د لومړي مرستېال په توگه چی د ټول هېواد مشري لري کار وکړي قوم گرايي اود توکم پالنه ددی ملت سره جفاده که هر څوک دا کار کوي ددی ولس په قهر به اخته شي د ټول ملت له پاره د سوکالی هوډ ولري خپل  وجداني مسوليت ادا کړي   انساني سياست موخه همداده او بس

م کوچی

د ۱۳۹۷ ل کال پر ۱۵ نېټه :

داوږده ځنډ وروسته دافغان حکومت او بهرنيو نړېوالو په ملتېا د ولسي جرگې او ولسواليوشورا گانو له پاره د د نوم لېکنې بهير پېل شو د ټاکنو د کميسون د رپوټ له مخې تر اوسه نه ميلونو تنو نوم لېکنه کړي، اوس د جهاد مشرانوته  اندېښنه راپورته شوه داسی مالوميږي چی په نوم لړ کي ددوی پلويانو فيصدي کمه ده يا دوی ته د تقلب کولو چانس کم دی  فورا يې په ناستو کې د ټاکنو پر بهير نيوکې پېل کړې اودا ټوله پروسه ددوی له نظره باطل وگڼل شوه اود باي ميتريک غوښتنه ېي وکړه.

اوله پوښتنه د برښنايي تذکرو له پاره همدغه ښاغلو خنډونه نه دي اچولي دافغان اواسلام د کلېمې سره جوت مخالفتونه نه دي شوي؟

دويمه پوښتنه :ايا دا ممکين ده چی دوی هر څه له سره بيا غواړي؟

 دريم : داسی گوندونه چی ځانونه د هر څه خاوندان واکمنان بولي  سياسي گوندونو نوم پر ځانو ږدي ايا واقعا دوی داساسي قانون مطابق سياسي رسمي سياسي  گوندونه دي؟

۴: په رښتېا دا گوندونه ددموکراسی پر اصولو ولاړ سياست کوي؟

زما له انده دا پورته ټولې پوښتنې چی سمې ځواب شي دا کټگوري گوندونه د قانون اواوسني نظامي سياسي حالت سره سمون نه لري دا په دی ما نا چی دوی تر اوسه نظامي پراخه وسلوالی ډلگې لري دوی د ملي منافعو خلاف د خلکو زورونه کوي، دوی تل د خپلو ځانونو، ډلو تنظيمونو له  پاره ځانگړي  امتيازات غواړي ،څوکې غواړي او هر څه د ځان له پاره روا اودبل حقونو پايمالوي.

دديموکراسی اصول خودادي چی دوی په ارامه فضا کې دخلکو سره ليدنې وکړی د زور او زر په واسطه نه بلکې د ازادو رايو په واسطه خپل استازي ولسي جرگې او ولسواليو شورا گانو ته وټاکي.

شته په هېواد کې سياسي ملي مطرح گوندونه چی نه پوځي ځواک نه زور او نه زر لري په دموکراسی او ولسونو ټينگ باور لري که د همدغو ټوپکسالارانو د زور او زرو ويره نه وي دوی به خپل استازي په مېړانه بريالي او پارلمان ته راولي مستقل شخصيتونه ملي هوډمن پر هيواد او خلک مين نوماندان هم شته چی تر تنظيمي کړيو سل ځله بهتر ه دي.داسی نوماندان پکې شته  ولسونو ته يې خپله تگلوري وړاندې کړي ولی ولسونه نور د چا په زور او زر باور مند نه دي دا ځل هغه چا ته رايه ور کوي چی ملي ژمنتېا ولري اود ولس له پاره د يو خادم او رښتني چوپړ هوډی يې کړی دا ځل چانس او بری د ملي وطنپرستو نوماندانو له پاره زيات ليدل کيږي .

م کوچی