انجنير سيد عبدالقادر                                      ۱۹ــ ۹ ــ۲۰۱۲

                يرغلګر ځواک او افغان بي ګناه ولس !  

لاس پوڅي واکمنان او يو شمير نور هغه افغانان چی تر اوسه پوري  لا هم دخپلو ناروا امريکايي ډالرو دټولولو له پاره داشغالي ځواک پر اصلي مخو،  بشري او  اقتصادي جناياتو باندي سترګي پټوي ، دا نوددوي له پاره نه يوازي دشرم اوخجالت ځاي دي ، بلکه  دسالم تعقل ،  افغانيت ، اوريښتيني  اسلاميت څخه هم  ليري ځاي دي ۰ په داسي حال کي چی ځيني دا واکمنان ځانونه دجهاد ستر ږيرور رهبران او ځیني بيا دامريکايي ډموکراسي ټيکه داران ( تکنوکراتان ) بولي ، خپل هرڅه معنويات او افغان ملي شتمني دامريکايي ډالرو په بدل کي  په ښکاره ډول په آزاد بازارکي  داسي پلوري ، چی سړي فکر کوي چی د دې کسانو عقيده دعقبي دحساب او کتاب ورکولو څخه ظعيفه سوي او غواړي چی يوازي  په دې  نړي کي هر څه تر لاسه  او ژوند مخ ته بوزي ۰ ځکه نو  معلوميږي چی  ددې بي ګناه انسانانو پر زوريدلي ژوند او شهادت پر سر باندي په پرديو ډالرونو باندي  خپلي خيټي او بانکونه ډکوي۰چی دا دي ، دوي د خپلونا پاکو کړونو  په پايله کي  دا پتمن وطن په نړي کي دوحشتونو په مرکز باندي  تبديل کړي دي ۰ چی  ددې وحشتونو  ښه نيژدي مثال يي دلغمان دولايت دالينګار په ولسوالي کي   دسيپتمبر د۱۶ مي نيټي دامريکايي يرغلګر هوايي  ځواک دانسانيت څخه ليري هغه وحشي بريد دي ،  چی په پايله کي يي ۱۶ بي ګناه افغان ميرمني په داسي حال کي  په شهادت ورسو لي ،  او اوه ميرمني يي   ټپياني   کړلي ،  چی دوي دخپل غريبي ژوند مخ ته بيولو له پاره په شنه سهار کي دغره په لمن کي په لرګيو ټولولو باندي لګياه وي ، چی نا ببره دژوند او پت ددښمنانو له خواه تر هوايي بريد لاندي راغلي 

Continue reading →