له هالنډی مطبوعاتو څخه :

ژباړه : حکيم روان

د امريکا کانګرس د سوريې په هکله پرېکړه ونکړه

د امريکا د کانګرس ډيری غړی نه پوهيږی چې په سوريه کې نظامی مداخلې ته هو ووايي او که نه ؟ دا خبره د امريکايي ورځپاڼو ( امريکا نن او واشنګټن پوست ) له څېړنو جوته شوی ده .

ددې ورځپاڼو ارقام که څه هم يو له بل سره يو څه توپير لري ، خو يو خط  بربنډ دی ، هغه دا چې : اوباما به د کانګرس د ډېرو نورو غړو د جلبولو او ور اړولو هڅه وکړی ، خو په دې به کار ونه شی .

د امريکا نن ورځپاڼې له قوله د امريکا له سلو سناتورانو څخه  ۲۲ او له ۴۳۵ نمايندګانو له جملې څخه هم ۲۲ نمايندګان د اوباما د بريد پلان ته رايه ورکوی.

ددې په وړاندې ۱۹ سناتوران او ۱۳۰ د پارلمان نمايندګان په بريد او مداخله کې هيڅ ګټه نه ويني .

 واشنګټن پوست دا ارقام داسې ښيي چې ۲۳ تنه سناتوران او ۲۵ تنه نمايندګان د بريد پلوی دی ، چې په مقابل کې يې ۱۷ سناتوران او ۱۱۱ تنه نمايندګان د بريد مخالفين دی .

ډېره په زړه پورې خو داده چې د بريد په مخالفينو کې ډېرۍ د اوباما د خپل ګوند کسان دی . په دې ډول ۲۸ دموکراتان د بريد پلوی او ۲۸ نور يې د بريد کلک مخالف دی . ډېرو جمهوريت غوښتونکو هم د اوباما د بريدګرو پلانونو مخالفت وکړ ، که څه هم د جمهوريت غوښتونکی ګوند د ننه د جان ماکين په شان بريدکونکی بازان هم شته ، چې په ټينګار سره پر سوريه د بريد غوښتنه کوی .

اوباما به د نن ورځې نهم د سپتمبر ۲۰۱۳ په پای کې د سوريې د کړکېچ په هکله شپږ مصاحبې وکړی ، په دې اميد چې متردد کسان خپل لور ته ورواړوی . د سه شنبې په ورځ به اوباما خلکو ته تلويزيونی وينا وکړی .

د وطن د ترقی ملی ګوند د اروپايي شورا

د غمشريکی او ډاډګيرنې پيغام

 ۲۱اګست ۲۰۱۳

په ژوره خواشينۍ سره مو د هېواد د نامتو او پياوړی سياسی او ټولنيز شخصيت محترم عبدالرحيم هاتف د مړينې زړه بګنوونکی خبر تر لاسه کړ . انا لله و انا اليه راجعون .

په داسې حال کې چې زمونږ هېواد او اولس د خونړی او تباه کوونکی جګړې په اور کې سوځی، ګاونډيان ورباندې تيل پاشی، ترڅو د يوې مخې ټول پاتې مادی او معنوی ارزښتونه پوپناه کړی . زمونږ د جکړې ځپلی هيواد په برخليک غله ، انسان وژونکی ، د مرګ او وينو استازی واکمن دی، باندينی او ورسره داخلی دښمنان د هيواد د خلکو او قومونو تر منځ د نفاق اور ته لمن وهی، روښانفکری ډلې ټپلې د بې باوری په بحران لاهو، په روښانفکرانه رنځونو او د ځان غوښتنې په لړزانو تبو اخته دی. د ستر وطن پالونکی ، مدبر او غښتلی سياسی ، ټولنيز او فرهنګی شخصيت محترم هاتف مړينې د افغانانو په ويرژلو زړونو د وير او ماتم نوی څپه خوره کړه . ګران هيواد او ربړيدلی افغان ولس يو مصلح او نوميالی ځوی د لاسه ورکړ، چا سره چې د هېواد د خلاصون حکمت ورسره وو او لکه د زرګونونورو شهيدو آرمانونو په څېر يې د ځان سره خاورو ته يووړ.

د وطن د ترقی ملی ګوند اروپايی شورا په داسې حال کې چې ددې سترې او جبران نه منونکی ضايعې له امله د محترم هاتف د درنې کورنۍ ټولو غړو او هېوادوالو ته د خپلې خواشينۍ او ډاډګيرنې تاوده مراتب وړاندې کوی، د هېواد د نوميالی بچي تلپاتې روح ته دعاکوی او د پاک خدای له درباره ورته د فردوس جنت غوښتنه کوی .

له موکې څخه په استفادې سره د وطن د ترقی ملی ګوند اروپايي شورا ددې ګوند د مرکزی شورا د سياسی اجنداء دمرکزی مسألې له مخې د تل په څېر يو ځل بيا د هيواد د خلاصون ، دخونړی جګړې د پای ته رسيدو ، د سولې، امن او ټيکاؤ د ټينګښت ، قانون د واکمنۍ، د لوړو ملی مصالحو څخه د دفاع  او ټولنيز عدالت د تأمين له پاره په ټولوسياسی ګوندونو، سازمانونو، کړيو، سياسی او ټولنيزو مؤثرو شخصيتونو دملی يووالی اوپيوستون او پراخ عملی اتحاد له پاره غږ کوی .

د وطن د ترقی ملی ګوند اروپايي شورا