د وطن شهید

ښاد روان وطنوال د وطن شهید دی. هغه په خپلو وینو د هېواد د سولي او ترقۍ ګلانو ته اوبه ورکړي. هغه د خپل وطن او خلکو سره هوډ کړی ؤ چې د وینوتروروستې څاڅکې به د افغان اولس له پاره د سولي او پرمختګ کاروان تر منزله رسوي. هغه تر وروستۍ سلګۍ پوري همداسي وکړل. په جرګو ، مرکو کې د ناستې پاستې پر مهال او د ولسي جرګې د تریبیون له لاري هغه د وطن او خلکو د زړه اواز په پوره امانت دارۍ نړۍ ته ورساوه. غلیم هغه په غوره شوي سپیڅلي لار پل په پل تعقیب کړ او د هغه د ژوند د اخستو په لاره کې یي ناځوانمردانه او په ډیره پستئ عمل وکړ.

شهېد وطنوال د تنکۍ ځوانۍ په جامه کې د افغانانو خدمت ته را ودانګل. هغه ته په هغو شرایطو کې چې هېوادنې غورځنګ نوي غوټې کړي وي ، پته ولګیده چې بیله اګاهانه او علمې هڅې او هاند ناممکنه ده چې افغان زیارایستونکی د بې عدالتۍ څخه خلاص شي او هېواد د فیوډالي او ماقبل فیوډالي شرایطو څخه د ډموکراسۍ او پرمختګ په لوري خوځښت ومومې. له دې کبله هغه د افغانستان د سیاسي غورځنګ د پیاوړتیا او ودي په وطني کار کې مهمه او فعاله برخه واخستله. Continue reading →

د شهیدانو اونۍ

شهيد محمد هاشم وطنوال

د وطن د ترقۍ ملي ګوند غړي ، مینه وال ، خواخوږي او نور هیوادوال خبر دي چې د افغانستان په ولسي جرګه کې د ارزګان د خلکو د پخوانې استازي او د وطن د ترقۍ ملي ګوند د مشرتابه د یو مهم غړي اروا ښاد محمد هاشم وطنوال د شهادت ( ۱۷ جولاي ۲۰۱۱ ) او د یو لړ نورو وطنپالو ګوندیانو د شهادت له امله د جولاي د میاشتي دریمه اونۍ د دغه ګوند د شهيدانو د اونۍ په ویاړ لمانځل کیږي. سږ کال د دې اونۍ څخه په داسي شرایطو کې یادونه کیږي چې له یوي خوا افغانان ورو ورو د خپل هیواد افغانستان د بیلا بیلو چارو د خپلواکه سمبالولو له پاره تیاري کوي او له بلي خوا افغان وژونکي جګړي په ټول هیواد کې زوراخستی. همدارنګه د ولسمشرۍ او ولسي جرګې ټولټاکنوته مړژواندي تیارۍ نیول کیږي. د وطن د ترقۍ ملي ګوند مشرتوب د موجودو چلنخونو په وړاندي د پیاوړي مقابلي په موخه د یوي کارنده ستراتیژۍ د کاږلو تر څنګ د ملي ـ ډموکرات پیاوړو سیاسي بنسټونو په اتحادونو او وحدتونو لګیا دی. ګوند غواړي د وطن او ګوند د شهيدانو د پاکو ارواګانو د خوشالوني په ارزو هغوي ته د ملي فکټور په توګه د پیاوړي سر تر سري حزب د رامنځته کیدو ډالۍ وړاندي کړي.

 د وطن د ترقۍ ملي ګوند ډیرئ غړي په تیره نیمه پیړۍ کې د هيواد د سیاسي ډګر وتلي او څرګند فعالان وه چې په تاریخې مهمو تحولاتو کې یي برخه لرله. اوس هم د دې نوي ګوند په څیره کې هغوي په افغانستان کې د سولي د تامین ، بیا جوړوني او د ډموکراسۍ د رواجولو په سپیڅلي کار کې هیوادنۍ هلي ځلي کوي. هغوي په تیرکې هم شهيدان ورکړي او د اروا ښاد محمد هاشم وطنوال په څیر شهیدان دمدرحاله د هغه په پاکه لمنه کې روزل کیږي.

د وطن د ترقۍ ملي ګوند د اروپا شورا په درناوي د افغانستان په د ننه او اروپا کې په خپلو شهید پروره غړو ، مینه والو ، خواخوږو او نورو هیوادوالو غږ کوي چې د مقالو ، شعرونو او نورو تحلیلي مطالبو د لیکنو او خپرونو په ترځ کې د ګوند د شهيدانو د اونۍ په لمانځلو کې برخه واخلي.

ویاړ دې وي د وطن او ګوند په شهيدانو!

د وطن د ترقۍ ملي ګوند د اروپا شورا