لحدایچره تیریلدیم مېن اوشل روز
کېچه بیرلان اېدی یوق اېردی کوندوز
کېلیب أدهم مېنی گوریم نی آچتی
قوپوب ايردیم گوروم دین قیته قاچتی
چیقه دیب جهد قیلدم آنچه چندان
چیقالمادیم تنیمدین کیتدی درمان
دیدیم أی مرد صالح ایمدی کیلگیل
قولوم اوشلاب مینی گوردین چیقارگیل
بوسوز بیرلان مینی آلدیمغه کیلدی
قولوم اوشلاب مینی گوردین چیقاردی
فکر قیلدیم آتم اوییگه بارسم
بورونغی دیک باریب تختیمگه مینسم
آتم کور ماس دیدیم أدهم گه لایق
قیلرد دیب سرزنش بینرگه خلایق
قیامت کون بولرمن دیب گنه کار
گنه کار لرایشی بولغوسی دشوار
چپ قولیمگه بیریبان دفتریمنی
مینی کیم سورسه لرخیروشریم نی
بیرورمن دیب اوشل کون نِه جوابی
منگابولغانده اول روز حسابی
خدانینگ خواستی بولگان ایکن دور
مینی تقدیر انگابولگان ایکن دور
ارسالی داکتر شکریه زمان عضو دارالانشای حزب ملی ترقی مردم افغانستان