پيام دارالانشای حزب ملی ترقی افغانستان

کابل – افغانستان

١١حمل – ۱۳۹

 ⁃ در باره شیوع و کنترول به موقع بیماری کورونا .

دارالانشای حزب ملی ترقی افغانستان بر اساس معلومات جدید سازمان بهداشت جهانی و وزارت صحت عامه جمهوری اسلامی افغانستان ، شیوع سریع ویروس کورونا را در قاره های مختلف دنیا يک خطر جدی برای سلامت کلیه باشندگان کره خاکی ما تلقی می نماید . ویروس بیماری کورونا در مقطع کوتاه زمانی تعداد زیادی مردمان جهان را تهدید به مرگ کرده و عده چشمگیر آنها تا به حال در برابر این ویروس کشنده دست و پنجه نرم می کنند .

نتایج دست داشته تحقیقات انجام یافته می رسانند که واکسین و ادویه های اثر گزار کنترول این بیماری تا به حال کشف نه گردیده است، لذا سازمان صحی جهان و وزارت صحت عامه کشور جهت کنترول هر چی سریعتر ویروس کورونا به وقایه این بیماری پا فشاری می نمایند .

به خاطر وقایه مطمئن ، نگهداشت حفظ الصحه یومیه ، تغذیه سبزیجات ، ستروس و نوشابه های گرم توصیه میگردد. کنترول رفت و آمدها ، صفایی خانه های مسکونی ، تعقیب و عملی کردن مشوره ها و هدایات ادارات ، مراکز و کارشناسان صحی کشور بخش مهم وقایه در امر مبارزه علیه ویروس کورونا به شمار میروند .

دارالانشأی حزب ملی ترقی افغانستان به تاسف اظهار میدارد ، که از یک طرف بیماری کشنده کورونا حیات مردم رنجدیده کشور را در معرض خطر جدی قرار داده و از طرف دیگر احتکار و گرانفروشی مواد ارتزاقی و سایر اجناسیکه در زندگی روزمره اهالی کشور مورد استفاده قرار می گیرند ، بیداد می کنند .

اگر چی حکومت دست به یک سلسله اقداماتی مهم زده است، قرنطين شهرها ، کنترول قیم مواد خوراکه و سایر اجناس ضروری دیگر صورت می پذیرد و در پهلوی آن جهت بلند بردن سطح اگاهی  مردم در باره تاثیرات ناگوار بیماری کورونا، معلومات مفید از طریق رسانه ها پخش می شوند . اما بخشی از باشندگان شهرها ، قرا و قصبات توصیه های پزشکی و درمانی را به طور لازم مراعات نه می نمایند ، لذا ارقام تثبیت مثبت ویروس کورونا ارتقا می یابند و سلامت هموطنان ما جدن در معرض خطر مدهش قرار می گیرد. در پهلوی آن یک تعداد ادارات و کارکنان موسسات دولتی در باره تطبیق تصامیم حکومت از خود سهل انگاری نشان میدهند و سلامت شهروندان کشور را به خطر جدی مواجه می سازند .

دارالانشأی حزب ملی ترقی افغانستان از تمام اعضای حزب ، شوراها و مردم کشور می طلبند ، که شیوع و تاثیرات ناګوار ویروس کورونا را جدی تلقی نموده رهنمودهای پزشکی و درمانی موسسات صحی جهانی و وزارت صحت عامه کشور  را به صورت درست مراعات نموده و مطابق ان گامهای عملی بردارند .

اعضای حزب و شوراهای آنها مکلفیت دارند طبق هدایات و مشوره های صحی در بلند بردن سطح آگاهی مردم و کمک به آسیب دیدگان بیماری کشنده کورونا گروه‌های داوطلب کمک رسان تشکیل داده و در ساحات زیست خویش هموطنان محتاج را در بخش های مختلف همکاری رسانند .

حزب ملی ترقی افغانستان

کمیسیون تبلیغ وفرهنګ

 

شهر خربوزه

دا زموږ هغه وتلې ولسي خبره ده،چې خلکو به هله کاره وله ؛ کله به چې په کوم ځای کې، د قاتل او مقتول ، مفسد ا

مخلص ، خادم او خائين ، غله او کور والا ، کيسه بور او کيسه ولا …؛ تر منځ توپېر نه کېده او دواړه به په يوه تله ، تلل کېدل . نو خلکو به ويل : شهر خربوزه است ؛ شهر ناپرسان است …! په خواشينۍ سره چې دا د خربوزې او ناپرسانه ښار کرغېړنه فضا اوس زموږ په يو شمېر فيس بوکي يارانو ؛ هلته په کابل او افغانستان کې ، په ګن شمېر رسنيو او په اصطلاح کار شناسانو ، شنونکو او کار پوهانو …او حتی د ولسي جرګې په تالار کې هم خوره ده. هيڅوک واضحه او څرګنده خبره نه کوي او يا هم د پسونو په شان يې کولي نه شي . د عبداله ناکام ټيم هم په ټول قوت هڅه او هاند کوي ، چې دا کرغېړن ماحول نوره هم عامه کړې ! د هغه خدا بيا موز خبره تکرارېږي : ( در ديګی که سهيم نيستم ؛ بګذار بعوض غذا مواد غايطه پخته شود ) . عبداله او ټيم يې په دې ښه پوهېږي ، چې په ملي ، منطقوي او نړۍ واله کچه ناکام او له صحنې وتلي دي . اوس نو هغه د چسپک ټوکه شوه ( چسبکه خو چسبانديم ؛ اګر خدا بچسپاند ) . د دوئ کسان په خاص مهارت دا تبليغات کوي ، چې ګنې دواړه خائينان دي …!! د دوئ تر څنګ بيا يو شمېر بې عقله او بې شعوره ، تش په نامه سياستوال هم په غير اګاهانه او په توله مانا ساده لوحانه؛ د هغو سازونو ته نڅېږي . له دې دوستانو په خاص درنښت هيله کېږي ، چې نور نو ونه نڅېږي . ځکه غني د ټاکنو او شکاياتو د کميسيونو له لوري بريالی اعلان شوی . د افغانستان د ټولو قانوني بنسټونو ، 35 هېوادونو ، ملګرو ملتو ، ناټو ، اروپايي ټولنې او د امريکې د متحده ايالاتو د باوري استازو په ګډون تحليف ( لوړه ) هم تر سره او رسمآ د قانوني منتخب ولسمشر په توګه وپېژندل شو … داچې عبداله هم د يوه معلوم الحاله جاسوس ، شرمېدلي فلمي ( قاضي القضاد ) په تپل شوي رول کې ، د څو تنو جنګسالارانو ، غاصيبينو غلو ،قاتلينو ، مافيايي کړيو او څرګندو جاسوسانو په شتون کې ، هم په پوره سپين سترګۍ ، ځان ولسمشر اعلان کړ ؛ دا نو کومه نوې خبره نه وه او نه ده …!! ځکه تر دې وړاندې صديق متين په امريکا کې ، هاشم لوګري په لوګر او تر هغو وروسته کوم کس د کابل په اتمه ناحيه کې ، هم ځانونه ولسمشران اعلان کړي وه …!! په خاصه توګه ده او ټيم يې ځکه دا کار وکړ، چې په قانون سالاره ټولنه کې ، نه يوازې دوئ د دوه پېسو بازار هم نه لري، بلکې د خپلو ښکاره جناياتو په تور به محاکمه کېږي هم . ځکه نو ددوئ تر ټولو مشر جنايتکاره کرزي، شرمګا ته بړستينې نه ټينګېږي …!! بنآ اوس به نو څومره له انصافه ليرې او حتی احمقانه وي ، چې دا او هغه نور ؛ هغه شان قانوني ولسمشر سره په يوه تله ، وتلل شي چې د خپل هېواد د ملي ګټو ، ملي ارزښتونو ، ملي هويت ، ارزي تماميت ، قانونيت ، عدالت او رښتني دموکراسي له پاره د خپل سر په قيمت ډغرې وهي او د فوادين سپر. په شان ولاړ دی …!! لطفآ ، لطفآ؛ پليس ، پليس له جوشه راکوز شئ ، په هوش او عقل د خپل هېواد او خپلو خلکو په حال ورحمېږي او فکر وکړئ…!! نه چې خدای ج مه بيا د مچان په شان خپلو سرونو ته ټک ورکړو . عبداله يو خدمت وکړ ؛ صرف نظر له ژبې ، قوم او محل … د خائين او خادم ، مخلص او مفسد ، وطنپال او وطن پلورنکو تر منځ يې کرښه جوړه کړه . راځئ ددې کرښې بر بنياد د خپل قانوني ولسمشر تر شا

 اسماعيل غرنی ودرېږو او ځانونه د خپلو سيالانو سره سيال کړو …

څه وليکم

عواطف مو انساني کړئ خپلمنځي جنگونه بس دي
ليونتوب نه لاس په سر شئ ليوني جنگونه بس دي
کرونا ويروس د جنگ دی ورکاوي ته يې يولاس شئ
انسانيت ژغورنه زده کړئ نور وحشي جنگونه بس دي
پر چوکۍ, مـنـصب نښته مقام ټيټ کړي د انسان
د وطن نـجـات اړين دی منصبي جنگونه بس دي
د نـړۍ له انسانانو اخلاقي زده کړه په کار ده
هموطن سره تـريـخـوالی ټوپکي جنگونه بس دي
ترهگري وه پردی تخم پر افغان ځمکه يې کر وشو
په هوش راشئ وطنوالو ترهگري جنگونه بس دي
دا د سولې اوچت غږ پر حقيقت باندې بدل کړئ
د مظلوم وينې بـهـيـږي تحميلي جنگونه بس دي
سړيتوب مو لکه لمر کړئ د جهان په مخ څرگند
ژر اعلان د اوربند وکړئ نور پردي جنگونه بس دي
بـهـرنـی پوځ له هيواده اتفاق باندې بهر کړئ
د پـردو گـټـو لـپـاره نـيـابـتـي جنگونه بس دي
لـه تـپـلـي جـنـگـه سـتـړي غـمـځـپـلـي ولسونه
محبت او سوله غواړي “عليمي” جنگونه بس دي
عظم الدين عليمي

وروستۍ یوولس ورځي، چا څه وګټل؟

11/03/2020                                                                                            م. صافی

بې ساری افغانستان

په رښتیا چه افغانستان  بې سا ری  وطن دی،  هغه څه چې دلته پیښیږي او هغه څه چې افغانان يې سرته رسوي د نړۍ په  بل ګوټ کې مثال  نه لري. د بیلګې په  توګه،  د کابل په غازي سټدیوم کې  په ټوپک د یوې افغان میرمنې وژل، د طالبانو حکومت نړۍ ته  د ښځو حقوقو د ناقض په توګه وپیژاند، یا  د بامیانو د بتانو الوځولو سره ، د ټولې نړۍ په وړاندې طالب چارواکي د افراطیت  نښه او یو منفي سمبول معرفې کړل.

یا  د  ۱۹۹۲ کال پیښې ،  مجاهدین  چه ګواکې  روسانو ته يې ماته ورکړه او د فاتحانو په  بڼه کابل ته ننوتل او هغه يې چور کړ،  نو بیايې د افغانستان د اردو طیارې  او نور مهمات پاکستان ته، زمونږ د هیواد تاریخي  دښمن ته،  تسلیم کړل. دا د  بې ننګۍ بې سارې نمونه ده  چه په عقل کې نه ځاییږي . که ته فاتح يي نو بیا ولې د  خپل وطن شتمنۍ  دښمن  ته ورکوې؟   دا سې نامي پیښې د افغانانو له خوا نورې هم سرته  رسیدلې دي.‎

 خو د مارچ د نهمې حادثه  به د افغانستان او جهان په تاریخ کې  خورا کمه  پیښه شوې وي ، چه د یوه دیوال تر مینځه  د جمهوري ریاست  د پاره  په یوه ورځ،  دوه لوړې ترسره شي.

 د دولت ساز ټیم مشر،  ډاکتر اشرف غني ،   د ۵۱ په سلو کې  رایو په لرلو سره، په ارګ کې  د ۳۵ هیوادو د استازو او د پښتون تحفظ خوځښت  میلمنو په حضور او د برم او عزت ډک  محفل کې،  د ملی او وطنپالنې احساساتو سره مل، د هیواد د قاضې القضات په شتون کې د جمهوري ریاست د پاره  تحلیف  مراسم  تر سره  کړل. ‎

د بلې خوا، عبدالله عبدالله ،  د ۳۹  په سلو کې رایو سره ، ارګ  سره  یو دیوال تر مینځ،   د سپیدار په ماڼۍ کې د خپلو جهادي پلویانو  د تکبیرونوپه چیغو کې، د قضا د سیستم نه بهر شخص په شتون کې، د جمهور رییس په توګه لوړه تر سره کړه.   د بهرنیو هیوادونو استاذو په کښې ګډون ونه کړ او د موازي جمهوررییس تحلیف باندی يې نیوکې وکړې.

دې پیښې ته څوک  نوې سقاوي وايي، څوک يې  د لنډغرانو د پاچاهي لوړه بولي، خو د  ټولو داخلي او نړیوال قوانینو او حقوقي نورمونو خلاف ، د ثبات او همګرایۍ ټیم د شرم ډک  عمل ترسره کړ او خپل سیاسي  حیثیت ته يې  سخت تاوان ورساوه.

هیڅ افغاني سیاسي ، مد ني ټولنې  او یا د خارجي هیوادونو مشرانو ورته مبارکۍ ورنه کړله.

د عبدالله عبدالله د پاره د انتخاباتو د پایلو نه منل لومړی ځل نه  دی، د همدې انتخاباتو په سبا يې  اعلان وکړ: «چه  زما رايې زیاتې دي او زه جمهور رییس یم، که نه نو تفلب  او درغلي  ده».

دا  فارمول: «که زما راييې  زیاتې ونه ختې نو تقلب دی»، د جهادي ټیمونو له خوا دومره تبلیغ شو ، چه  د وطنوالو زړه يې د انتخاباتو  تور کړ او د رايې  ورکولو د  احتمالي خطر په قبلولو پښیمانه شول.   خلک وايي ،  که دومره عام تقلب شوی وي نو دا  ګرنټي چیرته ده چه  ستاسو ټیمونو هم درغلي  نه وي کړې.

 له بده مرغه ، د جهادي ډلو له خوا د انتخاباتو د پایلو نه منل ،  د  ولس له خوا  د خپلو رايو د  انساني حق  او د  رايو د کارولو ارزښټ  خورا  بی اعتباره کړ، چه ورسره سم  يې په ټولنه کې د د موکراسي  دودونو ته لویه  ضربه ورکړه.  او د قدرت  ترلاسه کولو قهرجن او ډول ډول  ناپاکو لارو ته  يې  د زورواکو مخه خلاصه کړه، یانې  هر څوک چه زر او  زور لري هغه به حاکم وۍ.

 بد بختي داده  چه  عبدالله عبدالله د جهادي مافیا  په مینځ کې د شطرنج یوه مهره ده،  تر شا يې نور داخلي او بهرني لاسونه دي  چه  لمړی يې د انتخاباتو پر ځای د  موقت  حکومت د  برترۍ وعظونه کول، بیايې په  من من  انتقادونو  اوحیلو د انتخاباتو د پایلو اعلام ځنډاوه،  او په  آخره کې د  «زه يې نه منم» ، د پخواني عادت  پر اساس د جمهوري دولت  د  بې ارزښته کولو په هدف يې موازي  تحلیف ترسره کړ. د هر چا فرمان  چه  يې  اجرا کړ،  خو  ننګینه، درنده ماته يې وخوړه.‎

چا څه وګټل؟

طالبانو:

 د امریکې د لښکرو د وتلو د ټړون سره ،  د طالبانو تحریک خپل  تندي څخه د تروریزم  بین المللي تاپه  د امریکې  په لاس پاکه کړه؛

د فاتحانه غرو ر په  څپو کې  يې د « اسلامي امارت» نوم وساتۍ او افغاني جمهوري دولت ته يې  د  «کابل حکومت» خطاب وکړ؛

د امریکې دولت سره د توافق پر مبنا د خپلو پنځه زره جنګیالیو د خلاصون  حکم يې تر  لاسه کړ ، او لا د پټو، غوړو  وعدو په بدل کې  د امریکې د پیاده نظام  د  نقش بشارت ورته وشو( هسې  نقش چه د نظار شورا او دوستم،   د اسلامي امارت  يه پرځولو کې لوبولی وو).

امریکا:

د خپلو لمړنیو اصلي  نیتونو  څخه لاس په سر شوه، چه  غوښتل يې په افغانستان کې نظامي هډې، د خپلو سیاسي او اقتصادي حریفانو  تر پښو لاندې د سکروټو د ایښودو  په موخه، ټینګې کړي. د طالبانو د جنګیالیو د سرښندنو، د پاکستان په  لوژیستیکي او مدیریتي مرستو او د افغان ولس په قربانیو، امریکې ته  زیات  مالي او ځاني  تاوان  ورسیدۍ،  او د امریکې د ولسمشر انتخاباتي  وعدو  د پرځای کولو په لړۍ کې، د  لښکرو د ویستلو تصمیم ونیوی شو. د یادولو اړین  ده چه  امریکايي خوا د  طالبانو سره د لښکرو د ویستلو په توافقاتو کې  د افغان دولت سره، خپل متحد سره،   لویه جفاوکړه. نه یواځې په  مذاکراتو کې يې ونه باله، لږ تر لږه  د  بین الافغاني مذاکراتو د یادونې پرځای  يې د افغان دولت  نوم ونه لیکۍ، په داسې حال کې  چه د پنځه زره  طالبانو د خوشې کولو هوکړه يې ورکړه ، کوم چه د افغان دولت په  جیلونو کې  بند تیروي.‎

او یو ځل بیا په تاسف سره،  هرڅه پاکستان ته  وسيارل شول، حتی د امریکې د لښکرو د امن وتلو او ددوي د شمیرلو دنده  پاکستان ته وسپارلی شوه.

پاکستان تر ټولو  زیاته  مالي او سیاسی ګټه وکړه :

هغه د امریکايي  ډالرو باران ، چه د  روسانو د اشغال  سره پاکستان  ته پیل شوی وو،  او څه باندې شل کاله  په پنجابي چارواکو اوریده، د امریکایانو د اشغال سره په ټپه ودرید. په افغانستان کې  د پاکستان د سیاسی او اقتصادي نفوذ ساحه  تنګه شوه.   پاکستان  د طالبانو د ټوټو یو خای کولو او چریکي حملو ته د دوۍ سازمان ورکولو په کار کې،  په لمړیو کلونو کې  د امریکې مرسته تر لاسه کوله ، په دې پلمه چه په افغانستان کې د امریکې نظامي حضور توجیه شي. خو کله چه د طالبانو تحریک غښتلی شو، امریکایان خپلې اشتباه او د پاکستان حیلو ته  پام وګرځید او مرستې يې په پاکستان قطع کړې. نو پاکستان  د امریکې سره د خپل نفوذ د ساحې یانې دافغان خاورې،  پر سر رقابت پیل کړ، د امریکې حریفانو، روس او چین ته يې مخه کړه، امریکه يې  د ایران، چین او روس په  محاصره کې یواځې پریښوده.  نتیجه دا شوه چه امریکایان  بیرته پاکستان ته اړ شول او  د سترو بډو په قیمت يې د طالبانو حاضرول او ورسره  د وتلو د پلان د  امضا کولو چارې تر سره کړې. او د افغانستان ساحه  يې بیا پاکستان ته تسلیم کړه.

افغان دولت:

که د  انتخاباتي پیښو د جزيياتو او د شخصیتونو د سپړلو څخه ایخوا وګورو او دوو وروستیو  ټاکنوته  یو عام نظر واچوو،  نو  په زغرده ویلی شو ، چه افغان ولس  د جهادي نظام په پرتله ، د قومي  او د جهادي، ټوپکمارو ډلو د حکومت  په عوض،  د مذهبي او سیمه ایزو لیډرانو پر ځای،   سیکولار نظام ته،  د یو غښتلي جمهوري نظام او د قانون حاکمیت ته ترجیح ورکړه.

 افغاني دولت،  د جمهور رییس  ډاکتر اشرف غني په مشرۍ، د جهادي مافیا او ناروغو  ډلو ټپلو د شراکت څخه پرته،   رسمي او قانوني  حق تر لاسه کړ، تر څو وتوانیږي  د جمهوري ، سیکولار نظام او  قوي مرکزي دولت د جوړولو،  دهیواد  د ځمکنۍ بشپړتیا،  د ملي ګټو او ملي وحدت ضامن په توګه، د وطنوالو د سولې او امن  د بسیا په  موخه،  د ټولو بهرنیو او کورنیو  د سیسو  پر خلاف  ټینګ ودریږي،  او په دې مبارزه کې  به ملي مترقي قوتونه  ورسره ملاتړ وي. په درنښت. ۲۱/۱۲/۱۳۹۸

دسولي اړوندد طالبانو او د امریکا د متحده ایالاتو تر منځ د هوکړه لیک په هکله د افغانستان د ملي ترقۍ ګوند د مشرتابه او غړو د نظر ټکې ;

 

کابل – افغانستان
د ۱۳۹۸ م د کب ۱۷ مه.

د افغانستان د ترقۍ ملي ګوند مشرتابه او غړو د قطر هېواد پلازمینه دوحه کې د طالبانو او امریکا د متحده ایالاتو د خبرو اترو پړاونه او د هغې په پاي کې د ۱۳۹۸ م د کب د ۱۰ مې د هوکړه لیک لاسلیک کول په ځير تعقیب کړی او په دې اړوند د خپل نظر ټکې په لاندې توګه برجسته کوي :

⁃ د طالبانو او امریکا د متحده ایالاتو تر منځ د خبرو اترو پيل د افغانستان خلکو د سولي بهیر نومولی او په جنګ زپلې هېواد کې د تلپاتې سولي د راتلو او له دې لارې د هېواد د خپلواکۍ ، ځمکنۍ بشپړتیا او ملي واکمنۍ د ټينګېدو په نیت یي له هغې ملاتړ څرګند کړی . زموږ ګوند او د هغې غړو هم د سولي د پيل شوي بهیر څخه د یو شمیر ځانګړو اعلامیو او مصوبو په ترځ کې کلک ملاتړ ښودلی .ګوندي مشرتابه د خپلو کادرونو او ګوندیانو په مشوره د سولي د وړاندیزونو یوه ټولګه هم خپره کړي چې د زیاتو هېوادوالو ، په تیره بیا د سوله دوستو ټولنو او شخصیتونو د تایید او ملاتړ وړ ګرځيدلې . له نیکه مرغه د ټولګې د وړاندیزونو او وړاندوینو ډيرئ برخې په عمل کې سمې راوتلي .
⁃ د سولي بهیر کې ګوند دیو شمیر هغه ګاونډيانو ، سیمه ایزو – نړیوالو زبر ځواکونو ، کورنیو څرګندو سیاسي کړیو او عناصرو ناروا سیالیو ته کلکه ګوته نیولې چې له امله یي د هېوادوالو د سولي د ویشل کېدلو ، د وطنې سمت نیونې له محوره د سولي بهیر د منحرفولو او په پایله کې ، د افغانانو د سولي د یرغمل کولو لامل کېدلې .
⁃ د افغانستان د ملي ترقۍ ګوند د جګړي په شرایطو کې د سولي بهیر د سالم مدیریت په موخه د وطنپالونکو سیاسي مدني ټولنو ، شخصیتونو ، دینې عالمانو ، د خلکو د راز راز کتګوریو د استازو د واحد دريځ نیولو او د لازمو همکایو لرلو په برخه کې د حکومت سره د همغږۍ په اړتیا پر له پسې ټينګار کړی .
⁃ د کب د ۱۰ مې هوکړه لیک چې د طالبانو او امریکا د متحده ایالاتو تر منځ لاسلیک شوی ، له یوي خوا د قرارداد په بڼه نه دی او له بلې خوا د یو مهم لوري په توګه یو شمیر مبهم ټکې او مفاهیم لري ، یانې د یو مهم لوري په توګه د افغانستان د اسلامي جمهوریت نوم او د سولي بهیر کې د هغې وړ ځاي نه دی په ګوته شوی او د حکومت او طالبانو تر منځ د اورکم او اوربند تعهد په کې واضح نه تر سترګو کیږي . خو دا چې د افغانانو خپل مینځې مفاهمت ته په کې د کړکۍ پرانیستلو هڅه شوي د ګوند له خوا د پام وړ ګام بلل کیږي او له هغې ملاتړ کوي .
⁃ زموږ ګوند په دې خوشاله دی چې ګواکې د امریکا متحده ایالات او ناټو خپل پوځونه د هوکړې پر بنسټ او د اړتیا له مخې وباسې او ترهګرې ډلې هم نوره اجازه ونه لري چې د افغانستان خاوره د بل چا پر خلاف وکاروي . خو دا تکی مبهم دی چې د طالبانو او د نورو ترهګرو ډلو مالي او لوژستیکې ملاتړې به د کوم ټاکلې میکانیزم له مخې وڅارل شي چې ، نور د افغانانو د وینو له تویولو لاس واخلې ؟
⁃ د هوکړه لیک د لاسلیک سره سم د افغانستان حکومت او طالبانو تر منځ تبلیغاتې جګړې زور اخیستی ، طالبان د حکومت سره د خبرو پر ځاي له هغو يو شمیر سیاسي کړیو او اشخاصو سره د اړیکو ټينګولو هڅه کوي چې د سولي راوستلو په پلمه دلنډمهاله میکانیزمونو د رامینځته کولو پلانونه سنجوي . په دې لړ کې د سیمې ځينې څرګندې کړۍ د طالبانو او د حکومت د رقیبو کړیو خوا نیسې او د حکومت د واحد موقف د اجزاؤ د ویشلو په هڅه کې دي . د ملي ترقۍ ګوند په نظر ، له څو لسیزو را په دې خوا جګړو کې د اخته خواؤ د پخلاینې او ادغامولو له پاره د سیاسي اداري او قانون بدلون ، نه د سولي او ثبات لارې چارې دي او نه ورسره ګوند موافقت کولی شي او دا ډول کړنې د سولي بهیر بریالي کول د خنډونو سره مخ کوي !!
⁃ سوله او دموکراسې یو بل بشپړوې . خو په افغانستان کې د ملي ګټو پر ځاي ، ځانګړو ګټو ته د لمړیتوب ورکولو له امله د ټاکنو ډموکراتیک بهیر او د سولي بهیر په داسې یوه کرښه ودرول کیږي چې د ودي پر ځاي يو دبل د ورو کېدو او ان ټکر کېدو لامل شي . ګوند ته داسې وضعه د زغملو نه ده او په کلکه غواړي ( د ولسمشرۍ ټاکنو پایلي چې د افغانستان د اسلامي جمهوریت د ټاکنو خپلواک کمیسیون له خو اعلان شوي او وثیقه یې د دولت ساز ټيم مشر محمد اشرف غنې ته د راتلونکې پنځه کلنې دوري د ولسمشر په توګه ورکړل شوي ) بې له ځنډه پلې شي او سوله په سم لورې بري ته ورسول شي . په دموکراتیک ډول د واک د سپارلو او د روانې کرغیړنې جګړي له بندولو پرته د افغانانو وینه تویدل نه ودریږي !
⁃ د سولي بهیر سالمه بریا او د ډموکراټيکو ټاکنو پر بنسټ واک ته رسېدل هر وخت زموږ خلکو او ګوند ته ډير ارزښت لري . ګوند دهغه لوري په خوا کې ودریږي چې د ملي مسألو حل ته په پوره ځيرتیا پاملرنه کوي . په دې برخه کې د توان تر کچې زموږ ګوند په غړیدلو سترګو د پيښو ادلون بدلون ته ګوري ، شننه کوي او د ځينو په څير د ځانګړو تمایلاتو او سلیقو له مخې په پټو سترګو ملامت او سلامت په یوه کاڼې نه تلي !
⁃ نړیواله ټولنه ، امریکا او ناټو د افغانستان د پوځي ، سیاسي او اقتصادي برخو په وده او سمبالښت کې تعهدات لري . ګوند منې چې د تعهداتو تر څنګ مرستندویه هېوادونه او ټولني خپلې ځانګړې ګټې لري . زموږ ګوند د هېواد د وسله والو ځواکونو د تجهیز او پياوړتیا ، د اقتصادي اډانو د رغولو او لا زیاتې ودي په برخو کې د شوي تعهداتو د پلې کېدو او ځينو ځانګړو ګټو ته د پاملرنې په برخه کې د یوه منطقې تعادل د مراعاتولو غوښتنه کوي . یانې د سولي د تأمین په نیت د نیول کېدونکو هوکړو په بهیر کې د وطن ودان شوي پوځي ، سیاسي ، اقتصادي او فرهنګي بنیادونه د یو شمیر ګاونډيانو د ستراتیژيو د تطبیق په پار هیڅکله هم د بیا ورانیدو د خطر سره مخامخ یا معامله نه شي .
⁃ په تیرو څه کم دوه لسیزو کې د افغانستان په سیاسي ، پوځي ، اقتصادي او فرهنګي ډګرونو کې داسې یو قشر ټوکېدلی چې په ذکر شوي برخو کې یي هر ډول امکانات او لاسته راوړنې برمته کړي . دا قشر ، فساد ، مافیا او د هېواد ملي يووالي ورانولو ته وده ورکوي او په دې توګه له بهرنیو څرګندو کړیو سره په نه شلیدونکو اړیکو کې دي . دموکراتیکې ټاکنې ، د دولت درې ګونې قواوي ، سیاسي مدني ټولني ، نړیوالي او سیمه ایزي اړیکې او د سولي او مصالحې بهیرونه د نوموړې قشر د نیش وهلو څخه په امان کې پاتې نه دي . نن سبا همدا قشر د موازې واکمنیو د رامنځته کولو نیمګړې هڅې او دړکې کوي . طالبانو ته شین څراغ ورکوي او د خپلو موخو په تحقق کې هغوئ د ځان پلوې ساتې . د ملي ترقۍ ګوند له نظره د هېواد خلک په تیره بیا روڼ اندي باید په افغاني ټولنه کې د دغه قشر د ځاي او موقف تعریفولو او د هغې د واک او اړیکو د حدودو د ټاکلو له پاره منظمه مبارزه وکړي . له دې پرته افغانستان سوله او ثبات نه شي لېدلی .
⁃ سوله ویشل ، په سوله کې د خپل حضور یقیني کول ، خلک ، وطنپالونکې سیاسي دموکراتیکې او مدني ټولني څنډي ته بیول ، د سولي د تأمین امتیاز ځانته کول ، د سولي له اقداماتو څخه د نورو د بیرولو په موخه د یوي حربې په څير استفاده کول نه یوازې سوله نه راولې بلکه هغې ته د رسېدو باور زیانمنوي . د ګوند په نظر داسې شرایطو کې سولي ته د کار کولو پر ځاي بیلا بیلې خواوي جګړي ته د بیا تیاریدو په ورانوونکو هلو ځلو اخته کیږي . ګوند د طالبانو ، حکومت او نورو سیاسي رقیبانو د پيل کړي تور بریښ بې له ځنډه بندول غواړي . بیلا بیلو خواؤ ته مشوره ورکوي چې ځانونه له هغه څرګندونو وژغوري چې د خلکو د اندیښنو بار نور هم درندوي . نړیواله ټولنه د خیر په غونډۍ د کیناستو پر ځاي له خپل اغیز څخه د ګټې پورته کوونې له لارې افغانان د ډاډمنې سولي د تأمین په کار کې ملاتړ کړي .
⁃ په تیرو څه کم دوه لسیزو کې د افغان وژونکې جګړي دروند بار د خلکو په اوږو ایښودل شوی . مرګ ژوبله ، د ځينو امتیاز خوښو سیاسي کړیو او عناصرو په پرتله عام ولس ته زیاته اوښتې . خو وطنوالو ته د شا کولو او پوښتنې پرته د هغوئ په غیاب کې هوکړي نیول د هېوادوالو په حقوقو سترګې پټول دي . طالبان هم د هوکړي په کولو کې د خلکو حقوق په پام کې نه نیسې . د ګوند له انده د هېواد د اوسیدونکو د ریښتینې استازولۍ پرته سوله نیمګړي ده . نو ځکه د سولي د تأمین په موخه د افغانستان د اسلامي جمهوري دولت تر چتر لاندي د هېواد د ټولو کتګوریو وطنپالونکو نمایندګانو د مشوري اخیستلو او استازولۍ اصل د هر بل وخت په پرتله اهمیت او اړتیا پيدا کوي . له دې کبله د هېوادنیو سیاسي مدني ټولنو ، شخصیتونو او حکومت څخه په درناوي هیله او غوښتنه کیږي چې د سولي د تأمین د جوړونکې بحث او عملي ګامونو اخیستلو له پاره د غوره استازولۍ په رامنځته کېدو ځانګړی او پلی کېدونکی کار وشي .

د افغانستان د ملي ترقۍ ګوند د نظر یو شمیر ټکې چې په پورته ډول فهرست شوي ، دا او ځينې نور ټکې په هېواد کې د سولي د سالمې سمت نیونې د بحث د تودولو ، د سولي بهیر د کورنیو او بهرنیو ابعادو د روښانولو ، په بهیر کې د سیاسي مدني ټولنو او شخصیتونو د رول لوبونې د امکاناتو د ارزولو او ډيرولو ، د طالبانو سره د خبرو اترو په میزونو کې د یوي فعالي ، فني کارپوهي او واحدي استازولۍ د رامنځته کولو سره زیاته مرسته کولی شي .
له دې کبله د هېواد په جګړه زپلو خلکو ، په تیره بیا سیاسي ګوندونو ، نهادونو ، ګروپونو ، مدني ټولنو ، خپلواکو شخصیتونو ، دینې عالمانو ، قومي مشرانو ، حکومت ، نړیوالي ټولني غږ کوو چې د طالبانو او امریکا د متحده ایالاتو د نوي لاسلیک شوي هوکړه لیک د هغو مواردو په عملي کولو کې مرسته وکړي چې د افغانستان په ځمکه د اورکم ، اوربند او تلپاتې سولي د تأمین لامل کیږي او د هغو مواردو او هڅو مخنیوی وشي چې د سولي د تأمین په نوم د افغاني ټولني لاسته راغلې ارزښتونه کمرنګه او یا بیخي له منځه وړي .
د افغانستان د ملي ترقۍ ګوند ، مرکزي سیمه ایزي شوراګانې او ګوندي غړي خپله وطنې دنده ګڼې چې د هرې هغې هڅې څخه چې جګړه او افغان وژنه ودروي ملاتړ وکړي او د پلې کېدو په چارو کې یي فعاله برخه واخلې .

په هېواد کې د سرتاسرې سولي د تأمین په هیله !

عبدالحی مالک
د افغانستان د ملي ترقۍ ګوند ریس

Bilden kan innehålla: 3 personer, personer som sitter