په سويډن کې د افغانستان ملی ګوند د شورا له خوا

د خواخوږۍ پيغام

په ډېره خواشينۍ سره مو خبر تر لاسه کړ ، چې محترم استاد بازمحمد ساپی د ورپېښې ناروغۍ له امله د خپلې درنې کورنۍ او يارانو د مينې او اخلاص تود چاپيريال د ابد له پاره پريښود . انا للله و انا اليه راجعون .
د محترم استاد پوهندوی بازمحمد ساپی مړينه ، نه يواځې د هغه کورنۍ او نږدې دوستانو لپاره ، بلکې د افغانستان ملی ګوند او د هيواد د ټول ترقی غوښتونکی غورځنګ له پاره يوه درانه ضايعه او تشه بلل کيږی . د هيواد ملی او مترقی غورځنګ د محترم استاد په وداعيه سره ، يو له شوره ډک او نه ستړی کيدونکی مبارز او سر ښندونکی سرتېرۍ له لاسه ورکړ .
په سويدن کې د افغانستان ملی ګوند ټول غړی په داسې حال کې چې د ارواښاد استاد د مړينې په وير کې ځانونه په ژوره توګه شريک بولی ، ددې نه جبرانيدونکی ضايعې او تشې له امله د ارواښاد استاد بازمحمد ساپی درنې کورنۍ ، د هغه ټولو دوستانو او د افغانستان ملی ګوند مشرتابه ډلې ته د خپلې خواخوږۍ مراتب وړاندې کوی او د خدای بښلی استاد روح ته د دعا لاسونه پورته کوی .
روح دې ښاد او ياد دې تل وی !