خواهر بسیار محترم شیما جان غفوری !
شعر زیبای شما را خواندم و از خواندن ان لذت بردم . خواستم لحظه چند از جهنم سیاست موقتا فاصله ګرفته و به طرف بهشت شعر و هنر نظر افګنم . با نطرداشت ان اینک بنده نیز اخیرین غزل خود را برګ سبز تحفه درویش نموده ، برایتان ارسال میکنم . به اندازه شعر شما لذیذ نخواهد بود ولی از صمیم قلب تقدیم است . خدا کند یک دقیقه از وقت ګرانبهای تان را برای خواندن ان اختصاص دهید .
با عرض سلام .
پوهنمل حاجی محمد نوزادی
جنت
زه د حورو په مذهب یم ، هر هر څه کی جنت وینم
هم په سترګو جنت وینم ، هم په زړه کی جنت وینم
چی د یار پر کوڅه ورشم ، که په هوښ یم که بیهوښه
د خمار پر وزر ناڅم ، په نشه کی جنت وینم
د اشنا د خیال په غیږ کی ، هره خوا جنت جنت دی
د محراب پشان زه هسی ، میکده کی جنت وینم
دشهید مزار پر شمع ، د جنت وږمی خپری دی
هم لوګۍ د جنت بوی کړی ، هم لمبه کی جنت وینم
د دوږخ مثال پر ځمکه ، د بدرنګ محتسب مخ دی
د ساقی د کور چاپیره ، دروازه کی جنت وینم
د شرابو په مستۍ کی ، چی می لپی کړمه پورته
هم ښیښه په جنت ډکه ، هم پیاله کی جنت وینم
ستا دمخ پرسپینه ورځ چی ، توری زلفی ماښام خپورکړی
هم په ورځ جنت ښکاره شی ، هم په شپه کی جنت وینم
نوزادی ! له هغه وخته ، چی ریا نه لاس په سر شوم
په کعبه کی جنت وینم ، بتخانه کی جنت وینم
ډنمارک ـ ۲۸ / ۳ / ۲۰۱۳