کابل – افغانستان
د ۱۳۹۷ م کال د کب ۲ مه
کال کنفرانس کې د ګوند د دارالانشأ ، ولایتې او بهرنیو ګوندي شوراګانو ځينو غړو او استازو اشتراک کړی ؤ .
ناسته ملګري محمد اسماعیل غرنې پرانستله او د مخته بیولو چارې یې ملګري محمد اقا کوچې ته وسپارلې . د ګوند ریس ملګري عبدالحې مالک وینا وکړه ، د ګوند د راجستر کېدو ، د ګوندي ژوند مهمو فعالیتونو په اړوند یې څرګندونې وکړي او له ملګرو یې وغوښتل په درې مسلو :
- په افغانستان کې د سولي د روان بهیر .
- د ولسمشرۍ ټاکنو له یوه ټاکنیز ټکټ څخه د ګوند ملاتړ .
- د ګوندي ژوندانه د لا بهبود په اړ .
خبري وکړي .
ملګرو هر یو محمدالله ساپې ، میرزمان وفادار ، معلم قیوم ، نوروهاب څپاند ، امیرمحمد ګران ، دستخط ، محمد اقا کوچې ، محمد جان ، محمد ولي او نورو خبري وکړي او دا ټکې یې برجسته کړل :
- د سولي مذاکراتو په جریان کې که په لیکنو او خبرو کې ملګري لږ نرمه ژبه او قلم وکاروي موږ به هغو ملګرو ته چې په محلاتو کې اوسي ډير تحفظ ورکړی وي .
- د افغانستان د سولي بهیر تر څنګ په سیمه کې د پښتون ژغورنې غورځنګ ته پاملرنه او د هغې ورځنۍ مطالعه په یوه اړتیا اوښتې .
- د خلکو د کور خونو فعالیت خو به د کوم بل تشکیلاتې جوړښت ابتدا نه وي ؟ که وي څه کول په کار دي ؟
- ګوند دې په وحدتونو او جبهو کې د اشتراک مسایل تل د کار په اجندا کې ولري ، خو تر ټولو مهم د ګوند راجستر کول او د ولسمشرۍ د ټاکنیز مناسب ټکټ څخه د اعلامیي په ترځ کې ملاتړ وکړي .
- ګوندي شوراګاني رغول ، ګوندي دفتر فعالول ، محلاتو ته د مشرتابه د غړو سفرونه کول ، د مرګز او محلاتو د شوراګانو سره د دارالانشا د غړو فعاله رابطه جوړول هر وخت تعقیب شي .
- د سولي بهیر په اړه دې د ګوند د دارالانشا د وړاندیزونو په لا تشریح کولو او په بهیر کې د د ګوند د وړاندیزونو د موادو محتوا ته د مرکچې پلاوي د پاملرنې را اړول اړین بریښې . څو خبري د افغانانو په اشتراک او مالکیت وڅرخیږي ، د هېواد د خلکو ریښتونې استازې د مرکچې پلاوي برخه وي .
- د سولي بهیر د خبرو په ترځ کې د هېواد او خلکو ملي ارزښتونه ، د بشر حقوق ، د ښځو حقوق ، د سیاسي مدني ټولنو ازادی او د تیري یوې نېمې لسیزي لاسته راوړنې په نظر کې نیول .
- او ځينې نور
په کال کنفرانس کې په ښه روحیه ملګرو په پورتنیو ټکو خبرې اترې وکړي ، په پاي کې ملګري مالک یو ځلې بیا ملګرو ته اطمینان ورکړو چې د ګوند د راجستر ، ولسمشرۍ ټاکنو کې د ګوند د ټاکنیز ټکټ د انتخاب ، د سولي په روانو خبرو کې د ګوند د سولي وړاندیزونو ته د مرکچیانو د پاملرنې راګرځولو او د ګوندي ژوند نورو مهمو مسألو ته دحل لاري لټولو په برخه کې عملي ګامونه اخلي .
ملګړي مالک له ملګرو او د شوراګانو له مسولینو غوښتنه وکړه چې د ګوندي حق العضویت او اعاني په راټولولو ، ګوندي جلسو دایرولو او د غیر فعالو ملګرو او شوراګانو په فعالولو کې دې مرسته وکړي . ملګري مالک زیاته کړه د خلکو کور خونو سره په اړیکه کې دی او تر اوسه ورسره کومه جوته ستونزه نه لري . د پښتون ژغورنې غورځنګ او د پښتونخوا له حالاتو د خبریدو او له هغوي څخه د ملاتړ موضوعات به تر کتنې لاندي وي . د ګوند په رسمې اسنادو او رسمې پالیسۍ کې به د نرمش او اعتدال ژبه کاریږي .
کال کنفرانس د فیصلو د تطبیق په هوډ پاي ته ورسید
په درناوي
محمد اقا کوچی شیرزاد