د هيواد د سياسی او ټولنيز غورځنګ په تاريخ کې د يوه بل اووښتون او بدلون پاڼه ثبت شوه .
د روان ۱۳۹۰ کال د ليندۍ د مياشتې په لسمه نيټه چې د ۲۰۱۱ کال د دسمبر د مياشتې د لومړی نيټې سره برابره ده ، د ګران هيواد په پلازمينه د کابل په تاريخی ښار کې د افغانستان ملی ګوند او د تفاهم په شورا کې د وحدت د پلويانو تر منځ د عام او تام سازمانی او سياسی وحدت له پاره واحده کنګره ، د کابل نندارې د ودانۍ په ښکلی تالار کې دايره شوه . د کنګرې تالار پر ګوندی شعارونو بر سېره د ګوند د وتلو غړو او د افغانستان د خلکو د اصيلو او زړورو بچيانو شهيد محمد هاشم وطنوال ، سعادتګل آهنګر ، شازار ليوال او الف محمد شرر په تصويرونو مزين شوی وو . د کنګرې په کار کې د ګډون له پاره د ( ۳۲۸ ) غوره شوو استازو بر سېره د ولسی جرګې ځينو غړو، د هيواد د مختلفو سياسی ګوندونو رابلل شوو هيأتونو، مستقلو سياسی او ټولنيزو شخصيتونو هم ګډون درلود .
Continue reading