:
په پاکستان کي به په لسو راتلونکو کلونو کي د عربو په سبک ( عربي سټايل ) جګړي پيل شي ، مايکل مورل Michael Morell چي په ۲۰۱۱ع کال کي د امريکا د جاسوسي سازمان CIA د رئيس مرستيال او د The Great War of Our Time : CIA’s Fight Against Terrorism د کتاب مؤلف هم دي ليکي چي په راتلونکو لسو کلونو کي به په پاکستان کي په ګليو او کوڅو کي عربي سټايل جګړي زور واخلي ، نوموړي زياتوي چي زيات شمير مذهبي توندلاري او تنګ نظره د پوځ په ليکو کي داخل شوي ، او د پاکستان په نظامي چارو کي د دوي موجوديت د پاکستان د اتومي وسلو حفاظت ته ستر خطر ده ، مايکل مورل ادامه ورکوي چي پاکستان د نړۍ يو له خطرناکو هيوادو څخه دي ، هلته زيات صلاحيت او قدرت د ملکي حکومتو په ځاي له عسکري او استخباراتي ادارو سره دي ، پوځي استبلشمنټ او څارګري اداري د هند په ضد د جهادي ډلو په تربيه کولو او ليږلو لګيا دي ، باالمقابل هند خپل فـــوکــس د پاکستان په ځاي دخپل هيواد پرمختګ او اقتصادي ودي ته اړولي ، همدارنګه پاکستان د افغانستان په چارو کي مداخلي کوي او هلته د خپلو اهدافو لپاره د اور لمبي بلي ساتي ، پاکستان خپله ډيره بودجه د تعليم په پرتله په دفاعي او د وسلو په کاروبار مصرفوي ،
مايکل مور زياتوي چي پاکستان په اوسنيو شرايطو کي له سخت نړيوال فشار سره مخامخ ده ، د دغه هيواد د جيش محمد د تروريستي ډلي مشر مسعود اظهر د ملګرو ملتو د امنيت شورا لخوا د ترهگرو په نړيوال تــورلست کي واچول شو ، د لشکرطيبه يا جماعت الدعوه مشر حافظ سعيد پخوا په تورلست کي اچول شوي وو ،
په اوس وخت کي د CIA د پخواني مرستيال مايکل لخوا داسي څرګندوني چي په راتلونکي کلونو کي به په پاکستان کي په جادو او سړکو کي عربي سټايل جګړي وي په حقيقت کي د پاکستان مقتدر حاکم اشرافيت ته يو اخطار ده چي د امريکاسره ئي ډبل ګيم ته ادامه ورکړي .امير محمد گران