افغانستان د ملي پرمختګ ګوند
د دارالانشا د ډاډګیرنې پيغام
کابل _ افغانستان
د چنګاښ۲۴ مه ۱۳۹۷ م کال
په ډيره خواشینۍ مو خبرتیا تر لاسه کړه چې د افغانستان د ملي پرمختګ ګوند د ریس مرستیال محترم جانان میرخیل ورور ، د افغانستان د اسلامي جمهوریت د ستري محکمي پخوانی کارکوونکی مل پاسوال ګلان میرخیل ، د هغې اوږدي ناروغۍ له امله چې ورپيښه وه نن وفات وکړ .
انا لله و انا الیه راجعون
مرحوم ګلان میرخیل د هېواد د قضائيه قوي یو مسلکي ، تکړه او لاسپاکۍ مامور وو . هغه خپل ټول ژوند د وطن او خلکو په خدمت کې تیر کړ او زیاتو خلکو ته یي عدالت رسولی .
د افغانستان د ملي پرمختګ ګوند دارالانشا د ارواښاد مړینه ستره ضایعه بولي ، محترم جانان میرخیل او د میرخیل غمزپلي کورنۍ ته د زړه صبر او عاجل تسلیت غواړي . لوي خداي ته د دوعا لاس پورته کوي چې مرحوم میرخیل ته مغفرت وکړي او د هغه فضیلتونه د ارواښاد د کورنۍ په غړو کیږدي .
امین
عبدالحی مالک د افغانستان د ملي پرمختګ ګوند ریس