بسم الله الرحمن الرحیم
کابل – افغانستان د سلواغې ۱۱ مه ۱۳۹۷ م کال د افغانستان د ملي ترقۍ ګوند دارالانشا په ډير تأسف اطلاع تر لاسه کړه چې د ګوند د مرکزي شورا غړی مرحوم شیرمحمد کریاب د ورپيښې ناروغۍ له امله وفات کړی . ارواښاد شیرمحمد کریاب ، فعال ګوندي کادر ، د لوړو زده کړو خاوند او د مسلکي دندو چارسمبالی ؤ . هغه د میتودیک ګوندي او مسلکي کار د وړاندي بیولو په زړه پوري تجربه لرله . لدي امله یې په نړیوالو موسسو لکه : اف ای او ، یو ان اچ سې ار ، د چاپيریال ساتنې په ملي اداره کې دندي سرته رسولي دي . مرحوم کریاب د دندو د اجرا په جریان کې د هېواد د زیاتو غریبو کورنیو سره مرستې کړي او د ستونزو په حل کې یې د هغو لاس نیوی کړی . مرحوم کریاب تګړه ګوندي ؤ ، د دموکراسۍ له پاره یې غښتلی کار کاوه ، ګوندي تشکیلاتې کارونو سرته رسولو کې یې غنې تجربه لرله . ځوان ؤ ، ارمانونه یې درلودل ، خو مرګې بې وخته هغه له موږ واخست . د ګوند دارالانشا د خداي بښلې کریاب مړینه د افغانستان خلکو او ګوند ته لویه ضایعه بولي ، خداي ته لاس لپه کوي چې هغه مرحوم وبښې . په داسې حال کې چې د مرحوم کریاب مړینې د دارالانشا او د ګوند غړي د غم په ټغر کینولي ، د مرحوم دردمنې او ویرجنې کورنۍ ته چې په لوي غم کې سختې شیبې تیروي ، عاجل تسلیت او د زړه صبر غواړي . انا لله و انا الیه راجعون د افغانستان د ملي ترقۍ ګوند ریس عبدالحی مالک