دافغانستان د ملي ترقۍ ګوند د دارالانشأ اعلامیه

کابل – افغانستان

د ۱۳۹۸ م کال د زمرې مه

د افغانستان د خپلواکۍ د بیرته تر لاسه کولو د ۱۰۰ مې کالیزې د لمانځلو په هکله :

د افغانستان د ملي ترقۍ ګوند دارالانشأ ، د هېواد د استقلال د بیرته تر لاسه کولو د پرتمین جشن په ویاړ ، د هېواد دننه اوبهر افغانانو ته تودې مبارکۍ وړاندي کوي . له خداي ج غواړي چې وطنوال په پوره میړانه تر لاسه شوي ازادي په سیاسي او اقتصادي او فرهنګي برخو کې نوره هم پياوړي کړي چې د نیابتې جګړو اوسنی کرغیړن بستر د افغانستان له پاکې خاوري د تل له پاره ټول شي .
افغانستان لمړنی اسیایې هېوادؤ چې د بریتانیا د استعمار جغ یې له اوږو وغورځاوه او په سیمه او نړۍ کې یې دخپلواکۍ غوښتونکې غورځنګ په پيل او پياوړتیا کې خپله تاریخ جوړونکې ونډه واخسته .
تاریخ پوهان وایې چې د افغانستان ازادې په لنډمهالې توګه کله د ګواښ سره مخامخ او کله هم عصب شوي ، خو د افغانانو خپلواکې هیڅ کله هم له منځه نه ده تللې !
پورتنې حقیقت ته په کتلو ، یونانې ، عرب ، مغل ، چنګیز ، انګریزي ، روسې او پاکستاني یرغلګرو د افغانانو په خاوره غاښ ماتوونکې ماتې خوړلي او شرمېدلې تللې دي .
د امریکا متحده ایالات او ناټو هم ، چې د ځينو تړونونو پر بنسټ افغانستان ته د کمک تر عنوان راغلې او یو لړ مرستې یې کړي ، خداي مه کړه که په افغانانو د خپلي خوښې واکمنۍ وتپې ، لیرې نه ده چې د ماتې خوړلو تیرې کوونکو فهرست ته به د خپل نوم په اضافه کولو ، ستره تیروتنه وکړي او د معاصرې دموکراسۍ په تندې به یو بل داغ پریږدې .
خپلواکې د افغانانو د فطرت او روح غوره برخه جوړوي ، چې له دې سپيڅلې جوهر څخه د یو شمیر دوښمنانو د سؤ استفادي په اثر ، ځينې ساده زړې هېوادوال د وطنپالونکو او دموکراتیکو غورځنګونو او واکمنیو په وړاندې جګړو او ښورښونو ته هڅول شوي چې بیلګه یې د امانې نهضت او غازې امان الله خان په وړاندي ، د انګریزانو او د هغوي د تالې څټو پيرانو اړو دوړ اچونې یادولی شو .
غازې امان الله خان چې یو ازادې خوښوونکی او ترقې غوښتونکی افغان واکمن ؤ ، غوښتل چې د افغانستان سیاسي خپلواکې د اقتصادي فرهنګي مهمو بدلونونو په راوستلو سره پياوړي کړي او هېواد د پردیو له تړلتیا داسې راوباسې چې په خپل ځان بسیا او د ریښتونې ازادۍ ، ملي واکمنۍ او ځمکنۍ بشپړتیا خاوند پاتې شي .
د امانې نهضت له ناکامۍ وروسته ، د افغانستان د دموکراسۍ لسیزې څخه د راوتلې سیاسي وطنپالونکې دموکراتیک غورځنګ او د هغې له اغیزې د رامنځته شوي واکمنیو د یو لړ تیروتنو او بهرنۍ مداخلې له امله یو وارې بیا روسانو ته په افغانستان باندي د یرغل کولو ، امریکا ، سیمه ایز او نړیوال متحدینو ته یې د افغانستان په وړاندي د جهادي ښورښونو د سازمانولو او په ټوله کې د نړیوالو دوه سیاسي سیستمونو ، سوسیالیزم او کاپيتالیزم تر منځ د پوځي سیالۍ کولو له پاره زموږ د هېواد په مځکه د سیالۍ ډګر د پرانستل کېدو ، بهانه په لاس ورغله .
د دغې ناوړه سیالۍ په ترځ کې د مجاهد ، طالب ، داعش ، القاعده او نورې استخباراتې پروژي د افغانستان قلمرو او شاوخوا سیمو کې ازمایښت ته وړاندي شوي چې افغانانو ته یې ستر مادي او معنوي نه جبران کېدونکې تاوانونه واړول .
اوس چې د سیپتامبر د ۱۱ مې خونړۍ پيښې وروسته ، افغان روڼ اندو او د هېواد وطنپالونکې قشر یو ځلې بیا تومنه اخستې ، دموکراتیک وطنپالونکې ګوندونه او مدنې ټولني د سیاسي مدني تشکل د پخوالې پر خوا درومې ، د دې امکان پيدا شوی چې بیا به د امانې نهضت او د دموکراسۍ لسیزې د غورځنګ ماتې نه تکراریږي او افغانستان به د دموکراسۍ په داسې لور درومې چیرې چې هلته د امانې نهضت د چپتر پاتې برخې بشپړیږي .
د افغانستان د ملي ګوند دارالانشأ د ازادۍ تیر سل کلونه له خوښيو او غمونو ډک بولې . یانې که پنځوس کاله افغانانو په سوله کې تیر کړي ، خو نیمه پيړۍ یې په تپل شوي نیابتې جګړو کې ضایع کړي ده . هېوادوالو هیڅکله هم جګړه نه ده غوښتې ، اما د پاکستان په څير ګاونډيانو او ځينو نړیوالو زبرځواکونو دخپلو موخو په خاطر د جګړي اور ته ټيله کړي دي . افغانان چې له یوې خوا د خپلواکۍ سلمه کلیزه لمانځې ، له بلې خوا حق لري له خیر خوا بشریت تپوس وکړي چې ولي په اوږدو جګړو کې پر له پسې دوي بوخت ساتل کیږي او پړه بیرته د هېوادوالو په وروسته پاتیوالې اچول کیږي ؟
د ګوند دارالانشأ د هېواد د ازادۍ سلمه کلیزه په دې هم مهمه بولې چې د یو شمیر نورو غوره پرمختګونو تر څنګ ، د کلیزې په درشل کې ، له روانې کرغیړنې جګړي څخه د خلکو د خلاصون په موخه وطن ته د سولي د راوستلو هلو ځلو زور اخستی . ځکه زموږ ګوند تل له هر هغه حرکت څخه ملاتړ کړی چې د سولي په راتګ کې له افغانانو سره مرسته وکړي ، په همدې موخه د سولي د وړاندیزونو یوه ټولګه د ګوند د دارالانشأ له خوا تصویب او رسنیو ته لیږل شوي او په کې څرګند شوي چې خلک د کوم ډول سولي غوښتونکې دي .
موږ چې د ازادۍ د سلمې کلیزې جشن لمانځو ، هېوادوالو ته د داسې سولي غوښتونکې یو چې وینه بهېدل بیخې بند ، سیاسي ، اقتصادي او فرهنګي ازادې ټينګه او د افغاني اسلامي ارزښتونو جوهر خوندي کړي او د متمدن ژوندانه ټول هغه نورمونه چې له افغاني اصیلو دودونو سره اړخ لګوي وساتې . هر ډول ترهګرۍ ، مافیایې فعالیتونو ، د زورواکانو او جنګسالارانو زور زیاتیو ، قومي مذهبي او ژبنیو توپيرونو ته د پاي ټکی کیږدي .
هغه سوله چې د څه د پاسه یوي نیمې لسیزي مادي او معنوي تر لاسه شوي ارزښتونه ، په تیره بیا د خلکو مدني او ښارونډي حقوق ، د وسله والو او امنیتي ځواکونو لا پياوړتیا چې د هېواد د ازادۍ ، ملي واکمنۍ او ځمکنۍ بشپړتیا ضامن دی ، خوندي کړي .
ګوند ، سولي ته د رسېدو په برخه کې د محمد اشرف غنې په مشرۍ د حکومت او همدارنګه ولسمشریزو ټاکنو ته د نوماند دولت ساز ټيم موقف تایدوي او دا یو وطنپالونکی موقف بولې . له دې کبله د افغانستان په مرکز او محلاتو کې د دولت ساز ټاکنیز ټيم په تبلیغاتې کمپاین او له هغې وروسته په ټاکنو کې د نوموړې ټيم په ګټه فعال ګډون کوي .
هېواد ، خلک ، ازادي او سوله یو له بل سره تړلي دي . ګوند هڅه کوي چې د تیرو سلو کلونو د سیاسي ازادې بښونکو مبارزو رسالت د هغې د بریاؤ او تیروتنو په برجسته کولو سره راتلونکې نسل ته په پوره امانت دارۍ ور انتقال کړي .
د ګوند دارالانشأ په داسې حال کې چې هېوادوالو ته د خپلواکۍ د بیرته تر لاسه کولو د جشن مبارکې وړاندي کوي ، په ټولو ګوندي شوراګانو او غړو غږ کوي چې د راز راز نوښتګره ګټورو فعالیتونو په پلانولو سره په مرکز او محلاتو کې د سلمي کلیزې د خوښيو په لا شانداره کولو کې برخه واخلې . همدارنګه د ګوندي غړو تر څنګ د هېواد د ټولو وطنپالونکو او دموکراتیکو سیاسي او مدني نهادونو څخه غوښتنه کوي چې د افغانستان د خپلواکۍ په اهمیت د پوهیدلې نسل د روزنې او لویونې په برخه کې وطنې دندې سرته ورسوي .

د هېواد د خپلواکۍ جشن ۱۰۰ مه کلیزه مبارک !

عبدالحی مالک د افغانستان د ملي ترقی ګوند ریس

د افغانستان د ملي ترقۍ ګوند دارالانشأ

د مبارکۍ پيغام

کابل – افغانستان

د زمرې ١٩مه ۱۳۹۸ م کال

د لوي اختر ( عید الاضحی ) د مبارکو ورځو د را رسېدو په مناسبت :

د افغانستان د ملي ترقۍ ګوند د لوی اختر د سپېڅلو  ورځو د را رسېدو په مناسبت ټولو هېوادوالو ، د افغانستان او نړۍ مسلمان امت ، له وطن څخه په دفاع کې د هېواد د قهرمانو وسله والو او امنیتي ځواکونو منسوبینو ته د زړه له کومې تودې مبارکۍ وړاندي کوي .

د ګوند دارالانشأ هیله څرګندوله، چې د لوی اختر په درشل کې به د سولې بهیر روانې هڅې رنګ راوړي او د بې دفاع افغانانو د وینو تویولو مخه به ونیول شي ، خو د وسله والو مخالفیتو بریدونو او په یوه مقدار کې له خلکو او وطن څخه د دفاع په کار کې د حکومت ځينو تیروتنو ، د افغانستان د خلکو د لوی اختر د خوشالیو ورځي په ماتم بدلې کړې …!                                                                     ډير ښه دینې عالمان ، وطندوست مشران ، د خلکو وتلي خادمان ، بې ګناه ښځې ، کوچنیان او بو‌‌‌‌‌‌ډاګان مو شهېدان شول . په دغو ړندو بریدونو کې د بیلابیلو مذاهبو پيروان ، د وروڼو قومونو استازي له منځه ولاړل او زیات مالي او ځاني تاوانونه وطنوالو ته واوښتل .

د دولت له خوا د سولې د وړاندیزونو په مقابل کې د وسله والو مخالفینو تګلارې ، په دولت کې د اپوزیسیون په نامه د یو شمیر سیاسي نهادونو او کړیو مشرانو ، انفرادي اشخاصو ، د سیمې او نړۍ ځينو هېوادونو د خپلو ګټو په پار د سولې بهیر د ستونزو سره مخ کړ، چې په دې کار د دولت په نامه د هغې د اپوزیسیون اعتبار  ته هم سخت زیان واړول شو .

وسله والو مخالفینو که څه هم خلکو ته زیاته مرګ ژوبله اړولې ، لیکن وطنوال تر دې دمه هم هیله ښکاره کوي چې ګواکې اوربند وشي او خلک به لږ تر لږه د خوښۍ یو څو ورځې ولري .

د افغانستان د ملي ترقۍ ګوند دارالانشأ د خپل ګوند د غړو د ژور احساس پر بنسټ تل له جګړې کرکه ښکاره کړې او د جګړې اړخونه یې سولې ته هڅولي، رابللې او په دې اړوند یې د همسایه،سيمې او نړۍ د یو شمیر هېوادونو او کړیو لاسوهنو ته چې د جګړې د اوږدیدو لامل شوي؛جوتې اشاري کړي او هغه یې غندلي هم دي .

د ګوند د دارالانشأ غړي په دې باور دي ، تر څو چې د دولت له وسله والو مخالفینو او یو شمیر استخباراتي پروژو څخه ملاتړ موجود وي ، همسایه او د نړۍ ځينې هېوادونه او کړۍ ورڅخه خپلې استفادې جاري و ساتې؛ افغانستان کې سوله نه راځې.

له دې کبله د ګوند دارالانشأ د نړۍ په هغه سوله خوښونکو نهادونو او شخصیتونو ، چې د جګړې څخه نفرت کوي ، د خلکو ازادیو ، مذهبې عقېدو او نورو منل شوي دودونو ته درناوی لري ، غږ کوي چې له ټولو امکاناتو د افغانستان د حکومت په وسله والو مخالفینو او د هغوئ په سیمه ایزو او نړیوالو ملاتړو زور واچوي چې د لوی اختر د رسېدو له پيل څخه جګړه بس کړي او د خپلو موخو د تحقق له پاره د مرګ ژوبلې اړولو پر ځای د خبرو – اترو لاره خپله کړي او په دې توګه د افغانانو د ناورین پای ته رسولو کې مرسته وکړي .

د افغانستان د ملي ترقۍ ګوند دارالانشأ د هېواد د وطنپالونکو دموکراتیکو سیاسي مدني نهادونو او شخصیتونو څخه هیله کوي چې د اختر د بزرګو شپو له پيل سره سم د یو شمیر کړیو له خوا د هغه هېوادنېو غیر ، هلو-  ځلو د افشا کولو په پار زورور کمپاین پيل کړي ، چې د سولي بهیر وېشي؛ د خلکو د ګټو پر ځای  د مافیایي کړیو ګټو ته وده ورکوي او په پایله کې د مغرضو همسایه ګانو او ځينو هېوادونو لاسوهنو ته زمینه برابروي .

د ګوند دارالانشأ ، په داسې حال کې چې د لوی اختر د را رسېدو په ویاړ خپلو خلکو ته تودې مبارکۍ او نیکې هیلي وړاندې کوي ، وطنوالو ته د نیکمرغه اختر په شپو ورځو کې بې دریغه خوشالۍ غواړي .

په درناوي

عبدالحی مالک

د افغانستان د ملي ترقۍ ګوند ریس

 

اعلامی

 

دارالانشا حزب ملی ترقی افغانستان

کابل  افغانستان 

۶ اسد ۱۳۹۸ خورشیدی

دارالانشا حزب  ملي ترقی افغانستان کاروزار انتخاباتی ریاست جمهوری افغانستان را که امروز آغاز شد، یک تلاش عملی در جهت تمرین و نهادینه شدن دموکراسی در کشور شمرده و از آن پشتیبانی می کند. انتخابات، به خصوص انتخابات ریاست جمهوری یکی از اصل های دموکراسی شمرده می شود که در آن احزاب، منجمله حزب ما، با اشتراک در آن زمینه ارایه برنامه و توضیح اهداف کوتاه مدت و درازمدت خودرا برای مردم و جهانیان به دست می آورند.

حزب در طی یک و نیم دهه گذشته در سه انتخابات ریاست جمهوری اشتراک ورزید و اینک آمادگی کامل دارد تا در کاروزار و انتخابات ریاست جمهوری برای بار چهارم نقش فعال ایفا نماید.

حزب ما، حزب ملی ترقی افغانستان هر بار به طور صادقانه با اشتراک در انتخابات، بدون انتظار هرگونه امتیاز، با توضیح برنامه تیم انتخاباتی، در جلب رای مردم وظایف مهمی را انجام داد.

در انتخابات دوره قبلی ریاست جمهوری حزب از تیم تحول و تداوم به رهبری محمد اشرف غنی پشتیبانی به عمل آورد. اما متاسفانه بعد از کسب پیروزی از حزب ترقی ملی و یا نماینده آن غرض اشتراک در مناسبتهای مهم، لویه جرگه و سایر نشست های مشورتی دعوت نگردید.

برعلاوه مشکلات موجود در بخش های نظامی، سیاسی و اقتصادی، به خاطر رسیدن به منافع علیای ملی، و با در نظرداشت دستاورد های رییس جمهور غنی در دوره گذشته ریاست جمهوری و بر مبنای مشوره اعضا و شورا های حزبی، دارالانشا فیصله نمود:

  • از میان تیم های انتخاباتی، تیم دولت ساز، به رهبری محمد اشرف غنی با داشتن برنامه سیاسی منظم، به خصوص با تنظیم تدابیر عملی در بخش صلح، انتخابات و جنگ، مورد حمایت قرار می گیرد.
  • به تمام شورا ها و اعضا حزب توصیه می کند تا غرض اشتراک در نشست های کاروزار انتخاباتی تیم دولت ساز آمادگی لازم داشته باشند.
  • به شعبه های تشکیلات و تبلیغ و فرهنگ وظیفه داده می شود تا غرض تامین هماهنگی در روند کاروزار انتخاباتی با مسوولان تیم دولت ساز ارتباط دایمی برقرار کند تا در صورت ضرورت تبادل نظر و مشورت های لازم انجام شود.
  • شعبه تشکیلات وظیفه دارد تا به هدف تامین رابطه محکم و دوامداربا تیم دولت ساز در دوران کار و زار انتخاباتی، پروسه انتخابات (رای دهی)، و در صورت برنده شدن، بعد از آن، بر مبنای طرزالعمل مشخص گام های عملی بردارد.
  • تمام روند انتخابات و کاروزار انتخاباتی تحت نظر دقیق دارالانشا حزب قرار خواهد داشت.

عبدالحی مالک رییس حزب  ملی  ترقی  افغانستان

د افغانستان د ملي ترقۍ ګوند د دارالانشأ اعلامیه

کابل -افغانستان

د ۱۳۹۸ م د زمری ۶ مه

د افغانستان د ملي ترقۍ ګوند دارالانشأ په هېواد کې د ولسمشریزو ټاکنو د کمپاین د پيل له امله چې نن وشو ، په وطن کې د دموکراسۍ د تمرین او د هغې د لا نهادینه کولو په موخه ، يوه عملي هڅه بولي او له هغې ملاتړ کوي . ټاکنې په تیره بیا د ولسمشرۍ انتخابات د دموکراسۍ له اساسي ستنو ځينې شمیرل کیږي چې ګوندونه ، په ځانګړي توګه زموږ ګوند په هغې کې د ګډون له امله ، خپله برنامه او نور لنډمهالې او اوږد مهالې پروګرامونه د افغانستان خلکو او نړیوالو ته ښه توضیح کولی شي .
ګوند په تیره څه د پاسه یوه نیمه لسزه کې په ۳ ولسمشریزو ټاکنو کې برخه اخستې او دا دی د څلورم ځل له پاره تیاري نیسې چې د ټاکنو په روان کمپاین او وروسته انتخاباتو کې فعاله برخه واخلې .
زموږ ګوند د افغانستان د ملي ترقۍ ګوند هر ځل په صادقانه ډول ټاکنو ته په اګاهانه توګه دانګلې او له هیڅ ډول امتیاز پرته یې په ټاکنو کې د خلکو د راجلبولو او د خپلې خوښې د ټاکنیز ټيم د برنامې د موادو په تبلیغولو کې مهمه ونډه اخستې ده .
په تیرو ولسمشریزو ټاکنو کې ګوند د تحول او تداوم ټيم په سر کې له محمد اشرف غنې ملاتړ وکړ ، خو په خواشینی چې د بریا د تر لاسه کېدو وروسته د ملي ترقۍ ګوند ته په مهمو مناسبتونو ، په لویو جرګو او ځينو نورو غونډو کې د هغې د استازو ګډون او نظر اوریدلو ته هیڅ پاملرنه ونه شوه .
د افغانستنان په سیاسي – پوځي – اقتصادي او نورو برخو کې د جدي ستونزو د شته والې برسیره ، د هېواد د ملي لوړو ګټو خوندې کولو ته په پام او د ولسمشر د تیرې کاري دوري د لاسته راوړنو او نوښتونو ته په کتو او د ګوندي شوراګانو د مسؤلینو او غړو د مشورو پر بنسټ ، دارالانشأ څرګنوي چې :
⁃ د ولسمشرۍ د ټاکنیزو ټيمونو له منځه د محمد اشرف غني په مشرۍ دولت ساز ټيم د یوي هر اړخیزې برنامې په درلودلو او په خاص ډول د سولي ، ټاکنو او تودي جګړي اړوند د تدبیرونو د نیولو په برخه کې د ملاتړ وړ دی .
⁃ د ګوند ټولو شوراګانو او د هغې غړو ته سپارښتنه کیږي چې د دولت ساز ټيم په کمپاینې غونډو او د ولسمشرۍ په ټاکنو کې ونډې اخستو ته تیاري ولري .
⁃ د ګوند د تشکیلاتو ، تبلیغ فرهنګ څانګو ته دنده سپارل کیږي چې د دولت ساز ټيم د مشرتابه او ورته څانګو سره د ولسمشرۍ د کمپاین او ټاکنو د چارو په همغږه کولو کې اړینې مشوري او کړنې جارې وساتې .
⁃ د ګوند د تشکیلاتو څانګه دنده لري چې د ځانګړو طرزالعملونو له مخې د کمپاین او ټاکنو په برخو او د بریا په صورت کې د دولت ساز ټيم سره د راتلونکو اړیکو د پياوړتیا او ساتلو د څرنګوالې په هکله اړینو ګامونو پورته کولو ته اقدام وکړي .
⁃ د ولسمشرۍ ټاکنو د کمپاین او انتخابې فعالیتونو بهیر دې د دارالانشأ د پر له پسې څيړونو او ارزونې په دایره کې قرار ولري .

عبدالحی مالک د افغانستان د ملي ترقۍ ګوند ریس

د افغانستان د ملي ترقۍ ګوند د دالانشأ اعلامیه

کابل – افغانستان

د ۱۳۹۸ م کال د زمري ۱ړۍ

د امریکا د متحده ایالاتو د ولسمشر دونالد ترمپ د ورستیو څرګندونو په هکله :

د ګوند دارالانشأ خبرتیا تر لاسه کړي چې د امریکا د متحده ایالاتو ولسمشر دونالد ترمپ د خپل پاکستاني سیال عمران خان سره د کتنې په وخت ، ویلي چې : که امریکا وغواړي چې د افغانستان جګړه وګټې ، په یوه اونۍ کې شونې ده ، خو زه نه غواړم چې لس میلیونه خلک ووژل شي ، زه د افغانستان له پاره پلانونه لرم ، که وغواړم دا جګړه وګټم افغانستان به د ځمکې له مخې پاک او محوه شي ، خو زه نه غواړم چې دا کار وکړم او په دې لاره لاړ شم .

د افغانستان د ملي ترقۍ ګوند د نړۍ د یوي سترې دموکراسۍ د مشر دا ډول څرګندونې له مسؤلیت پرته ځانګړی دریځ نیول بولې چې غواړي له هغو تعهداتو څخه چې امریکا زموږ د خلکو په وړاندي کړي او په هغې کې پاتې راغلې ، د نړیوالو پاملرنه بلې خوا ته وګرځوي . ولسمشر ترمپ باید په یاد ولري چې په افغانستان کې نښلول شوي جګړه د افغانانو غوښتنه نه وه . دوه نړیوالو سیاسي شیستمونو چې یو اړخ یې امریکا او د هغې غربې متحدین او سیمه ایز انډيوالان وه دا جګړه پيل کړه او د خپلو ګټو په پار یې هغې ته بیلا بیل ابعاد ورکړل او د مجاهد ، طالب ، داعش ، القاعدي او نورو مذهبې پروژو په را وړاندي کولو سره یې دا بې نومه جګړه تر دې دمه غزولي ده . د افغانانو پر مټ امریکا او د هغې غربې انډيوالانو او پاکستان له ډيرو ځواکمنو سیاسي نړیوال او سیمه ایز سیالانو څخه ځانونه خلاص کړل . له دې کبله امریکا او د هغې متحدین او انډيوالان د افغانانو پوروړي پاتې شوي دي . د بدمرغۍ ځاي دادی ، د دې پر ځاي چې د افغانانو د توي شوي او بهېدونکې وینې په بدل کې افغانانو ته سوله ارزانې شي ، د افغانستان په وړاندي د نا اعلان شوي جګړي عمال په سزا ورسول شي ، د بل د ډارولو په موخه د ځمکې له مخ د افغانستان د ورک کولو سپيره خبره د ترمپ له خولې اوریدل کیږي . اوس هغه شک چې ولي د دومره امکاناتو برسیره جګړه نه ودریږي ، ولي افغانستان ته ریښتونې سوله نه راستنول کیږي او د سولي په روان بهیر کې د حکومت په شمول هغه خلک ولي څنډي ته کیږي چې په روانه کرغیړنه جګړه کې یې خورا ډير زیانونه لېدلي دي ، په یقین بدلیږي .

له یوه ناڅرګند ادرس د طالبانو را ایستل ، د مسکو او قطر په څير غونډو کې هغوي ته کاذب شخصیت ورکول ، د هغوي په وجود کې د پاکستان ، روسیې او ایران ګټو خوندي کولو ته زمینه برابرول ، په یوه بهانه د پاکستاني پلاوي د خوشالولو له پاره د افغانانو غمجن مخ ته څپيړه ورکول هغه موارد دي چې زموږ خلک په تیره بیا روڼ اندی قشر یې نه شي هیرولی .

د افغانستان د ملي ترقۍ ګوند دارالانشأ د سولي د روان بهیر څخه چې زموږ ګوند ورڅخه ملاتړ اعلان کړی او د رسنیو له لارې یې د ریښتونې سولي د حصول په موخه د سولي د پيشنهادونو یوه ټولګه وړاندي کړي ، اندیښنه څرګندوي چې : د سولي بهیر د پيل کېدو سره جوخت – د تړلو دروازو تر شا خبري چې د ډموکراتیکو وطنپالونکو نهادونو استازې په کې حضور نه لري – د هېواد د سولي له بهیر څخه د نړۍ او سیمې د ځينو هېوادونو د ګټې پورته کوونې ناوړه سیالې پيلېدل – د حکومت د اپوزیشن هغو ډلو او ځانګړو اشخاصو ته د سولي په روانو منډو ترړو کې له استحقاق زیات رول ورکول کوم چې د جګړي په غزولو کې یو ډول لاس لري – د سولي په بهیر کې حکومت او د جګړي اصلي قربانیان او زیانمن کنج ته ټيله کول – په پاي کې د ترمپ هغه خبري چې افغانستان په یوه اونۍ کې محوه کولی او په زرهاؤ افغانان مړه کولی شي – او نور هغه موارد دي چې وخت نا وخت د رسنیو له لاري بحث ته وړاندي کیږي او زموږ د هېوادوالو د لا سربدالۍ او اندیښنې لامل جوړیږي .

د ګوند دارالانشأ د امریکا له متحده ایالاتو او د هغې له غربې او سیمه ایزي ټلوالي ، له نړیوالي ټولني ، ملګرو ملتونو او خیر خواه بشریت څخه غوښتنه کوي چې د افغانستان د روان ناورین پاي ته رسولو کې له افغانانو سره مرسته وکړي او د هغو څرګندونو څخه ډډه وشي چې زموږ  د لرغونې هېواد له تاریخ او واقعیتونو سره اړخ نه لګوي . د هېواد له ټولو ترقې غوښتونکو ، دموکراتیکو او وطنپالونکو نهادونو ، ډلو او ځانګړو اشخاصو څخه په درناوي غوښتل کیږي چې لمړی په خپلو کې یو ځاي شي او دهغې سره جوخت د ټولو هېوادوالو په یو موټې کولو کې عملا ګام واخلې او د نورو د احسان اچوونکو مرستو پر ځاي په خپلو امکاناتو تکیه زیاته کړي . د هېواد له نامه ، تاریخ او ملي مفاخرو کلکه دفاع وکړي . خپله سیاسي اقتصادي خپلواکې پياوړي کاندي او د خاوري بشپړتیا او ملي واکمنې وساتې .

د تل پاتې افغانستان په لور

عبدالحی مالک

 د افغانستان د ملي ترقۍ ګوند ریس