بسم الله الرحمنالرحيم
ما چی دده ۶ جلده کتابونه چی نومونه يې دادي (شړېدلې لمن او مريان ،دخدمتگارزببرگۍ،سره کوڅه، دزندان ناره،احوال ،دخدمتگار يون »ولوستل او پردی مې د گران صميم اورنگ د ننگرهار د اطلاعاتو کلتور مخکنی ريس چی خپله ډېر لوی ليکوال شاعردی او همدارنگه د گران محمدانور سلطاني چی د پوهنتون مخکنې استاد وو ليکنې ولوستلی دده ژوند ليک، کار نامو، مبارزو ،سپيڅلتېا وو ته اشاری شوی وی ما خپله ځانته دا حق ور نکړ چی دشعر اودده د ژوند په هکله نور څه ور زيات کړم دده شعرونه او ليکل شوي کتابونه د هيواد موجوده ستونزی، دهيوادنې مينه، يوالی، د پرديو لاس وهنې زور زياتي د شعر په ژبه خپلو خورو ورو ولسونو ته ډالۍ کړي زه دده د يوه همفکره ملگري دوست په حيث غواړم دده د کار نامو، د هيواد سره مينه عشق او علاقی دده د ليکل شوو کتابونو په هکله خپلو دوستانو ته د يوه وتلي اتل سپيڅلي ليکوال تاريخ پوه، شاعر سياستوال مرحوم محمد يوسف خدمتگار مزدور ځوی په اړوند خپل نظر وليکم. دده دشعر يوه نمونه
که د اغيـــــــــــــار په اذانه وي نو سبادې نه شي
که امامت د بيګــــــــــــــانه وي نو ادا دې نه شي
مونږه د هرې شپې ګهيـــــــــځ ته په اغزيو ورځو
که دې د سپين مخ رڼا نه وي نو رڼا دې نه شي
دا شعر د مرحوم خدمتگار صاحب دی که دقيق ورته وکتل شي له ورايه جوته يږي چی خدمتگار د پردي پالل د بل غلامي د بل جاسوي کول په کلکه ردوي نو له همد امله زما يار ملگری خدمتگار ددی هېواد سره تر بل هر چا ډېره مينه درلوده.
درنو دوستانو زه د خدای بخښلي خدمت گار مزدور ځوی په اړه چی دکنړ ملگرو ماته مخکې له دی چی زه اودی سره په مخامخ او فزيکي توگه ووينو داسی کېسې کولی ويل به یې موږ په کنړ ولايت کې يو کوچنی يوسف لرو چی د عمر په لحا ظ کمکی دی خو تر زياتو لويانو زيات د درسونو او سياست سره هېوادنۍ مېنه لري. سره له دی چی دی کمکې وو چی دده پلار له دی پاني نړې وفات شوی وو خو دغه ځلمي په خپل مټ او بازو وکولای شول هم درسونه تر ټولو ښه ووايي او هم په گران هېواد کې د مثبت بدلون په لور دسياست ملا وتړله.
کمکې يوسف خدمتگار داخلاقو نمونه وه د ځوانانو مينځ کې بېلگه نه پيدا کيدله دوی کيسه کوي چی مرحوم د پوليسو د مسلک سره پوره مينه درلوده ده وکولای شول چی د په دی رشته کې د پوليسو اکادمي ولوستله د هيواد په يو شمېر ولاياتو کې دندی په پوره رښتين ولی سرته رسولی وی.زه چی کله په ۱۳۵۸ل کال د مرغومي په ۱۲ نېټه دافغانستان دخلک دموکراتيک گوند د حاکميت په دوران کې د يوی خاص گروپ له خوا زنداني وم او پاسنۍ نېټه له زندان څخه ازاد شوم دی د خپلی پوهی لياقت له مخې د ننگرهار ولايت د پوليسو د قومندانی سياسي امر وو زه څه مده وروسته دننگرهار هميشه بهار د هېواد دختيځ زون دروازه، دعلم فرهنگ اوسولی ټاټوبي کې د گوندي ولايتی دفتر کې پر دنده وگمارل شوم، کله چی ددی ولايت درهبری دمشرانو په ليکه کې وم لومړی مې د محمديوسف خدمتگار سره پېژندگلوي وشوه،ناستی ،ليدنې کتنې گډ کار موسر وکړ زه پوره مطمن شوم چی خدمتگار د ننگرهار ټولو شريفو خلکو او په کل کې د ختيځ زون ټولو ولسونو سربازانو، افسرانو، سياستگرانو اود قوم مخورو دده پر سپېڅل تېا وطن دوستی ،هېوادنی مينې ټينگ باور درلوده ما هم دده سره د يوه همفکره ملگري ، دوست حتی د يو وتلي سياستپوه په صفت دوستي کوله .
ارمــان
څـوک چې ســـبا تــه انــتـظار اوبــاسي
اړ دي چـې نـن لـه کلـي یــــاراوبـاسـي
چې پـه تـورتـم کې د تګ لارې ګـوري
لکــه اوبــه غــرونــو کـې لار اوبـاسي
رقــیـب پـــه ښـارکې لــیـونـي لــټـــوي
یـویـو لــه کــور کلي هـوښــیار اوباسي
د مــلالۍ پــړونـی ورورڅـــیري کــړو
نتکۍ يي وړې اوس تـرې هــاراوباسي
مـرئـیان دې بـل سـپرتاکـوس پـیداکـړي
څـوک چې غاښـونــه د ښامــار اوباسي
کارګربزګردې زیاراستونکي ټول کړي
کـه پـانـــګــوال ظالـــم بــــادار اوباسي
یو لارښوونکی یو سازمان په کار دی
بــیا بــه ارمــان د خـدمـتــګار اوباسي
مرحوم خدمتگار پرنسيف دا وو چی سهار ۶ بجی دفترته تلو د ننگرهار ولايت کې د خپل پرسونل څخه رپوټ اخستل د يوشمېر محلونو څخه ليدنه ، د نيمگړتېاوو مخنيوی د مسولينو سره د گډ کار، همکاري کول دستونزو په حل کې اجل اجارت کول وو، د مجللوشيانو، تشريفاتي برخورد سره جوړ نه وو د فساد، چاپلوسی، واسطو کول، په دنده کې د غفلتگرو،جاسوسانو، سرسخت مخالف وو.
سهار ۶ بجی نه تر يوی بجی دشپی په خپل دفتر کې دنده سرته رسوله بی ځايه مصروفيت، دوخت ضايع بلله، همدا لامل وو چی مرحوم خدمتگار د خپل سياسي کار پاېله داوه چی فرارنه وه، د افسرانو سربازانو مورال خورا قوي وو تقريبا د ټول ولايت پراته سرکونه پرانستي وود ننگرهار ۲۲ اداري واحدونه اود جلال اباد شهر پوره امنيت کې وو،ښونځې، پوهتونونه، کارخانی او نور فعال وو.
زه وايم مرحوم خدای بخښلی محمديوسف خدمتگار مزدور ځوی دگران افغانستان د د امونه تر اباسيند، دهرات نه تر ششمشاد او خيبره اود اود ټول هيواد له پاره او په ټوله کې ددی باتور ځلمي کارنامی شعر ليکنو پاکدلی وطن دوستی سرحدونه ونړول او په نړېواله بڼه وځليدو کله چی په گران هېواد افغانستان کې د ترورسټانو داعش، طالب تر نامه لاندی د گاونډيانو داستخباراتو گوډاگيان د واکمنې پر گدی واکمن شول د کابل په گډون زيات ښارونه په کنډوالو بدل شوه يوازی کابل کې تر اويازرو زيات بی دفاع کابل ميشتي شهيدان شول او هر څه دولتي او شخصي مالونه چور شوی د محمد يوسف په شان سياست پوهو شخصيتو ژوند تريخ او په لکونو خلک اواره کډوالی ته اړ شول له دی جملی څخه يو خدمتگار هم وو مرحوم خدمتگار د کډوالی په دوران کې ارام نه وو د هيواد خلکو دردونه ورسره مل وو نو د خپلو ماعزو او قلم په ژبه يې د ولسونو دردونه په شعري ژبه د مقالو او کتابونو پر ليکلو ټولنی ته وړاندی کول ده به تل د هيواد ملي يوالی ، سياست کوونکو د يوالی ځولی اچولی خو په پوره افسوس چی ژوند ملگرتېا ونه کړه اود ناروي په شاهي هيواد کې د ورپښې ناروغې له امله د 2019زکال د می پر لسمه له دی فاني نړې خدای پامني واخستله کورنۍ ، ملگري ولسونه او دوستانی پرېښودل زه په زغرده وايم چی دده تشه څوک نشي پوره کولای خودموره وايم چی ده ته جنت فردوس غواړم درنۍ کورنۍ ته صبر جميل.
محمد اقا شيرزاد دده همفکره خواخوږی
2019 ز کال دنويمبر ۱۱سمه مالمو سويډن