خبرونه

  سیاسي تګلاره د هیواد  سیاسی  حالاتو  ته  لنډه کتنه

که د سولې د خبرو بهیر وڅارو، نو څرګندیږي چه دوه سوالونه د مذاکرو اساسي مضمون  جوړوي: ‎۱- په سیمه کې د امریکې او ناټو سیاسي ـ نظامي حضور. ۲- په سوله کې د ګاونډیو او د سیمې زبرځواکونو ځان ځاني ګټې. امریکا: څرګنده ده ، چه په ۲۰۰۱ کال کې امريکا او ناټو ...

Read More

د افغانستان د ملی پرمختګ ګوند د دارالانشاء اعلاميه

د ۲۰۱۹کال د فبروری ۴ نيته کابل – افغانستان د پاکستان اوياکلن مليتاريستی استبداد د خپلو بې شمېره جنايتونو په لړ کې پرون د آزادۍ او انسانی حقوقود لارې يو بل اتل مبارز د پښتون ژغورنې د غورځنګ نامداره او وتلی غړی ابراهیم آرمان لوڼي د خپلو نا ځوانمردانه بريدونو بلهاري کړ ...

Read More

Afghanistan's National Progress Party Proposals Regarding Restoration of Peace in Afghanistan

Kabul-Afghanistan 02-12-2018 Fellow citizens , party leadership & members are aware of cross-sectional form and short times peace and democracy , because of the impose wars on Afghanistan , In the course of history , the cause of postponement of the reconstruction and restoration of democracy in our society related to engagement of ...

Read More

د افغانستان د ملي پرمختګ ګوند د دارالانشا اعلامیه

کابل- د ۱۳۹۷ م د زمري ۲۴ مه د افغانستان د پرمختګ ملي ګوند دارالانشا په غزنې ولایت او د هغې مرکز باندي چې یو وخت د هېواد ویاړلي پلازمینه او د اسلامي تمدن یو سمسور مرکز وو او په دې وروستیو کې د طالبانو تر پردي لاندي ، د پنجابیانو ، چچنیانو ، عربانو ...

Read More

مرامنامۀ حزب ملی ترقی افغانستان

مقدمه: قریب چندین دهه است که بحران ناشی از رقابت های دوران جنگ سرد، سیاست های نفوذی برخی کشورهای همسایه و منطقه، اشتباهات، خطا ها و کجروی گروههای سیاسی شامل بحران در تبانی با کشورهای همجواروتصامیم یکجانبه وناقص بن برسرنوشت تشکیل دولت افغانستان از مردم ما قربانی میگیرد. این بحران باوجود ...

Read More

د افغانستان د ملي ترقۍ ګوند د دارالانشأ پيغام

کابل – افغانستان

د ۱۳۹۸ م د کب ۱۸ مه

د مارچ ۸ مه د ښځو د نړیوال پيوستون جشن !

د افغانستان د ملي ترقۍ ګوند دارالانشأ د مارچ د ۸ مې د ښځو د نړیوال پيوستون جشن له امله د افغانستان او ټولي نړۍ ښځو ته تودې مبارکۍ وړاندي کوي .

د ښځو نړیواله ورځ د ۱۸۵۷ کال د مارچ د ۸ مې له هغې پيښې وروسته رواج شوه ، چې د امریکا د متحده ایالاتو د نیویارک په ښار د نساجۍ په فابریکه کې د اجوري د زیاتوالې ، د کار د ساعتونو د لږوالې او د هغې د شرایطو د ښه والې ، په موخه ښځينه کارګرو په ستر اعتصاب لاس پورې کړ .

ښځې د نړۍ او افغانستان د نفوسو د نیمايي زیاته برخه جوړوي . ښځې د انسان زیږونکې ، لویونکې او روزونکې دي . ښځه د انسانانو د تسلسل او ادامې هغه سرچینه ده چې خداي ج په خپل حکمت لایزاله ، حوصله لرونکې او پياوړي پيدا کړي ده .

د افغانستان ښځې د نړۍ د نورو ښځو په څير د اولادونو د روزلو په څنک کې تل د افغاني ټولني د اقتصادي ، سیاسي ، تولنیزو او ان پوځي برخو کارګري ، فعالاني او ان مشراني پاتې شوي دي .

له بده مرغه ځينو ناوړه فرهنګي دودونو د افغانستان د ښځو په هغه وړتیا سیوری کړی دی چې په خواشینۍ یي له ځانه نه شي ښودلی . که د افغانستان د ښځو تاریخ ته وکتل شي د افغان ښځو له مینځه د ساینسې او ټولنیزو علومو پوهاني ، د ژوند په بیلابیلو برخو کې کارپوهاني ، پياوړې دیپلوماتانې ، د پارلمان او کابینې غړي ، دیني عالمانې او د وسله والو ځواکونو افسرانې او د سپورت او بدنې روزنې قهرمانانې ، راوتلې دي .

د لسیزو جنګ جګړو د افغانستان د اوسیدونکو له پاره ستر مصیبتونه وزیږول ، خو د دغو مصیبتونو دروند پيټی د ښځو په برخه شو . که یې اولادونه او د کور غړي له لاسه ورکړل ، زیاته مرګ ژوبله یي ولېدله د زیاتو ظلمونو او تیریو سره مخ شوي .

اوس هم زموږ د هېواد ښځې زوریږي . د ټولني د زیاتو نورو نادودو تر څنګ مذهبې افراطيت د افغانستان ښځو ته داسې لومې ایښي چې پښه اړول ورڅخه په زیات زیان تمامیږي .

نن سبا چې د سولي کومې هلې ځلې تودي شوي ، په تیرو نږدې دوه لسیزو کې د هېواد د ښځو د تر لاسه شوي بریالیتوبونو د خوندي ساتلو پخه ژمنه په کې نه تر سترګو کیږي .

د افغانستان د ملي ترقۍ ګوند دارالانشأ د هېواد ښځو ته د هغوي د پيوستون د جشن په ویاړ د مبارکۍ تر څنګ په افتخار سره ویلی شي چې زموږ ګوند په اوسنې او پخوانیو نومونو تل د وطن د ښځو د حقوقو د لاسته راوړلو او خوندي کولو له پاره کلکې هڅې او عملي کارونه کړي . همدا اوس چې د سولي بهیر پيل شوی ، ګوند د هېواد ښځو له پاره د تیرو دوه لسیزو د اخیستل شوي ازادیو تر څنګ د لا زیاتو حقوقو د تر لاسه کولو او خوندي کولو اواز اوچت کړی دی .

د ګوند دارالانشأ د افغانستان ښځو ته ډاډ او باور ورکوي چې زموږ مرکزي ، سیمه ایزي ، لمړنۍ شوراګاني او د ګوند ټول غړې به له پخوا زیات د ښځو د ژوندانه د شرایطو د ښه کېدو ، ښووني او روزني او کار ته د هغوئ د لاسرسې ، د ورپيښو معضلو په حل کې ورسره د انصاف کېدو او  داسې نورو برخو کې داړینو اسانتیاؤ د تر لاسه په هکله د لارو چارو د برابرولو مبارزه جارې ساتې .

د مارچ ۸ مه د ښځو د نړیوال پيوستون جشن مو نیکمرغه شه .

عبدالحی مالک   د افغانستان د ملي ترقۍ ګوند ریس

دګوندی غونډی راپور!

 په دنمارک کی دافغانستان د ترقی دملي ګوند حزبی سازمان دروان کال د مارچ د مياشتې په پنځمه نيټه دارهوس په ښار کې غونډه وکړه. دغونډې په کار کې ملګرو جان محمد دوړ ، عبدالله سلیمانخیل ، جنرال عبداستار غفوري، انجنیر محمد نعيم قیومی ، شیرآقا ترین او عبدالغفار نظری برخه درلوده.
داجندا سره سم په ډنمارک کې د ګوندی سازمان د فعالیتونو په اړوند غونډی ته راپور وړاندې سو. دحق العضویتونو دراغونډولو په هکله عملی کړنی وسوی او همداډول دګوندی سازمان دکارونو دلاښه تنظیم په اړوند پريکړه وسوه چه په نژدې راتلونکي کې یوه عمومي غونډه راوبلل سی.
دغونډې په جریان کی دقدرمن محمد آقا شېرزاد سره تیلفوني اړيکه تنظیم اوهغوی دملګرو يو لړ پوښتنو او انديښنو ته دقناعت وړ توضیحات ورکړل .
همدارنګه دغونډې په جریان کې دوستانو دمرحوم پير محمد ناصري دمړيني له کبله یوه دقیقه سکوت اختیار او د مرحومی روح ته یی دعاوکړه . دغونډې کار دګوند په دننه کي داعتماد او باور دفضا دلا پیاوړتیا په هیله پای ته ورسېده.
په درنښت
په دنمارک کی دافغانستان د ترقی دملي ګوند د رهبري شورا مرستیال
شیر آقا ترين.

په افغانستان کي د ســولي بهير ته کتنه ،

د ژنــيـو له موافـقـتـــنامي تر دوحـــه پوري
ليکنه : اميرګران
لومړي د ژنـــــيو توافـقــنامه :
د ملګرو ملتو له سازمان څخه د افغانستان د جګړي ځپلو خلکو هيله دا وه چي د تلپاتي سولي په راوستلو او د بحران د پاي ته رسولو په پروسه کي له افغانانو سره مرسته وکړي ، له دي امله د ژنــيو غيرمستقيم مذاکرات په ۱۶ جون ۱۹۸۲ پيل او په ۱۴ د اپريل ۱۹۸۸ پاي ته ورسيدل ، د ژنيو د موافقاتو پروتوکول لاندي څلور مطلبه احتوا کوي :
۱ـ په يوه زماني چوکاټ کي له افغانستان څخه د شوروي قواوو وتل .
۲ـ د افغانستان او پاکستان لخوا يو د بل په چارو کي د عدم مداخلي تعهد او ژمنه .
۳ـ د عدم مداخلي په اړوند نړيوال معتبر تضمينونه .
۴ـ د مهاجرينو دعواطلبانه عودت .
د ژنيو د موافقتنامي سند په انګريزي ژبه ليکل شوي او د پاکستان په غوښتنه د سند يوه ژبه پښتو وټاکل شوه ،
د پاکستان پوځي ديکتاتور ضياء الحق د ژنيو د توافقاتو د اسنادو لاسليک کول په ځان اجباري باله خو امريکا ډاډ ورکاوه چي يو ځل دا سند امضاء شي بيا ئي د عملي کولو څوک پروا نه کوي ، لکه چي همداسي وشول ، هيچا د موافقتنامي سند ته اعتبار نه ورکاوه او کله چي د شوروي سور پوځ له افغانستانه ووت ، پاکستان په څرګنده په افغانستان د يرغل زميني برابري کړي ، د ژنيو مذاکرات لومړي د ملګرو ملتو د سرمنشي مرستيال پيريز ديکويلار په منځګړيتوب په ۱۹۸۲ ، کي پيل او بيا چي نوموړي د م.م د سازمان عمومي سرمنشي سو بيا ئي خپل مرستيال ديګو کوردويز دغه ماموريت ته مؤظف کړ ، ديګو کوردويز او سليګ هاريسون په خپل ګډ کتاب :
Out of Afghanistan: the inside story of the Soviet withdrawal
کي ليکي چي د ژنيو د توافقاتو سند په نړيوالو ميثاقونو کي له ډيري سختي او ستونزمني پروسي څخه تير شوي او د تطبيق په ډګر کي ډير بي اعتباره سند دي ، د ژنيو په موافقتنامه کي پاکستان د تنظيمي ډلو په استازيتوب خبري کولي او تصميم ئي نيو او هم د ژنيو اسناد د پاکستان د دولت وزير په خارجه چارو کي زين نوراني امضاء کړ ، د ژنيو په مذاکراتو کي چي ۷ کاله ئي دوام وکړ په پاکستان کي د جهادي ارتجاع ۷ ګونو او په ايران کي ۸ ګونو تنظيمي ټوپک مارو ته د ګډون اجازه نه وه ، د ژنيو د موافقتنامي اسناد د افغانستان ، پاکستان د خارجه چارو د وزيرانو لخوا امضاء او هم د امريکا خارجه وزير جورج شولتز او د شوروي اتحاد خارجه وزير ادوارد شيورد نادزي د
ګرنتورانو يا تضمين کوونکو په حيث امضاء کړل ، سمدستي وروسته له توافقاتو د اسنادو ۲يمه او ۳يمه ماده نقض شوه ، شوروي ځواکونه په ۹ مياشتو کي له افغانستان څخه ووتل ولي امريکا او پاکستان په خپلو ژمنو چي د افغانستان په داخلي چارو کي عدم مداخلت وو ژمن او متعهد پاتي نه شول او د موافقتنامي هغه جوړجاړي چي ذيدخله اړخونو ته به د وسلي او مهماتو تناسب او بيلانس مراعات کيږي ” منفي تناظر ” چي انګريزي اصطلاح ئي Negative Symmetry افاده شوي په “مثبت تناظر ، Positive Symmetry ” بدل شو ، او د ژنيو د موافقتنامي وروسته د افغانستان د جلال اباد په ښار پراخه حمله وشوه ، په حمله کي د پاکستان پوځي قطعات ، مليشي ، سي ، آي ، اي ، آي اس آي ، جهادي او القاعده ډلو د يوه پراخ او ځواکمن پوتانسيل په لرلو ګډون درلود ولي د افغانستان د قهرمان وسله وال پوځ ، ګوندي سرتيرو او د جلال اباد ښاريانو د دښمن حمله په ميړانه په شاوتمبوله او د جهادي تنظيمي ډلو د مؤقت حکومت کانسيفټ ئي د راولپنډۍ حاجي کيمپ او GHQ ته له ډيرو تلفاتو سره په ځغاستــه کړ ، د ژنيو د موافقتنامي خلاف د امريکا او متحدينو لخوا تنظيمي جګړه مارو ته وسلي ،مهمات او راکټونه ورکړل شول کوم وخت چي د بلوپايپ او اورليکون راکټونو نتيجه ورنکړه ، بيا د جګړي د ګټلو لپاره ، چارلي ويلسن د سي ، آي ، اي رئيس ويليم کيسي ته قناعت ورکړ چي جهادي ډلو ته ، هوائي ضد وسله چي هغه د سټينګر ميزايل وو ورکړي ، دا ميزايل د ام . آي ـ۲۴ روسي هليکوفترونو په ضد مؤثره وسله وه ، ويليم کيسي هم د ويلسن مشوره ومنله او عملي ئي کړه ، زما د ديپلوماتيک ماموريت د معلوماتو له مخي تنظيمي ډلو د سټينګر پرمختللي وسله د پاکستان پوځ او يو شمير ئي په ايران خرڅ کړل ، ديګو کوردويز او سليګ هاريسون په خپل پورتني کتاب کي ليکلي : ( ضياء الحق په يوه مصاحبه کي ويلي ” يواځي يوه سړي په جګړي کي مهم رول ادا کړي چي هغه محترم چارلي ويلسن ده او په کار ده چي نوم ئي په طلائي کرښو وليکل شي ” )
بايد زياته شي چي وروسته د ژنيو له موافقتنامي او د هغي د عملي کولو او ستونزو په موخه به زما په ګډون د سفارت دوو ديپلوماتانو له ديګو کوردويز او بيا وروسته له بينن سيوان سره د پاکستان د خارجه وزارت او پوځ له استازو سره تبادل نظر کيده چي هيڅ مثبته پايله ئي نه درلوده .
دويم د قطر موافـقـتـنامه :
نوموړي موافقتنامه د امريکا او د طالبانو په منځ کي په ۲۹ ، فبروري ۲۰۲۰ م کال دوحه ـ قطر کي وشوه ، وروسته له ۲۰۰۱ م کال د امريکا او طالبانو اړيکي د لومړي ځل لپاره په ۲۰۰۹ م او بيا په ۲۰۱۴ م کال او وروستني مذاکرات په ۲۰۱۸ م کال پيل شول او وروسته له ۱۱ دوره خبرو اترو او لوړو ژورو په ۲۹ د فبروري ۲۰۲۰ م کال د امريکا او طالبانو ترمنخ هوکړه ليک ( Agreement ) امضاء شو ، د موافقتنامي مهمي مادي په ۱۴ مياشتو کي د امريکائي پوځونو اخراج ، د طالبانو لخوا به په امريکا د نه حملي تعهد ، بين الافغاني مذاکرات او د بندياينو تبادله ، هوکړه ليک چي دري نيمي صفحي ده ولي محرمي او سکريت ضميمي ئي له هوکړه ليک درني دي ، امريکا او طالب داضميمي نه افشا کوي ، پاکستان او طالبان هوکړه ليک ” فتح مبين ” بولي ، شيرمحمد عباس ستانکزي وروسته له توافقاتو په لوړ اواز وويل ، اذا جاء نصراُ من الله و فتحاُ قريب ، پاکستاني استبلشمنټ ئي د خپل پوځي دوکتورين او کاميابه خارجه پاليسۍ د بريا په موخه جشن نيسي ، ټرمپ د خپل انتخاباتي کمپاين لپاره د قطر هوکړه ليک په جنوبي اسيا کي د ايکانوميک او جيوپوليټيکو اهدافو او ګټو لپاره دځان او سپيني ماڼۍ لپاره يو کريډيت بولي ، زما په نظر د ټرمپ تيليفوني خبري له عبدالغني يا ملا برادر سره او ۱۷ واره د ” اسلامي امارت ” نوم په هوکړه ليک کي ليکل طالبانو ته اعتبار ورکول او په رسميت پيږندل دي ، د ټرمپ دا ټويټ چي ( نور دي په افغانستان او سيمه کي دتروريستانو په ضد طالبان او نور هيوادونه وجنګيږي ) د سختي انديښني وړ او ويره دا ده چي يوځل بيا د افغانانو برخليک د ۱۹۹۰ لسيزي په څير شا ته تګ ونه کړي او بيا مو د پنجابي استبلشمنټ د پاليسيو تابع ونه ګرزوي …..
ډيري انديښني شته چي د دغي مقالي د اوږدوالي له کبله به وروسته اشاره ورته وشي ،
د ۵۰۰۰ طالب بنديانو په هکله بايد اشاره وکړم چي په بنديانو کي ډيري ئي پاکستانيان دي او د دوي د خوشي کولو يا نه کولو صلاحيت د افغانستان د دولت ده نه د امريکا ، ځکه موافقتنامه د طالب او امريکا ده ، بين الافغاني ډيالوګ په اوږدو کي د اجندا يوه برخه کيداي شي .
Bilden kan innehålla: Abdul Rasheed Hawond
M Agha Sherzad
Skriv en kommentar …

د افغانستان د ملي ترقۍګوند د دارالانشا د ‌‌‌‌‌‌ډا‌‌‌‌‌‌ډګیرنې پيغام

کابل- افغانستان
دکب دمیاشتی ١٥نیټه ١٣٩٨م کال
په ‌‌‌‌‌‌ډيره خواشینۍ سره مو خبرتیا ترلاسه کړه چې دافغانستان دملي ترقۍ ګوند ددارالانشأ دغړی ښاغلی میرزمان وفادار داکا زوی طاهرلالا له دی فانی نړۍ نه سترګی پتی کړی اووفات شو .
انا لله و انا الیه راجعون
ارواښاد طاهرلالا په هیواد ،خلکو مین اوملی ګټو ته ژمن مبارزشخصیت وو . هغه خپل ټول ژوند یی د وطن او خلکو په خدمت کې تیر کړ اودخلکو دهوساینه اوهیواد لپاره یی نه هیریدونکې خدمتونه ترسره کړی دی.
د افغانستان د ملي ترقۍ ګوند دارالانشا د ارواښاد مړینه  دهیواد مترقی نهضت ته ستره ضایعه بولي ، دمرحوم  غمزپلي کورنۍ او ښاغلی وفادارصیب ته د زړه صبر او تسلیت وړاندی کوی . لوي خداي ته د دوعا لاس پورته کوي چې مرحوم طاهرلالا ته مغفرت وکړي او د هغه فضیلتونه د ارواښاد د کورنۍ په غړو کیږدي روح یی ښاد اویاد یی تل پاتی . .
امین
عبدالحی مالک
 د افغانستان د ملي ترقۍګوند ریس

افغان حکومت په څو جبهو کې

حکيم روان

افغان دولت په وارو وارو په رسمی او غير رسمی څرګندونو کې د افغانستان پر ضد د نا اعلام شوي جګړې خبره کړيده . د افغانستان پر ضد نا اعلام شوي جګړه ځکه نيابتی جګړه هم بلل کيږی چې پاکستانی نظاميان يې د طالبانو پر مټ د پاکستانی موخو د پاره پر مخ وړي .
په خواشينۍ سره بايد ووايو چې نړيوالو زمونږ هيواد د هغه ځانګړی جيوپوليتيک او جيو ستراتژيک اهميت له امله ددې پر ځای چې د همکاری ، ګډ کار ، پوهاوي او هر اړخيز پرمختګ له پاره وکاروي ، د خپلو استخباراتو د ويجاړوونکو هڅو ، د مخامخ کيدو او خونړيو جګړو په مرکز واړاوه . د جګړو څلوېښت کلن ناورين افغانستان د جنرال ضياءالحق د توصيې سره سم د اور دوزخ ته ور وغورځاوه . هر څه يې لولپه شول او هيواد جهادی او طالبی جګړو کنډ کپر او ويجاړ کړ . تر ننه « جهادی مشران » او طالبان د هيواد ورانولو ته ژمن پاتې شوی دي .
د سپتامبر له ۱۱ وروسته چې امريکائيانو پر طالبانو يرغل وکړاو طالبان يې د جمعيت ، شورای نظار، جنبش او حزب وحدت په مرسته تس نس کړل او د طالبانو اسيران يې په کانتينرونو د ليلی دښته کې قتل عام کړل ، نن طالب او عبدالله عبدالله ، دوستم او محقق ځانونه د روغې جوړې اصلی اتلان بولی او اشرف غنی چې د باور د رامنځته کيدو له پاره يې په جوپو جوپو طالبان له زندانه خوشی کړل ، لومړنۍ اوربند يې اعلان کړ، د روغې جوړې له پاره يې د کابل پروسه پيل کړه او لسګونه معتبرې ملی او نړيوالی غونډې يې د سولې او پخلاينې له پاره وکړې ، د سولې مخالف بلل کيږي ؟؟؟؟؟
که د ولسمشر دوکتور اشرف غنی جوړوونکی هڅې نه وای ، خليلزاد به طالبانو سره د سولې موافقتنامه لاسليک کړی نه وای . که څه هم خليلزاد د ټاکلو امريکايي موخو د پاره دا کار وکړ ، خو د دوکتور غنی هڅې او هاند د هيواد يووالی او له جګړو څخه د وتلو موخو ته وقف دي .
طالبانو سره د خليلزاد د خبرو آترو په جريان کې د دوکتور غنی په ټاکنو ټينګار د دې له پاره وو چې طالبان د سولې د خبرو په مهال د يوه قانونی حکومت په وجود کې د سولې له پاره د افغان ولس د ټولنيزې ارادې سره مخامخ شی او د هغه په وړاندې تمکين وکړی او سولې ته غاړه کېږدي . ولسمشر د هېواد د آبادۍ او پرمختګ پلانونه لری او پرمختګ مساعد چاپېريال ته اړتيا لري . خو د اشرف غنی مخالفين عبدالله عبدالله ، ګلبدين حکمتيار ، نبيل او نور د هېواد د سولې او پرمختګ د پاره نه کومه طرحه لری او نه اراده ، له طالبانو خو دا توقع کيدای نه شی .
له نېکه مرغه افغان ولس د ټاکنو په جريان کې تاريخ جوړونکی پرېکړه وکړه، ځان غوښتونکو ته يې نه وويل او دوکتور اشرف غنی يې د خپل ولسمشر په توګه وټاکه .
خو بی شرمه ځان غوښتونکی په داسی حال کې چې د ټاکنو د مستقل کميسيون غړي يې په خپله وټاکل ، خو د هماغه خپل کميسيون پرېکړې په بی ساری بی شرمی سره نه منی . په داسې حال کې چې هېواد په برخليک ټاکونکو شيبو کې قرار لری ، ځان غوښتونکی غواړی خپلې ناروا غوښتنې پر ولس وتپي او هېواد د نا مالوم برخليک په لور سوق کړي . له دې هڅو داسی ښکاری چې د پردو لاسونه تر هغه اوږده او نيتونه تر هغه تور او دښمنانه دی چې مونږ يې فکر کاوه .
د هېواد دښمنان غواړي د منتخب ولسمشر د لوړې د مراسمو سره موازی د تش په نامه ټولشموله حکومت په نوم د دروغجنې لوړې «مراسم» پر ځای کړي . دا کار به خامخا د اسلام آباد او تهران ټاکلی کړۍ خوشاله کړی . د پاکستان – طالبانو او مجاهد عبدالله عبدالله او ورسره ملګرو ګډې هڅې د افغان نظام د له منځه وړلو او بی ثباتۍ له پاره لکه لمر روښانه دي .
ولسمشر په دې تورنوي چې د سولې د پاره د ملی اجماع په چاره کې پاتې راغلی دی ، نو بايد استعفاء ورکړي . خو آيا د وطن پلورونکو ، د مختلفو ګټو لرونکو ګاونډيانو د استخباراتی مامورينو اجماع ممکنه ده ؟؟؟؟؟؟؟؟؟؟؟؟؟؟
ولسمشر د چيلک اندازانو د مزاحمت سره سره د سولې د پاره د سيمه ايزې اجماع په چاره کې ټاکلی برياليتوبونه تر لاسه کړل ، همدارنګه يې د افغانستان د سياسی او ټولنيز نظام د ساتلو د پاره نړيوال ملاتړ خپل کړ . خو د طالبی ماجراغوښتونکو ، جهادی غلو او چورګرو او د هغوی د سيمه ايزو ملاتړو په وړاندې په درو جبهو کې بی آمانه مبارزه لا هم د ژوند اړتيا ده .
د وطن پالونکو افغانانو دنده ده چې په يووالی او پيوستون سره د خپل قانونی حکومت تر شا لکه د پولادو غرونه ودريږی او پر طالبانو فشار راوړی چې نور د خپلو وروڼو پر ضد له جنګه لاس واخلی . خپل هيواد ، خپلو ښارونو ، کليو ، بانډو او کورنيو ته را ستانه شی او په خپل مورنی هېواد کې د عزت ژوند پيل کړي .
تل دی وي افغانستان