د افغانستان د ملي ترقۍ ګوند د اجرائيه بیرو جلسه !

د وري ۲۲ کال ۱۳۹۸ م

د افغانستان د ملي ترقۍ ګوند د اجرائيه شورا نوبتې ناسته د ګوند په مرکزي دفتر کابل کې جوړه شوه .
د ناستې په اجندا کې د ګوند د ریس ملګري عبدالحې مالک او د دارالانشا د پلاوي رپوټ شامل ‌ؤ چې ، د خوست او پکتیا ولایتونو د ګوندي سازمانونو څخه په کې کاري لېدنه شوي وه.
د ګوند ریس او د دارالانشا پلاوي ، د یاد شوي ولایتونو د ګوندي سازمانونو او غړو د کار او فعالیت ، د سیاسي کار د شیوو ، سیاسي کار ته د ژمنتیا اړوند مسألي هر اړخیزه وڅيړلې او د ملګرو د زیار او مبارزي څخه قدردانې او ستاینه وشوه . د دې په څنګ کې د ګوند د مالي چارو د بهبود په موخه د ګوندي حق العضویت او بسپنې د راټولولو د میتودونو د نوي والې په هکله هم هر اړخیزي خبري ، مشوري او لارښوونې وشوي چې رپوټ یې د ګوند اجرائيه بیرو ته وړاندي شو چې له غور وروسته ومنل شو .
په جلسه کې دریمه ماده چې په اساسنامه کې د وړاندیز شوي تعدیلاتو واردول وه تر بحث لاندي ونیول شوه ، د ملګرو د نظریاتو د وړاندي کېدو وروسته ، د اسنادو او ارتباط کمیسیون ته دنده وسپارل شوه چې د ملګرو د نظریو د راټولولو وروسته ، د ګوند د تشکیلاتو څانګې له خوا اساسنامه کې وړاندیز شوي نظریات او تکمیلات ځاي شي .
د جلسي په جریان کې ملګری محمدالله څپاند چې نوی هغه او ملګري یې له ګوند سره یو ځاي شوي ، د ملګري مالک له خوا نورو ملګرو ته ور وپيژندل شو او ټولو ورته تود هرکلی ووایه او په ګوند کې یې د هغه او نورو ملګرو حضور د ګوند د پياوړتیا نښه وبلله .
په مقابل کې ملګري محمدالله څپاند د ملګرو له تودو ولولو مننه وکړه او د ګوندي کار د لا چټک تیا په اړتیا یې زور واچاوه . وعده یې وکړه چې خپل ټول ملګري د ګوندي تشکیلاتو له لاري په بیلا بیلو شوراګانو کې تنظيم کړي . ګوند ته به جلب او جزب زیات کړي او د ګوندي اعتبار لوړولو له پاره به د هر ګوندي فعالیت لوری سموي .
د افغانستان د سولي د روان بهیر د سالمي سمت نیونې ، د افغانانو تر منځ ( د حکومت او طالبانو ) د بین الافغاني خبرو د پيل کېدو ، مشورتې لوي جرګې ته د استازو ټاکلو په لړ کې ګوندي غړو ته د کمپين کولو کار د چټکولو لارې چارې ومومې .استازي ملګري په مشورتې لویه جرګه کې د هېواد ملي ګټو ساتلو ته متوجې کړي .
جلسه د ګوند د ریس ملګري مالک له خوا ګټوره وبلل شوه او ګوندي مسولینو ته مشخصې دندې وسپارل شوي .
په درناوي

د ګوند د تبلیغ او فرهنګ څانګه

Bilden kan innehålla: 4 personer, personer som sitter och inomhus

مصوبه

20180612_155507
جلسه مشترک بیروی اجراییه و دارالانشای
حزب ملی ترقی افغانستان (ح.م.ت .ا)
مورخ 06/10/1397
کابل –افغانستان
اعضای جلسه طبق اجندای تصویب شده ، نخست اوضاع سیاسی،روند صلح و انتخابات آینده ریاست جمهوری اسلامی افغانستان را مورد تحلیل و تجزیه همه جانبه قرار دادند که در نتیجه از نظر اعضای جلسه وضع موجود در کشور را پیچیده،و جنگ نیابتی جاری را توطیه تمام عیار گروه های جنگ طلب منطقه و جهان ارزیابی نمودند. همچنان اعضای جلسه از اعلامیه و پیشنهادات حزب در باره روند آغاز شده صلح پشتیبانی اعلام نموده و کمبودی های موجود روند صلح را از عدم موجودیت نمایندگان واقعی مردم،احزاب و نهاد های دیموکراتیک در ترکیب موظفین پیشبرد مذاکرات صلح با طالبان یاد آوری نمودند.
همچنان جلسه در مورد تحقق مواد اجندا ذیلآ تصویب به عمل اوردند:
1- اعضای جلسه نتایج کار وفعالیت ده ماهه شورای غیر جانب دار کابل، احزاب و سازمانهای وحدت طلب دارای ریشه های خلقی را بصورت دقیق و همه جابنه ارزیابی نموده که در نتیجه از اشتراک فعال نماینده گان بشمول رئیس حزب ما،که طرح ها و نظریات عملی و تطبیقی تشکیلاتی برای عملی شدن وحدت ارایه می نمودند مورد تمجید قرار گرفتند و برای ایجاد حزب واحد ، دیموکراتیک،وطن پرست و سر تاسری در کشور بر تعهدات قبلی خویش تآکید ورزیده و علاوه نمودند که دروازه های حزب ملی ترقی افغانستان برای همچو وحدت های اصولی بر بنیاد اهداف و افکار مشترک دایمآ باز میباشد.
2- اعضای جلسه جهت تسریع کار حزبی به تمام شعبات و کمیسیون های مرکزی حزب وظیفه سپرد که از همه اولتر کمبودات اعضای کمیسیون ها و شعبات خویش را تکمیل نموده و بطور مشخص کار عملی با سازمانهای حزبی ولایتی داخل کشور و معادل آن در خارج از کشور همکاری و سازماندهی گردد.
3- به شعبه تشکیلات وظیفه سپرده میشود، درآنعده ولایاتیکه هسته های حزبی در آن وجود ندارد با استفاده از کادر های حزبی ولایت مربوطه که فعلا در کابل زنده گی مینمایند سازمانهای حزبی در آن ولایت ایجاد و گزارش اجراآت خویش را در جلسات نوبتی دارالانشا ارایه نمایند.
4- کمیسیون مالی و اداری حزب موظف اند که برای تقویه بنیه مالی حزب پلان عاجل و فوق العاده بادر نظر داشت مواد اساسنامه و(طرزالعمل پرداخت و جمع آوری حق العضویت و اعانه )از اعضای وهوا خواهان حزب ترتیب و عملی نمایند .
5- شعبه تشکیلات و کمیسیون مالی حزب موظف اند که غرض کار عملی با سازمانهای حزبی ولایات، سفر قیم ها و تعداد از اعضای رهبری حزب را تنظیم و تدابیر تهیه مصارف مالی سفر برای ایشان اماده نمایند.
6- بیروی اجرایه و دارالانشا حزب به شعبه تشکیلات وظیفه سپرد که برای ثبت و راجستر حزب اسناد لازم را آماده واز طریق وزارت عدلیه طی مراحل گردد.
7-کنترول از اجرای این مصوبه به عهده ای شعبه تشکیلات، کمیسیون تفاهم و ارتباط و کمیسیون مالی میباشد.

عبدالحی مالک
رئیس حزب ملی ترقی افغانستان

د افغانستان د ملي پرمختګ ګوند د دارالانشا اعلامیه

 

بسم الله الرحمن الرحیم

کابل — افغانستان

۷ / ۸ / ۱۳۹۷

دملی ، سراسری ، دموکراتیک اغیزمن واحد ګوند دجوړښت لپاره د خلکو کور خونو ، د کابل بې پري شورا ، د یو شمیر خلکې ریښه لرونکې ګوندونو او غیرتنظیم شوو ملګرو د ۹ میاشتو شاوخوا دیالوګ او خبرو اترو د نتیجو په هکله 

د افغانستان د ملي پرمختګ ګوند دارالانشا په مینه او هر اړخیزه توګه د خلکو کور خونو ، د کابل بې پري شورا ، د خلکې ریښه لرونکو یو شمیر ګوندونو او سازمانونو هغه تودي خبرې اترې ، کمینټونه او سپارښتنې چې د ګوندي یووالي او یو سرترسري ‌‌‌‌‌‌ډموکراتیک او وطنپالونکې ګوند د تشکیل په هکله کړي ، جوړونکې ، لاره ایستونکې او پلې کیدونکې بولي . له هغې بشپړ ملاتړ کوي او د شوي بحث د عمومې مضمون په روحیه د یو سرترسرې ګوند په را اوچتیدو کې فعاله برخه اخلي .

د ګوند د دارالانشا غړي په مجموع کې د ۹ میاشتو شاوخوا شوئ بحث د یوه دموکراتیک او وطنپالونکې ګوند د جوړیدو له پاره ګټور بولې او په شوو خبرو اترو ، نظر څرګندونو او کمینتونو کې د نظریاتو د توپير مطرح کیدل او یا مخالفت د دموکراسۍ غوره ځانګړتیا بولې او هغې ته درناوی کوي.

دارالانشا د یووالي او جبهو جوړولو په برخه کې د افغانستان د ملي پرمختګ ګوند ، چې یو وخت د ملي ګوند ، د وطن د ترقۍ ملي ګوند په نومونو هم یاد شوی ، تجربه ، عملي کار او صداقت ستایي او د مردم له ګوند څخه چې د فکري او تشکیلاتي انحراف لار یې خپله کړي وه ، په زړورتیا واټن نیول یو اصولي اقدام بولي .

سربیره پر دې چې ملي پرمختګ ګوند ، د زیاتو تشکیلاتي مخته پرتو ستونزو سره مخامخ ‌ؤ او د انشعاب په ټپونو يې د ګوندي بیا رغاونې پټۍ لا نه وي ایښې چې ، د ګوندي مکلفیت له مخې د خلکو کور خونو ، د کابل بې پري شورا او د یو شمیر ګوندي تړا‌ؤ نه لرونکو ملګرو د یووالي د پيل شوي بهیر څخه د ننګې او ملاتړ په فعالیت بوخت شو .

په خواشینۍ باید ووایو چې د ګوندونو ، سازمانونو یو شمیر استازو او ګوندي تړا‌ؤ نه لرونکو ملګرو زموږ د عینې ستونزو له درک کولو پرته په ګوند او ځينو کادرونو ‌‌‌‌‌‌ډول ‌‌‌‌‌‌ډول ټاپې ولګولې او د هغوي په وړاندي یې تحریک کوونکې ژبه او قلم وکارولو . هڅه یې وکړه چې خپل ځانونه د یووالي اصلي مدافعین او موږ د یووالي مخنیونکې وښيي .

څرنګه چې د ملي پرمختګ ګوند مشرتابه او غړو د ګوندي یووالي په هکله عملي کاري تجربه لرله ، په پوره حوصله مندۍ یې دیووالي د پيل شوي بهیر ‌‌‌‌‌‌ډله ایزو او انفرادي غړو ته ثابته کړه ، چې د ملي پرمختګ ګوند د عالې ګوندي سیاسي فرهنګ په درلودلو سره ، د یووالي بهیر ټولو خوا‌ؤ ته درناوی کوي او په سړه سینه او مغزو ، د نظر اختلاف او بیلا بیلو لیدلورو ته د معاصرې دموکراسۍ په هنداره کې ګوري او د هیڅ یوي خوا د نفې کولو موخه نه لري او د مینه والو لورو په اشتراک د ګوندي یووالي پلو ته په زړورتیا مخته ځې .

اوس چې د خلکو کور خونو ، د کابل بې پري شورا ، د خلکې ریښه لرونکو یو شمیر ګوندونو ، سازمانونو او ګوندي تړا‌ؤ نه لرونکو ملګرو له منځ څخه یوه اجماع راوتلې او د ګوندي یووالي په لور د اشتراک په ‌‌‌‌‌‌ډيرو ټکو یې موافقه او لاسلیک کړی ، دادی موږ یو ځاي مخته ځو او هغوي چې د ګوند او یا شخص له نامه یې په نورو پړي اچولي ، بې له کوم څرګند دلیل زموږ د راټولې شوي اجماع څخه وتلې او یایې خپلې اړیکې ورسره سړې کړي دي .

په داسې حال کې چې د افغانستان د ملي پرمختګ ګوند دارالانشا د یووالي له اجماع څخه د وتلو چلند خواشینونکی بولې ، د ګوندي یووالي د بهیر په ټولو خوا‌ؤ ، د خلکو کور خونو ، د کابل بې پري شورا ، ګوندونو ، سازمانونو او ګوندي تړاو نه لرونکو ملګرو غږ کوي چې رامنځ ته شوي اجماع وساتې او د یوه دموکراتیک او وطنپالونکې ګوند د جوړیدو کار ژر پيل کړي .

د ګوند دارالانشا په داسې حال کې چې د خلکو کور خونو ، د کابل بې پري شورا او د ګوند د غړو له پلې شوي کار او فعالیت څخه مننه کوي ، د ملي پرمختګ ګونددارالا نشا خپلو شوراګانو او ګوندي غړو ته دنده سپاری چی دلاندی مواردو په عملی کولو کی چټک ګامونه پورته کړی او پورته یاد شوو ، دیووالی اجماع ټولو شاملو ګوندونو او خوځښتونو ته وړاندیز کیږی چی په دی هکله زمو ږدګوند سره همغږی شی 

  • د افغانستان د ملي پرمختګ ګوند لارښوونکې ارګانونو ، شوراګانو ، غړو دنده سپارل کیږي چې د تیر په څير د خلکو کور خونو ، د کابل بې پري شورا ،‌ خلکې ریښه لرونکو سازمانونو او ګوندي تړا‌ؤ نه لرونکو ملګرو سره د ګوندي یووالي بهیر په چټکتیا او بریالیتوب کې لا نوره مرسته وکړي او د یوه سرترسري دموکراتیک او وطنپالونکې ګوند جوړیدل په حقیقت بدل کړي .
  • د خلکو کور له خونو ، د کابل بې پري شورا ، د یووالي بهیر کې د شاملو سازمانونو او ګوندي تړا‌ؤ نه لرونکو ملګرو څخه په درناوي هیله کیږي چې د رامنځ ته شوي اجماع د هغو موافقو پر بنست چې د یووالي خوا‌ؤ پرې لاسلیک کړی ، د یوه دموکراتيک او وطنپالونکې ګوند د جوړیدو کار چټک کاندي او اجازه ورنه کړي تشکیل شوي اجماع د پاشل کېدو په لور رهې شي .
  • د دې له پاره چې د ګوندي یووالي کار او د ګوند جوړیدل یقینې شي ، وړاندیز کیږي چې د ګوندونو او سازمانونو له اوسنیو نومونو څخه ماسیوا ، په جلا نوم نوی ګوند جوړ کړل شي او د ګوندونو او سازمانونو هیڅ اوسنی مشر دې د موقتې ګوندي دوري مشرتوب په غاړه نه اخلي .
  • څرنګه چې په هیواد کې څلور لسیزي افغان وژونکې جګړه ادامه لري ، ټولنه د نفاق په اور کې سوځې ، د ګوندي یووالي لورو ته وړاندیز کیږي چې ګوندي اسناد د پخلاینې او منځلارېتوب پر اصل جوړ کړل شي چې ګوند د ټولني په بیلا بیلو قشرونو کې د ننوتلو او اعتبار واک او اغیز تر لاسه کړي .
  • خلکې مخینې او تیر ته په پوره درناوي ، د هغې دورې د کار او فعالیت مثبتو ټکو ته په راتلونکو فعالیتونو کې د ځاي ورکولو تر څنګ ، وړاندیز کیږي ګوند د معاصرې دموکراسۍ په نوي بنسټ جوړ او د خلکو رایه د افغاني ټولني په ټولو کچو کې د واک د لیږد وسیله شي او په هر ‌‌‌‌‌‌ډول اصلاحاتو راوستلو کې خلک وپوښتل شي .
  • راتلونکی ګوند باید د هر ‌‌‌‌‌‌ډول افراط څخه خلاص ګوند وي ، د جګړې زپلې افغانستان د هر هیوادوال د غږ د اوریدو مرکز او د خلکو د هرې کتګورۍ د ستونزي د اوریدو ‌‌‌‌‌‌ډا‌‌‌‌‌‌ډمنه مرجع وي . ګوند کې باید د کیڼ او ښې افراط له پاره د ودي یوانچ ځاي نه وي ، هر څوک باید ‌‌‌‌‌‌باور وکړي چې د جګړي د هر مصیبت په هکله خبرې زموږ د ګوند له خوا ښې اوریدل کیږي او هلته یې د حل لارو اړوند ښه مشوره ورکول کیږي .
  • ګوندي یووالی اوجوړښت ، باید د دموکراسۍ اصولو پر بنسټ وشي . له لاندې څخه پورته ته د ګوندي ټولو شوراګانو ، ارګانونو او د هغې د مسولینو انتخابې کیدل ، دود وګرځې او د هغوي په وړاندي تل مقاومت وهڅيږي څوک چې د ټاکنو اصل معاملې ته ږدي .
  • افغانستان او د هغې خلک د ښې او چپ افراط ، د بې سارې چلندونو قربانې ګرځید لی ، خلک له دې غبرګو چلندونو سخت ستړې شوي . خو افراطيون لا تر اوسه خپلې ناکامې نسخې له جګړي څخه د افغاني ټولني د ژغورنې په موخه مشورې ته وړاندې کوي . اما زموږ ګوند د حالاتو د ژورې څيړنې په پایله کې ، د خلاصون او د جګړي د ټپونو رغولو امکان دښی او چپو افراطی کړنو پرته په یو دموکراتیک وطنپالونکې ګوندي چلند کې ګورې او له ټولو سوله خوښوونکو او ترقې غوښتونکو ځواکونو څخه د ورته چلند د غوره کولو ارزو کوي .
  • د ګوند دارالانشا ، د پورتنیو ټکو په نظر کې نیولو سره ، د خلکو کور خونو ، د کابل بې پري شورا ، خلکې ریښه لرونکو ګوندونو ، سازمانونو او ګوندي تړا‌ؤ نه لرونکو ملګرو څخه چې د ملي فکتور په توګه د یوه سرترسرې دموکراتیک او وطنپالونکې ګوند ، د جوړیدو غوښتونکې دي غواړي په خپلو کې یو موټی شي او د منځ ته راغلې اجماع له بطنه ، پياوړی ګوند راوباسې .

عبدالحی مالک

دافغانستان دملی پرمختګ ګوند ریس

وحدت پلوه گوندونو ، سازمانونو او خپلواکو ملګرو سره د یووالي په کاري بهیر کې د افغانستان د ملي پرمختګ ګوند د کړنو او تجربو په هکله

د وحدت پلوه گوندونو ، سازمانونو او خپلواکو ملګرو سره د یووالي په

کاري بهیر کې د افغانستان د ملي پرمختګ ګوند د کړنو او تجربو په هکله :

 

د ملي ګوند او یا هم د وطن د ترقۍ ملي ګوند په بڼو د افغانستان د ملي پرمختګ ګوند د هېواد د هغو سیاسي ګوندونو ، سازمانونو او خپلواکو ملګرو سره چې ورته فکري او تشکیلاتې موخې درلودلې د جبهو او یووالي د جوړولو یو لړ مهم فعالیتونه او تجربې کړي دي . له دي جملي یو شمیر فعالیتونه او تجربې ویاړمنې او ځینې یې خواشینونکې وي . د جبهې جوړولو او یووالي کولو په بهیر کې موږ زده کړل چې که د ګوندونو او سازمانونو تر منځ د برنامي ، اساسنامي او د ګوندي پالیسۍ د کرښو د مهمو سندونو په مسودو چې بیا وروسته د ګوندي لوي غونډي یا کنګري له خوا تصویب کیږي ، موافقه وشي د ګوندي کار او فعالیت راتلونکې کې سونزي لږوي او یا یې بیخي له منځه وړي . په همدي روحیه کله چې د حزب مردم سره د یووالي په بهیر کې له ګوندي فکري او تشکیلاتې موخو انحراف پیل شو ، زموږ د ګوند مشرتابه او غړو د افغانستان د ملي پرمختګ ګوند جوړولو ته ودانګل او د خواشینونکو ضایعاتو د جبرانولو په خاطر مو د وحدت پلوي هغو ګوندونو ، سازمانونو او خپلواکو ملګرو سره د یووالي پیل شوي بهیر تعقیب کړ چې د خلکو د کور په دریواړو خونو کې ورته کار او فعالیت کېدلو او لا دمخه موږ ورسره مشورې او خبرې اترې درلودلي . هغه لمړنی غونډه چې په هغې کې وحدت پلوه ګوندونو ( د محترم شهنواز تڼې په مشرۍ د سولي غورځنګ ، د محترم عبدالرحیم سالارزي په مشرۍ د ملي یووالي ګوند ، د محترم شیرګل اوستا په مشرۍ د خلکو انقلابي ګوند او د محترم عبدالحې مالک په مشرۍ د ملي پرمختګ ګوند ) برخه اخستې وه ډیره امید بخښونکې وه . په دې غونډه کې د هر ګوند مشر د یووالي اړوند د خپل ګوند د موضع د روښانه کولو او په دې برخه کې د مخته پرتو ستونزو د ایسته کولو په هکله جوړونکې خبري درلودلي . په دویمه غونډه کې د یاد شوي څلورو ګوندونو د مشرانو د حضور تر څنګ د محترم عبدالله سرحدي په مشرۍ د کابل بې پري شورا هم برخه اخستې وه . په غونډه کې د بې پري شورا له خوا د ګوندونو تر منځ د هوکړه لیک د مسودي متن وړاندي شو او په څنګ کې د محترم عبدالرحیم سالارزي له خوا د هوکړه لیک د مسودي یو بل متن هم په ۶ کاپیو کې د غونډي برخه والو ته وویشل شو چې په مقابل کې محترم عبدالحې مالک وړاندیز وکړ چې لمړی باید د ګوند د برنامي ، اساسنامي او ګوندي پالیسۍ د کرښو په مسودو توافق وشي او بیا په عامه توګه د یوه داسې هوکړه لیک مسوده وړاندي شي چې د راتلونکې واحد ګوند د اسنادو د مسودو سره په ټکر کې واقع نه شي او له ټولو هغو ټکو څخه پاک متن ولري چې د ګوندونو تر منځ د اختلافونو د زیږیدو لامل کیږي . که څه هم چې دا وړاندیز د محترم شهنواز تڼې له خوا استقبال شو ، خو بیا هم زموږ او د کابل د بي پري شورا په غیاب کې هماغه متن چې د سالارزي صاحب له خوا وړاندي شوی ؤ ، د اختلاف وړ ټکو د شتون سره سره د سولي غورځنګ او د ملي یووالي د ګوندونو د مشرانو له خوا لاسلیک شو . زموږ ، د کابل د بې پري شورا او د خلکو کور په خونو کې د فعالو ملګرو د غبرګون ښودنې له امله د لاسلیک شوي هوکړه لیک په پلي کولو عمل ونه شو . د وحدت پلوه کوندونو ، سازمانونو او خپلواکو ملګرو د هڅو په ترځ کې د کابل د بې پري شورا په مشرۍ د ۴ ګوندونو او دوه سازمانونو واک لرونکو استازو د ګوندي اسنادو د توحید او سمون د کمیسیون له نامه د ګوند د برنامي ، اساسنامي او د پالیسۍ د کرښو په مسودو کښلو پیل وشو او په بري سره د جوړ شوي کمیسیون له خوا د کوندي اسنادو مسودي چې د ۳ ګوندونو او ۲ سازمانونو د استازو او مشرتابه او د کابل د بې پري شورا توافق پري حاصل شوی ؤ ، تیاري شوي . زموږ ګوند د وحدت پلوه ګوندونو ، سازمانونو او خپلواکو ملګرو د یووالي په پیل شوي بهیر کې د ګوندي اسنادو د مسودو کښل او تر یوي کچې پر هغې توافق کول د یووالي په لور مهم ګام بولي او له هغې ملاتړ کوي . د ملي پرمختګ ګوند په غوښتنه او د سولي غورځنګ په موافقه د کابل د بې پري شورا په منځګړتوب د درییم ځل له پاره د یوه لنډ هوکړه لیک د مسودي تیارولو هلې ځلې پیل شوي ، بې پري شورا د یوه هوکړه لیک مسوده وکښله ، خو محترم مالک وړاندیز وکړ چې که هوکړه لیک او میکانیزم سره جلا شي ، دې پیشنهاد ته له ځواب ویلو دمخه ، محترم شهنواز تڼې د هوکړه لیک یوه بله داسې مسوده غونډي ته واچوله چې په ۵ مخونو کې یي د هوکړه لیک ، فکري کرښو او میکانیزم یو ترکیب څرګندولو او ډیرئ داسې ټکې یي درلودل چې د ملي پرمختګ ګوند مشرتابه او غړو پري موافقه نه شوه کولئ ، خو محترم عبدالرحیم سالارزي وار دمخه د وړاندي شوي مسودي څخه د ملاتړ څرګندونه وکړه . خو په دې مسوده کې د ګوند د تیر تاریخ د اختلاف وړ ټکې ، د لیکنې سیاسي ادبیات او اصطلاحات او د هوکړه لیک له چوکاټ څخه بهر د یو شمیر اضافې توکو ځایول له ورایه ښکاریدل . د دې مسودي په کتلو د ملي پرمختګ ګوند مشرتابه د یوه بدیل هوکړه لیک مسوده چې د یو لړ تیریدنو په روحیه برابره شوي وه په دري واړو خونو کې خپره کړله او هم یې وړاندیز وکړ چې ، د وحدت پلوي ګوندونو او سازمانونو د استازو څخه جوړ د اسنادو د توحید او سمون کمیسیون دي ، د ګوندونو او بې پري شورا له خوا د لیکل شوي ټولو هوکړه لیکونو د مسودو د کتلو په ترځ کې د هوکړه لیک یوه داسې مسوده وکاږي چې ټولو خواؤ ته د منلو وړ وي . په خواشینۍ سره باید ووایو چې زموږ د وړاندیز په هکله نورو ګوندونو او سازمانونو لا تر اوسه کوم ځانګړۍ غبرګون نه دی ښودلی .

په دې وروستیو وختونو کې د خپلواکو خلکیانو په پته د یوه هوکړه لیک مسوده د خلکو کور په خونو کې خپره شوي ده . که څه هم چې په کښل شوي مسوده کې د اختلاف وړ یو شمیر ټکې شته ، خو موږ وړاندیز کوو چې هغه هم د نورو هوکړه لیکونو د مسودو سره یو ځاي د اسنادو د توحید او سمون کمیسیون له خوا وکتل شي او د هوکړه لیک د واحدي مسودي د متن په تیارولو کې د هغې له مواردو څخه زیاته استفاده وشي او د خپلواکو خلکیانو یو یا دوه تنو ته د نوموړي کمیسیون په غړیتوب کې د منل کېدو زمینه برابره شي .

په دي ورستیو ورځو کې د خلکو د کور په خونو کې سوالونو ته د ځواب ویلو په بحثونو کې د یو شمیر مشرانو په تیره بیا د محترم عبدالرحیم سالارزي څرګندونو تر یوي کچې امېدواري رامنځته کړي ، یانې د هغه په لارښوونه ځینې ټکې چې فهرست یي د خلکو کور د خونو په ارشیف کې شته او زموږ له نظره د تیر تاریخ اختلاف زیږونکې برخه جوړوي د هوکړه لیک یا نورو اسنادو د مسودو څخه لیري کړل شوي . د ملي پرمختګ ګوند مشران دا ګام پورته کول ستایي او وړاندیز کوي چې د کابل بې پري شورا دي د ځنډ پرته د اسنادو د توحید او سمون کمیسیون د یوه نوي هوکړه لیک مسودي جوړولو ته وهڅوي او پر هغې دي د ګوندونو ، سازمانونو د مشرانو تائید واخلي . که د ګوندونو ، سازمانونو او خپلواکو ملګرو تر منځ داسې یوه موافقه وشي ، لیري نه ده چې ډیر ژر به موږ ټول د وحدت پلوه ګوندونو ، سازمانونو او خپلواکو ملګرو د یووالي او سرترسري ګوند د جوړولو شاهدان ؤ .

د پورتنیو اندونو په وړاندي کولو سره غواړو د وحدت پلوه ګوندونو ، سازمانونو ، خپلواکو ملګرو او د خلکو کور د خونو قدرمنو ګډون کوونکو ته عرض کړو چې زموږ ګوند او ملګرو د جبهې جوړولو ، ګوندي یووالي ته د تللو او د حزب مردم له خوا د فکري او تشکیلاتې انحراف د تحمیل کېدو له وجې د واټن نیولو په بهیر کې زیاتې هلې ځلې کړي او د لېدو وړ ضایعات لېدلې دي . خو د ګوندي سیاسي کار له یوه بهیر څخه بل بهیر ته د ننوتلو په پړاونو کې د طبیعي ځنډ پيښېدو له امله د خلکو کور په دري واړو خونو کې زموږ مشران او کدرونه د یو شمیر ملګرو د باور نه کوونکو خبرو ، کنایو او لیکنو سره مخامخ شول . خو موږ د پیاوړي استدلال ، ژبې او قلم په درلودلو سره سره ونه غوښتل چې د خلکیانو تر منځ د یووالي نوي پیل شوي بهیر ، په لمړیو شیبو کې په غیر ضروري بحثونو له ستونزو او ګواښونو سره مخامخ کړو . موږ د یووالي په هیله پر ځانونو د یووالي ضد تورونه او ټاپې وزغملي او د یووالي له پاره مو د مذاکراتو پر دوام او وروستۍ موخې ته د رسیدو تر بریده ، د بهیر په غزیدو ټینګار وکړ . موږ باور لرو چې په ستونزو د بري لار د تهمتونو او تورونو تر باران لاندي تیریږي ، خو یو ځل بیا د یووالي د حیاتې اهمیت په نظر کې نیولو او د خپل ملي او وطنی مسؤلیت او رسالت په درک سره ، په دې وسیله په ټولو دوستانو او ملګرو غږ کوو ، چې د یووالي له پاره د نفې کوونکو او کنایه امیزه خبرو پر ځاي ، جوړونکو بحثونو ته لار پرانیزي .

جبهو او وحدتونو ته د تللو په برخه کې زموږ د ګوند او ملګرو کړنې او تجربې موږ ته ارزښت لري . موږ په دې اړوند د نورو وحدت پلوي ګوندونو او د هغوي د غړو تجربو ته د قدر په سترګه ګورو او د وحدت پلوه ګوندونو ، سازمانونو او خپلواکو ملګرو د پیل کړي یووالي بهیر ته د پورتنیو څرګندونو په چوکاټ کې د امیدوارۍ په سترګه ګورو .

همدارنګه د خلکو کور په دري واړو خونو کې د شته ملګرو د خبرتیا په موخه عرض کوو چې د یووالي بهیر د شاته پاتیدو لامل زموږ ګوند او ملګري نه دي ، ځکه تر دي دمه د وحدت پلوه ګوندونو ، سازمانونو او خپلواکو ملګرو د یووالي په برخه کې موږ تر هر چا مشخص او عملي چلند کړی او هر ډول یووالي ته چې په افغانستان کې هېوادنی  او ډموکراټیک غورځنګ یو موټی او پیاوړی کړي ، معاصري ډموکراسۍ ته وده ورکړي ، ژمن پاتې کیږو او لاندي وړاندیزونه کوو :

ــ د خلکو کور دري واړو خونو د فعال ساتلو په برخه کې د اډمین ملګرو کار او فعالیت ستایو او له هغوي سره د اړتیا تر وخته د خونو په فعال ساتلو کې د مرستې ژمنه کوو او په خونو کې له شته ملګرو څخه ارزو لرو چې د هغه لیکنو او کمنتونو څخه ډډه وکړي چې د یووالي په روان بهیر ، وحدت پلوي ګوندونه ، سازمانونه او خپلواک ملګري بې باوره کوي .

ــ له وحدت پلوي ګوندونو ، سازمانونو او خپلواک ملګرو په درناوي غوښتنه کوو چې د اسنادو د توحید او سمون په کمیسیون کې د خپلو استازو له لاري د کابل د بې پري شورا تر څارنې لاندي د راتلونکې واحد ګوند د مرامنامي ، اساسنامي او پالیسۍ د کرښو د مسودو د کښلو په څیر د ټولو هوکړه لیکونو د مسودو له منځه د یوه واحد هوکړه لیک داسې مسوده وکاږي چې مشران یې تائید کړي او ټولو خواؤ ته د منلو وړ وي .

ــ د اسنادو د توحید او سمون کمیسیون دي د کابل د بې پري شورا تر څارنې لاندي ، د وحدت پلوه ګوندونو ، سازمانونو او خپلواکو ملکرو تر منځ د یووالي بهیر د عملي کار  پیل کولو میکانیزم طرح برابره کړي .

ــ د یووالي د میکانیزم له مخې د یووالي بهیر په پلې کېدو دې عملي کار پیل شي .

په درناوي

د افغانستان د ملي پرمختګ ګوند دارالانشا

 

 

 

دافغانستان ملي پرمختک ګوند دهوکړه لیک متن

پيشنهادي طرحه:1

دافغانستان ملي پرمختک ګوند دهوکړه لیک متن

       زمونږ هیواد د لرغوني تاریخ، حساس سیاسي او اقتصادي ستراتيژیک موقعیت په لرلو سره تل د سیمې اونړۍ د زبرځواکونو د زیاتې پاملرنې وړګرځیدلی دی. له دې کبله د دې خاورې اوسیدونکي د بهرینو نظامي یرغلونو په وړاندې دخپل ټاټوبي کلکې دفاع ته اړ اېستل شوي دي او هرډول بهرنى پوځي حضور او تیری په کلکه غندل شوی او دفاع شوی دی. د بهرنۍ لاسوهنې، اوږدمهاله وروسته پاتېوالي د له منځه وړلو او خلکو ته د ډيموکراټیکو ازادیو د حاصلولو په موخه دا هېواد او د هغې تپانده زړه کابل، تل د ملي ازادي بخښونکو غورځنګونو لکه د ویښ زلمیانو، ډيموکراټیک خلق او نورو وطنپالو ،  ټولنیزو سیاسي خوځښتونو د زانګو په ټوګه څرګند شوی دی۔

    دپخوانۍ سړې جګړې او اوسنۍ نیابتي جګړې په را منځ ته کېدو سره ډېرئ دا غورځنګونه په تیره بیا د ډيموکراټیک خلق جنبش پلوي ړون اندي په ځانګړې توګه خلکیان پاشل کېدو، هېواد پرېښودو ته اړشول .

     له نیکه مرغه د پورته یاد شوو روڼ اندو د پرله پسي هلوځلو له امله دهېواد د ډیموکراټیک او وطنپالونکي غورځنګ د خوندي ساتلو په موخه په بېلابېلو نومونو د یوشمېر هېوادنیو سیاسی ګوندونو او سازمانونو د بیا تشکل لړۍ پیل شوه او په افغانستان کې د اوسني دولت د رامنځ ته کېدو په موخه ، په یوه ډيموکراټیک او وطنپالونکي سیاسي سراسري ګوند او یا جبهه کې د دغو روڼ اندو د را منځته شويو جوړښتونو، سیاسی بنسټونو، ګروپونو او خپلواکو شخصیتونو د را ټولېدلو له پاره عملي هڅو سرعت وموند . دغه حالت په ټوله کې په تیره بیا د خلکي پرګنو په ټولو سیاسي نهادونو، ګروپونو او خپلواکو شخصیتونو دا اغیز وښیندلو چی د یوه سراسري، پراخ بنسټه، دموکراتیک او وطنپالونکي ګوند له شتون پرته نه شي کیدلی د افغانستان روان ناورین ته چې د بهرنيو لاسوهنو او استخباراتي لوبو مستقیمه پایله ده، د حل سیخه او عادلانه لار پیداشي، هېواد ته سوله راستنه شي، د بیا ابادۍ بهیر پیل شي، د فساد او مافیایی کړیو په قابو کولو کې برلاسي حاصله شي او دهېواد وسله وال ځواکونه تردي کچې پیاوړي شي چې د هیواد د خلکو ډاډمن امنیت او هوساینه تامین کړي۔

        موږ په هېواد کې د بهرنیانو له هرډول نظامي حضورسره مخالف یو، خو په افغانستان کې د روانې نباتي جګړې د پای ته رسولو، د سراسري سولې د رامنځته کېدو؛ د وطن د سیاسي، اقتصادي او پوځي بنیادونو تر پیاوړي کېدلو چی دهېواد خپلواکي تضمین کړی شي، د نړېوالي ټولنې بې قید او شرطه مرستو ته اړتیا لرو. له دې کبله موږ خلکي مخینه لرونکي ډيموکراسی پلوو سیاسي ګوندونو او سازمانونو عزم کړی چې دپورتنیو او ځینې نورو ملي وطنپالونکو موخو د پلی کولو په خاطر په خپلوکې بریالى، سیاسي او سازماني یووالى پیل کړو او د ملي فکټور په ټوګه، پراخ ډيموکراټیک او وطنپالونکی ګوند چې د ډیموکراټیکې برنامې، اساسنامې، د تشکیلاتی وحدت میکانیزم او د ګوند دسیاسي پالیسۍ درلودونکې وي جوړ کړو.

        موږ له ټولو ګوندیانو څخه چې د داسې یوې سترې موخې پلوي دي غواړو، څو د تېرو ترخو او زړه بوږنوونکو حوادثو له یادولو تېرشي، په یو بل باندې د باورکولو له لارې مطرح هدف، پراخ سراسري ګوند جوړولوته چې خلکي ډيموکراټې پرګنې سره یوځاى کړي،ځانونه ورسوي. د وحدت پلوه سیاسي ګوندونو او سازمانونو او د کابل د بې پرې شورا استازي په مقدماتي ډول د راتلونکي واحد ګوند د اسنادو په مسؤده لکه: مرامنامه، اساسنامه، د ګوند پالیسۍ ،اساسي کرښو او د تشکیلاتي یووالي پر میکانیزم موافقې ته رسېدلي وو، چې نهایي کېدل یې د راتلونکي ګوند د کنګرې او یا سراسري کنفرانس دنده ده. یواځې د وحدت د اعلامیې د متن په اړوند ځینې ملاحظات شته چې هغه هم د ټولو وحدت پلوو ګوندونو په مسؤلانه دریځ نیولو سره حل لاره مومي . د یووالي د بهیر د پیل اعلامیه او د یووالي د بهیر د وړاندې بیولو کار د موقت لارښوونکي ارګان (د وحدت سیاسی کمیته) بشپړوي.

        په درناوي

            دافغانستان د ملي پرمختګ ګوند

                          دارالانشأ