دافغانستان ملي ترقي گوند دارالنشا اعلامېه

کابل – افغانستان
د ۱۳۹۹ کال د ورې ۲۷ مه

د ګوند دارالانشأ په ډيره خواشینۍ خبرتیا تر لاسه کړه چې د افغانستان د ملي ترقۍ ګوند د کابل ښار ګوندې کمیټي غړی انجنیر عبدالرحیم د ورپيښې ناروغۍ له کبله له فانې نړۍ څخه سترګې پټې کړي .
ارواښاد انجینیر عبدالرحیم یو سر سپارلی مبارز ، د خلکو سره په اړیکو کې تعهد لرونکی او زړه سواند شخصیت ؤ . تل یي له خلکو سره مرسته کوله ، په وطن مین ، د هېواد د ابادۍ او ښيرازۍ غوښتونکی ؤ . هغه تل هڅه کوله چې افغانان له فساد ، مافیا او زورواکو خلاصه ټولنه ولري . هر وخت به یي د هغو هېوادونو منفې رول ته ګوته نیغوله چې د بشر د حقوقو د دفاع ، له دموکراسۍ څخه د ملاتړ ډبره په سینه وهې ، خو په عمل کې له قانون ماتونکو ، د افغانستان له کمزورې کوونکو کړیو ملاتړ کوي . هغه به ویل چې د افغانستان د ارزښتونو د له مینځه وړلو په کمین کې له ناستو کړیو دفاع که له هرې پتې وي، د هېواد او خلکو په خیر نه تمامیږې . ځکه د دوې د اعمالو په وجه حالات د خرابۍ لور ته بیول کیږي ، د وطن مادي او معنوي ارزښتونونه په لوي لاس پيکه کیږي .
ارواښاد که زموږ مینځ کې نور نشته خو وړاند وینې یي سمې راخیژي .
د ګوند دارالانشأ د ارواښاد انجنیر عبدالرحیم ناببره مړینه د افغانستان ملي ترقی ګوند ، د هېواد دموکراتیک هېوادنې غورځنګ او ټولو روڼ اندو کتلو ته ستره ضایعه بولي ، مرحوم ته د خداي له دربار څخه د جنت الفردوس ارزو کوي او د هغه کورنۍ او دوستانو ته د زړه صبر او زغم غوښتنه کوي .
د انجنیر عبدالرحیم اروا دې ښاده اوسې !
انا لله و انا الیه راجعون .

عبدالحی مالک
د افغانستان د ملي ترقۍ ګوند ریس

 

افغانستان د ملي ترقي گوند د کادرونو غونډه

نېټه : د اپریل ۱۳ مه ۲۰۲۰ م کال

د افغانستان د اوسنې ستونزمن حالت، د کرونا ویروس ناروغتیا ، سوله، اقتصادي بد حالت د ولسمشر محمد اشرف غني او داکتر عبدالله تر مينځ د سياسي کړکيچ اونورو  مهمو مسألو اړوند بحثونه وشول.
په بحث کې جانان میرخیل ، محمداسماعيل غرنی، نور وهاب څپاند، داکتر شيرحسن حسن،داکتر صاحب نور  ځدران ، عبدالغفار نظرې او محمداقا شيرزاد برخه اخستې وه .
د ملگرو د بحث پاېله دا شوه چې : د کورونا ویروس د کنټرول په برخه کې د دولت اقدامات د پيل په توګه مناسب دي ، خو د افغانستان شرایطوته په کتو که نړیوالي نورې مرستې جلب نه شي ، دولتي او د خصوصي سکټور امکانات په سم ډول مدیریت نه شي ، د خلکو دمالوماتو کچه جګه نه شي ، خلک همکارې ونه کړي ، د مرګ او میر کچه به ډيره زیاته وي . ملګرو له ټولو سیاسي ، مدني ټولنو ، مستقلو شخصیتونو او ټولو خلکو څخه وغوښتل چې د خوریدونکې وبا د مخنیوي په برخه کې بې دریغه همکارې وکړي .
د ولسمشر محمد اشرف غنې او عبدالله عبدالله تر منځ د کړکیچ د حل په برخه کې د افغانستان د لوړو ملي ګټو ، د هېواد د اساسي قانون په رڼا کې د هلو ځلو کولو او ، یوي معقولې پریکړي ته د رسېدو په هکله چې بحران قابو او پخوانۍ کړاؤ زیږونکې تجربې تکرار نه شي ، هڅه او هاند وشي . همدارنګه د دولت ساز ټيم څخه چې ګوند په ټاکنو کې ورڅخه ملاتړ کړی ؤ ، وغوښتل شول چې د بهرنیو او کورنیو کړیو تر فشار لاندې رانه شي ، هغه معاملو ته د بلې سر ټيټ نه کړي چې قانون څنډي ته کوي او د ولس له هیلو سره ټکر کوي .
د هيواد دسولی اوټولو ستونزو د حل له پاره اوسنې واکمني بايد داساسي قانون د منل شوو اصولوپه رڼا کې عمل وکړي د سياسي ماملو د چوکې پرستانو د ناوړه غوښتنو ته تسليم نه شي .
د دولت ساز ټيم د مشرتابه رول ته ګوته نیغه شوه او له هغوي وغوښتل شول ، د ټيم د ټولو جمعې او انفرادې غړو سره په نورمال او بحرانې شرایطو کې د مشورو کولو لړۍ جارې وساتې او د هغوي وړاندیزونو ته په درنه سترګه وګورې او د هغوي له اغیز او امکاناتو څخه د مسألو په حل کې ګټه واخلې .

په درناوي

محمد ااقا کوچی

ګوندي یووالی

ليکونکې نور وهاب څپاند14054008_1265022086844435_9147298485601575233_n 

یوه تاکتیکې ستراتیژیکه کړنه ده، چې د سیاسي ګوندونو ترمنځ د فکري تشکیلاتې پوهاوي او موافقت په پایله کې شکل مومې . ګوندی یووالی د سیاسي ګوندونو، سازمانونو ، ډلو ،  ګروپونو او ځانګړو سیاسي شخصیتونو د راټولېدو او د ټاکلو موخو د لاسته راوړلو په لور د لیدو وړ ټولګي د رهي کېدو لامل ګرځي . ګوندي یووالی هغه وخت امکان پيدا کوي چې د وحدت کوونکو خواؤ تر منځ په فکري ، تشکیلاتي او تبلیغاتي برخو کې ورته یا واحد نظر د پوخوالي بهیر خپل کړي . په یادو برخو کې د اختلافونو لیرې کېدل ګوندي یووالي ته د یوې ټولګي په رسېدو کې ستر رول لوبوي . په دې توکه د یووالي بهیر ، د هغې بریا ، د پلې کېدو څرنګوالی ، پایښت او تجربې یي د ارزښت وړ دي . له دې کبله د ګوندي یووالي بهیر له پیل کېدو ړومبی په فکري ، تشکیلاتي او تبلیغاتي برخو کې د موافقت موارد زیاتول او له دې لارې د خواشینونکو ماتو څخه د یووالي پروسه ژغورل ډیر اهمیت لري ! د نیږدې یا ورته موخو لرونکو ډیرو ګوندونو او سازمانونو ، پر ځاي له هغوئ تشکیل شوي سیاسي ټولګه چې په فکري ، تشکیلاتي او تبلیغاتي برخو کې د توافق له مخې ګډې همکارۍ او شریک کار ته زړه ښه کړي او د واحد ګوند په جوړولو سلا شي ، د ډیرې پاملرنې وړ ګڼل کیږي . د ګوندي یووالي په بهیر کې فکري ، تشکیلاتي او تبلیغاتي برخې د نورو په پرتله جوت ځاي لري . یانې که د ګډ ګوند د موخو په ټاکلو ، د لارښوونې په مرکزي او سیمه ایزو ارګانونو او شوراګانو جوړولو ، د ګډې سیاسي پالیسۍ په تبلیغولو موافقه او د هغې د کنترول په میکانیزم هوکړه ونه شي او پلې کېدل یي ضمانت نه شي ، ګوندې یووالی نه کیږي . د وحدت خواشینونکې بیلګو هغه وخت وحدت پلوي خواوې د ګواښ سره مخامخ کړي چې د نیول شوي تصمیمونو له پلې کېدو څخه پښې اړول شوي . تجربو ښودلې چې د یووالي په بهیرونو کې ډیرئ وختونه په فکري لېد لورې د توافق پر ځاي په ګډ تشکیلاتې جوړښت کې د حساسو موقفونو د تر لاسه کولو په موخه په تشکیلاتي توافق ټینګار شوی او ورسره سم په تبلیغاتي ساحه کې د اغیز ښیندلو هڅو ته هم ادامه ورکړل شوي چې په پایله کې له لږې مودې ګوندې کار وروسته ، فکري اختلافونو په تبلیغاتي او د ګوندې سیاسي پالیسۍ د وړاندې کولو په برخو کې سر راپورته کړی چې د یووالي پر ځاي یي د ګوندي جلاوالي دګر پرانیستۍ . له دې کبله د وحدت کوونکو خواؤ له لورې د فکري ګوندي اډانې د پخیدو نه مخکې هر ډول لنډمهالو تشکیلاتي میکانیزمونو کې ننوتل ښایي د یووالي خواوي د جلاوالي په لور بوزي . هر وخت چې ټولنه د ژور بحران او جنګ جګړو په ګرداب کې پریوتي هېوادنی سیاسي کتلې د انقطاب په اوږدې ناروغۍ اخته شوي . ځکه بحران او جګړه زیږونکې ګړۍ د لوي ګوندونو چې ملي سراسري کرکتر ولري د جوړیدو مخنیوی کوي . هغوئ دموکراتیک او هېوادنې ګوندونه د خپلو شومو پلانونو د پلې کولو د لارې غټ خنډ بولي . په داسې شرایطو کې چې د ملي سراسرې ګوند د جوړولو په ترځ کې ، څرګندې کړۍ له بربنډې لاسوهنې نیولې د ګوندې سیاست په ډګر کې د ګوندونو د بدنامولو او د هغو سیاسي سوداګرو کړیو چې ګوندي اکټونه کوي د رامخته کولو هڅې جارې ساتي ، د پرله پسې کلکې مبارزې د جارې ساتلو تر څنګ د شته دموکراتیکو هېوادنیو ګوندونو او سازمانونو په منځ کې د فعال سیاسي کار د مخته بیولو له پاره د منظمو هلو ځلو کول اړین بلل کیږي . که هر څومره د یاد شوي ګوندونو او سازمانونو په منځ کې سیاسي کار پیاوړی وي ، له یوې خوا هغوي په ټولنه هېوادنی اغیز ښیندي او له بلې خوا په خپلو کې د سیاسي ګوندې کار د تجربو راکړه ورکړه کوي او په دې توګه د دوي تر منځ د اتحادونو د جوړیدو او د واحدې فکري اډانې د رامنځته کېدو او پوخوالي اړینې زمینې برابریږي . لېدل شوي چې د یووالي له پاره د تیاریدو د لیږد په مرحله کې ګوندي سیاسي کارونو ته لږ شا اړول شوي ، دې چلن له یوه پلوه ګوندې یووالي ته کومه ګټه نه ده رسولې او له بلې خوا یي د ګوندي شورا ګانو د غیر فعال کېدو او د یو شمیر ګوندي غړو د مورال د لویدو زمینه برابره کړي ده . په داسې شرایطو کې د واقع کېدو له امله چې کله ګوندي بهیر د ستونزو ښکار شوی او له بلې خوا په بهیر کې شاملې خواوي له عادې ورځنیو ګوندي فعالیتونو څټ ته لویدلې ، د ډیرئ ګوندي غړو د نیمه خوا کېدو او د ځینو سازمانونو د پاشل کېدو لامل شوي . په دې اساس دا به غوره وي چې لمړی تر هر څه د ګوندي یووالي اړتیا په پوره ځیرتیا وارزول شي ، له هر څه وړاندې د یووالي په فکري اړخ موافقه حاصله شي او له هغې وروسته په دموکراتیک ډول د لنډمهالو تشکیلاتو په بڼه کار وشي او د ګوندي بهیرد وړاندي تګ د مالوماتو خپرولو واحده تبلیغاتې ژبه وکارول شي . په هغو ټولنو کې چې جګړو او بحرانونو یی بدنې جړکولې ، خلک یي په اندیښنو، نا هیلۍ ، بې باورۍ اخته کړي ، په طبیعي ډول یي د سیاسي ګوندونو اډانې پیاوړې نه بریښې . په دې حالاتو کې د ګوندونوغړې لږیږي او د خپلواکو سیاستوالو شمیر چې زیمه وارۍ او دندې یي کمې وي ډیریږي . هغوئ ګوندي کار او فعالیت ته د ګوتې نیغونې په ترځ کې د نیږدې کېدو او یووالي بیلا بیل وړاندیزونه مطرح کوي . دا طبیعي خبره ده ، خو د ګوندي کار او فعالیت بهیر کې ګډون نه کوونکې ، ښایي د ټولو هغو ستونزو سره دومره بلد نه وي ، څومره چې ګوندي غړي ورسره لاس او ګریوان دي ! له بلې خوا د ګوندي تشکیلاتو څخه د باندې کسان د ګوندي فعالیت د پرله پسې جریان او د ګوندي مسآلو او پیښو د ظهور او حل له څرنګوالې لږه خبرتیا تر لاسه کولی شي . له دې امله د ګوندې بهیر د پیل او مخته بیولو په چارو کې د ګوندونو عینې ستونزې درک کول ، د هغوئ په وړاندې د پرتو مسآلو حل ته په معقول ډول او له احساساتو پرته د لارو موندلو فرصت ورکول اهمیت مومي .

 په لنډیر سره ، ویلی شو چې ګوندي یووالی زیات ارزښت او اهمیت لري . د ګوندي یووالي بنسټ د هغې د فکري اړخ د توافق په پایله کې ایښودل کیږي چې تشکیلاتي او تبلیغاتي اړخونه د یووالي بهیر په بشپړیدو کې ځانګړی رول لري . ترڅو په فکري اړخ توافق نه وي شوی ، لنډمهالو تشکیلاتو ته ننوتل، د ځینو هوکړو کول ډاډمن نه ښکاري . یووالي بهیر ته له ننوتو د مخه د فکرې او تشکیلاتې تیارۍ په موخه د اتحادونو په نورو بڼو تمرین کول یو د بل په نظریو او موقفونو پوهېدل بې ګټې کار نه دی . په پوره ځیرتیا او تیارۍ یووالی کول پایله لري . پایداره یووالی واحد ګوند او ګوندې سیاست ته اعتبار بښې . یووالي بهیر ته د کار په موقه ، ګوندې فعالیت ته اړینه پاملرنه کول، ګوندي مرکزې ارګانونه او شوراګانې فعال ساتل ، له ټولو پرمختیاؤ ګوندي غړې خبرول د ډیرې پاملرنې وړ دي .

غونډه

m agha (2)

دافغانستا ن ملي ترقي گوند

نېټه 2020406

په غونډه کې محمداسماعيل غرنی دگوند داروپايي برخې مسول مشر،نور وهاب څپاند د لندن،محمدالله صاپی دفرانسی،داکتر صاحب نور له فرانسی،عبدالخالق صاپی د اتريش،حکيم روان د هالنډ،امير محمد گران دالمان،غفارخان نظري ډنمارک ،داکتر شيرحسن حسن له مسکو نه  ،جانان ميرخيل دگوند مرستيال ،ژعبد لقيوم استاد امريکا،ميرزمان وفادار د گوند ددارلانشا غړی له کابله،گډون درلوده.

يادونه دگوند  ريس محترم عبدد الحیمالک زيا ت کوښښ وکړ چی د سکايپ له لاری غونډه کې گډون وکړي خو تخنيکي ستونزه وه گډون يې ونشو کړای.

 دغونډې اجندا او پرانستونکی وينا محمداسماعيل غرني وکړه

اجندا د ملگرتوب په پوره فضا کې تاييد شوه.

گران صاحب د نړېوالو،سيمې پر حالاتو، کرونا، دافغانستان پر سياسي ستونزود گوند پر اړوند اوږد ه ارزونه درلوده .

د گوند مرستېال جانان ميرخيل د گوند په راجستريشن اود هېواد پر نورو حساسو ستونزو ارزونه درلوده.

وفادار صاحب د گوند د مشرتابه په استازوز ولی د گوند راجستر،کارفعاليتو،د کرونا بد حالت،په اړوند، د يو شمير نورو گوندونو او حلقو سره د گوند ي يوالی رپوټ ملگرو ته وړاندی کړ د وفادار صاحب نه ملگرو زياتی پوښتنی درلوده گوندي مشرتابه ته وړاندوينې درلودی چی وفادار صاحب ټول اړوند وړانديزونه د ځان سره ياداشت کړه چی گوندي مشرتابه ته وړاندی کړي.

پوښتني وړانديزونه !

دگوند  په راجستريشن د وخت او حالاتو سره سم کار ونه شو  زيات وخت ونيوه دا زموږ له پاره تر هر څه اړينه ده، دنورو سره يوالی د گوند له پاره مهم دی خو د تيرو تجربو نه په استفادی بايد وحدتونه دسمواصولو، باورمندی، فکري يوالي متمرکز وي.نور وهاب څپاند د گوند ي ملگروپردندو دريځ اوسنيو حالاتو، ستونزو اوږ مالومات وړاندی کړل، داکتر شير حسن وويل د گوندي ملگرو کار فعاليت د منلو دی ولی د مخکني زاړه سيستم نه بايد راوزو گوند بايد ميډيا او ولس ته داخل شي.استاد قيوم هم د اوسنی حالاتو ارزونه درلوده.محمدالله صاپي دگوند او ټولنې په هيواد کې کړ کړکيچنو بدو حالاتو علمي ارزونه وکړه.

عبدالخالق  صاپي هم د نورو ملگرو په شان ټينگار کاوه چی گوند بايد ميډيايي شي چی ټول وپيژني.

غفارخان  ورته نظر درلوده د گوند د پياوړتېا د هر ملگري دنده وبلله د ټولو ملگرو د جدي کار فعاليت غوښتنه کوله،ما محمداقا شيرزاد هم د ټولو ملگرو د وړانديزونو تر څنگ وويل چی زموږ اوسنی حالت دوخت غوښتنو سره قانع کونکې نه دی ارماني مبارزی کول پکار نه دي عملي کار ته راووزي يوازی د گوند مشران يا مشر معجزه نشي کولای ټول بايد اکتيف شو ميډېا ته راووزو ليکنې وکړو په گوند کې ننداره کول د بل معجزی ته کېناستل د وخت تيرولو په مانا ده هر مشر يابل گوندي دنده لري چی گوندي کار فعاليت ته وخت ور کړي تر څو گوند ديو مطرح گوند په توگه ټولنې نړی سره سيال شي او خپلو موخو ته رسيدل قرباني غواړي.

ملگري محمد اسماعيل غرني د غونډې پر ټولو مهمو مسايلو بحث وکړ او له ملگرو يي غوښتنه درلوده چی گوندي کار فعاليتونه د خپلو شخصي کارونو څخه غوره وشميری گوند د ټولو همفکره ملگرو مجموعی ته وايي اودا موخی هله سرته رسي چی ټول فعال او نه ستړي کيدونکې هلې ځلې وکړو.

 د غونډې کار حکيم روان وارزولو د ټولو ملگرو يي وغوښتل چی په هر برخه کې فعال شو يو بل ته انتظار نشو چی گويا د گوند مشران به معجزه راسا کارونه وکړي گوند بايد ديوه تن وجود په توگه فعال شي وړانديز يې درلود چی که ملگري دوستان دی ته وهڅو چی د هيواد بی وزلو ته د کرونا ناورين په موجوديت کې مرستی را جلب او خلکو ته واستوو.

په درنښت محمد اقا شيرزاد

 

 

ګوندې ژوند

نوروهاب څپاند42492224_1812862165503252_6497167933997842432_n

سیاسي ګوند یوه داسې سیاسي ټولنیزه ټولګه ده چې همفکره خلک د هغې لیکې او د مشرتابه ډلګۍ جوړوي . په ګوند کې ګډون او غړیتوب د خپلې خوښي کار دی . خو ګوندي کار او فعالیت د ټاکلې نظم اخیستو او د کوټلو پایلو د ورکولو په موخه د برنامې ، اساسنامې او د سیاسي پالیسۍ د لرلو ایجاب کوي . برنامه د ګوند هدفونه ، اساسنامه د ګوندې فعالیت چوکاټ او د تنظيم څرنګوالی او سیاسي پالیسې د مسألو په وړاندې د ګوندې چلن طرز ټاکې . له دې کبله هر ګوندې غړی باید له پورتنیو درې ګوندي سندونو سره اړینه اشنایي ولري . د ګوندي مشرتابه ډلګۍ پریکړې د یاد شوي اسنادو په رڼا کې صورت مومې . نو ځکه د ګوندي مشرتابه پریکړي هم د ګوندي اسنادو بله مهمه برخه جوړوي چې د هغې د منځپانګې سره بلدتیا هم زیات اهمیت پيدا کوي . د ګوندي اسنادو یوه جوته ځانګړنه داده چې څومره د ټولني د واقعیتونو او روانې وضعې سره سم جوړ شوي دي . ځکه بې له دې د پلې کېدو چانسونه یي لږیږي او خپل ارزښت له لاسه ورکوي . ګوندي اسناد پر له پسې لوستنې او په ذهن کې د هغې د منځپانګې ساتنې ته اړتیا لري . که دا کار ونه شي ، د ګوندي اسنادو د نوي کېدو په اړتیا د پوهېدو زمینې لږیږي . تر څو په ګوندي اسنادو کې اړین بدلونونه رامنځته نه شي ، د ګوندي کار او فعالیت د انجماد کچې د راټيټولو چارې به ټکنۍ وي . د ګوندي اسنادو نوي کول د ګوندي غړو د لا هڅېدو او د هغوي د فعالیتونو د هر اړخیز کېدو سره نه شلېدونکې اړیکه لري . يانې د ګوندي اسنادو اړین بدلون د ګوندي غړو او شوراګانو د ویښتیا او د مخته پرتو ستونزو څخه د سم درک څرګندونه کوي چې د ټولني په وړاندې پرتو مسألو ته د شرایطو مطابق حل لاري لټوي . هغه ګوند زیات فعاله وي چې د مشرتابه ډلګۍ ، شوراګانې او غړي يي په خپلو پوړیو کې خوځند ، دندې پلې کوونکې او رپوټ ورکوونکې وي . همدارنګه په لږو لګښتونو د مهمو چارو د مخته بیولو وړتیا او نوښت ولري . د دندو پلې کېدل په ګوندي ګړندیو اړیکو ټينګولو پورې اړه نیسې . که هر څومره ګوندې اړیکې فعاله وي په هماغه اندازه ګوند د ژوندي ارګانیزم په څير په هڅه او هاند کې مالومیږي . که اړیکې سستې وي ګوند مړژواندی ښکارې او ګوندي غړي يي سرګردانه او ګیله من تر سترګو کیږي . یو په بل شک ، په دندو کې تداخل او دوبلیکیشن د ګوندي کمزورې اړیکو غوره مشخصې دي . ډير غښتلې ګوندونه د اړیکو د کمزورتیا له امله پر مځکه راپریوتې . له دې کبله د ګوندي فعالو اړیکو د سیستم جوړل ضرورې دي . د لاس په لاس ګوندي پيغامونو څخه نیولې بیا ، د پوستې ، تیلفون ، مبایل ، رسنیو ، د معلو ماتې تکنالوژۍ پر مټ د بریښنا لیکونو ، پيغامونو د لیږلو رالیږلو او د مخامخ انفرادې او ډله ایزو کتنو په دایره کې ګوندې اړیکې ټينګول او وده ورکول د ګوندې سیاسي فرهنګ برخه ګرځيدلې ده . هغه ګوندونه چې په دې برخه کې ځانونه ډير پياوړی کړی ، په حقیقت کې یي د ګوندې فرهنګ کچه لوړه بیولې ده . د اړیکو ټينګولو له وسایلو څخه ګټه اخیستونکې ګوندونه خپل اهداف ، د پالیسۍ غټ ټکې د خلکو په منځ کې ښه څرګندولی او روښانولی شي . د روښانه موخو پلې کولو ته د ګوندي غړو شوق او علاقه ، اراده او عزم ډير وي او خلک هم په روښانه هدفونو او پالیسیو پسې په اسانۍ د تګ هوډ کوي . د معاصرې دموکراسۍ د وخت ګوندونه ، روښانو هدفونو ، د معیارې سیاسي پالیسۍ لرلو ته زیات اهمیت ورکوي . ځکه پلې کېدل یي اسانه او ارزانه وي . له رسنیو سره د ګوند دوامداره رابطې د ګوند په ښه پيژندنه کې زیاته مرسته کوي ، په ګوندي کادرونو کې د ګوند او ټولني په منځ کې د مطرح کېدو سالمه سیالې هڅوي او د ګوندي کادرونو د کمیت او کیفیت د ډيروالې سبب کیږي . له همدې کبله نن سبا د ډله ایزو اړیکو او اطلاعاتو وسایل ، په ټوله نړۍ کې خوځښتونه او اوښتونونه هڅوي . په داسې بهیرونو کې هغه ګوندونه د حرکتونو او انقلابونو په سر کې واقع کیږي چې لا له وړاندې د همدې وسایلو او د ګوندي اهدافو او پالیسۍ د ښه توضیح په مټ مشهور شوي وي .

ګوندي ژوند ډير په زړه پورې ، خو په ځينو کچو کې پيچلی او خواشینونکی دی . له دې کبله ګوندې پوهه او هنر غواړي چې په سم ډول سمبال شي . د ګوندې ژوند د لوړو ژورو سره اموخت د ګوندې ژوند په بهیر کې د بریا لور ته د کړکۍ پرانیستل ګڼل کیږي . ګوندې کار د یو شمیر نورو کارونو په څير تل فعاله کار او فعالیت دی چې په تودوخه کې یي ساتل بقا ډاډمنه وې او د سوړوالې لور ته یي رهې کول ستر زیانونه اړوي !